އުނގޫފާރު. ކަރަންޓުގައި ޖެހުނު ދެ ކުއްޖަކަށް އެ ރަށުގައި ދަނީ ފަރުވާ ދެމުން (ފޮޓޯ/އުނގޫފާރު.ކޮމް)
ފެންގަނޑަށް ކަރަންޓު އައިސް، ކުޅެން ތިބި ދެކުއްޖަކަށް ސީރިއަސް އަނިޔާތަކެއް
ރ. އުނގޫފާރުގައި މަގުމަތީގައި އޮތް ފެންގަނޑަކަށް ކަރަންޓު އައިސް، އެތަނުގައި ކުޅެން ތިބި ދެ ކުއްޖަކަށް ސީރިއަސް އަނިޔާތަކެއް ލިބިއްޖެ އެވެ.
ވީ ކިހިނެއް؟- ރާއްޖެއަށް ކުރަމުންދާ ވިއްސާރަގައި އުނގޫފާރަށް ވެސް މިހާރު ދަނީ ބޯކޮށް ވާރޭވެހެމުންނެވެ. އެނގިފައިވާ ގޮތުގައި މިއަދު މެންދުރު އެ ކުދިން ތިބީ ވާރެއާ ތެމި، ފެންގަނޑުގައި ކުޅެންށެވެ.
އުނގޫފާރު ރީޖަނަލް ހޮސްޕިޓަލުން ބުނިގޮތުގައި:
-
ކުދިން ކުޅެން ތިބީ، މަގުމަތީ ޖަހާފައި ހުރި ބައްތިއެއް ކައިރީގައި އޮތް ފެންގަނޑެއްގައި
-
ފެންގަނޑަށް ކަރަންޓު އައީ އެ ބައްތިން
-
އެ ހާދިސާގައި އުމުރުން އަށް އަހަރުގެ ފިރިހެން ކުއްޖަކަށާއި 12 އަހަރުގެ އަންހެން ކުއްޖަކަށް އަނިޔާވި؛ އެ ދެ ކުދިންނަށް ދަނީ މިހާރު ފަރުވާ ދެމުން
-
އަދި އެ މަންޒަރު ފެނި، ހޭނެތުނު 18 އަހަރުގެ ޒުވާނަކަށް ވެސް ދަނީ ފަރުވާދެމުން
"ކުޑަދެ ކުދިންގެ ހާލު މި ވަގުތު ވަރަށް ސީރިއަސް،" ހޮސްޕިޓަލުގެ ސީނިއާ ކަސްޓަމާ ރިލޭޝަން އޮފިސަރު ހަސަން ފަޒީލް 'ދައުރު'އަށް ވިދާޅުވި އެވެ.