ވީއައިއޭގެ ޑޮމެސްޓިކް ޓާމިނަލް ސަރަހައްދުގައި ޓެކްސީއެއް މަޑުކޮށްލައިގެން: ސަރުކާރުން ފުރަތަމަ ފަހަރަށް މިއަދު ވަނީ ޑޮމެސްޓިކް ޓާމިނަލަށް ދަތުރުކުރާ އަގު ކަނޑައަޅާފައި (ދައުރު ފޮޓޯ/ މުޒައްޔިން ނާޒިމް)
ޑޮމެސްޓިކް ޓާމިނަލަށް އިތުރު 10ރ. އާއި އިތުރުވާ ލަގެޖަށް ފައިސާ ނަގާ ގޮތަށް ޓެކްސީގެ އަގުތައް ކަނޑައަޅައިފި
ވެލާނާ އިންޓަނޭޝަނަލް އެއާޕޯޓު (ވީއައިއޭ)ގެ ޑޮމެސްޓިކް ޓާމިނަލްއަށް ކުރާ ޓެކްސީ ދަތުރުތަކަށް އިތުރު 10ރ. ނެގޭ ގޮތަަށް ހަދައި ތިން ލަގެޖަށް ވުރެ އިތުރަށް ޓެކްސީއަކަށް އަރުވާ ނަމަ އިތުރަށް ފައިސާ ނަގާ ގޮތަށް މާލެ ސަރަހައްދުގެ ޓެކްސީގެ އަގުތައް ޓްރާސްޕޯޓު މިނިސްޓްރީން މިއަދު އަލުން އިއުލާންކޮށްފި އެވެ.
އަދި މީގެ ކުރިން ކަނޑައަޅާފައި ނުވާ 7-10 ސީޓު ހުންނަ ވޭން ޓެކްސީގެ އަގުތައް ވަނީ ފުރަތަމަ ފަހަރަށް ކަނޑައަޅައިފަ އެވެ.
ޓްރާސްޕޯޓު މިނިސްޓްރީން މިއަދު ނެރުނު އިއުލާނެއްގައިވާ ގޮތުން އާ އަގުތަކަށް އަމަލުކުރާނީ އަންނަ އާދީއްތަ ދުވަހުން ފެށިގެންނެވެ.
ފަސްމަންޒަރު - މިދިޔަ ޑިސެމްބަރު މަހުން ފެށިގެން ވީއައިއޭގެ ޑޮމޮސްޓިކް ޓާމިނަލަށް ޓެކްސީތަކަށް މަޑުކުރެވޭ ގޮތް ހެދި ނަމަވެސް، މިނިސްޓްރީން އޮތީ އެފަދަ ދަތުރުތަކަށް އަގެއް ކަނޑަނާޅަ އެވެ. އެހެންވެ ޑްރައިވަރުން އެ ސަރަހައްދަށް މަޑު ކުރަނީ އެ މީހުން ބޭނުންވާ އަގަކަށެވެ.
ތަފްސީލު - މިނިސްޓްރީން މިއަދު ނެރުނު އިއުލާންގައިވާ ގޮތުން:
-
ހަ ސީޓު ހުންނަ ކާރުތަކަަށް ޑޮމެސްޓިކް ޓާމިނަލަށް ދިޔުމަށް އިތުރަށް ނެގޭނީ 10ރ.
-
7-10 ސީޓު ހުންނަ ވޭންތަކަށް ޑޮމެސްޓިކް ޓާމިނަލަށް ދިޔުމަށް އިތުރަށް ނެގޭނީ 15ރ.
ޓެކްސީތަކަށް އަރުވާ ލަގެޖަށް ފައިސާ ނެގުމަކީ މީގެ ކުރިން މަނާ ކަމެކެވެ. ނަމަވެސް އިއުލާންގައިވާ ގޮތުން ތިން ލަގެޖަށް ވުރެ އިތުރުވާ ކޮންމެ ލަގެޖަކަށް 5ރ. ނެގޭނެ އެވެ.
މިނިސްޓްރީން ވޭން ޓެކްސީއަށް ކަނޑައެޅި އަގުތައް:
-
މާލެ، ހުޅުމާލެ ފޭސް 1، ހުޅުމާލެ ފޭސް 2ގެ އެތެރޭގެ ދަތުރުތައް: 45ރ.
-
މާލެ - ހުޅުމާލެ ފޭސް 1: 130ރ.
-
މާލެ - ހުޅުމާލެ ފޭސް 2: 155ރ.
-
މާލެ-ހުޅުލެ: 110ރ.
-
ހުޅުލެ - ހުޅުމާލެ ފޭސް 1: 110ރ.
-
ހުޅުލެ - ހުޅުމާލެ ފޭސް 2: 125ރ.
-
ހުޅުމާލެ ފޭސް 1 - ފޭސް 2: 60ރ.
ބުނީ ކީކޭ؟ - "މި ވުޒާރާއިން ޓެކްސީ ކުރުމުގެ އަގުތައް ކަނޑައަޅާފައި ވަނީ، ދަތުރުކުރެވޭ ސަރަހައްދާއި ޕެޓްރޯލް ހަރަދާއި އެފަދަ ކަންކަމަށް ރިއާޔަތްކޮށް، ޑްރައިވަރުންނާއި ހިދުމަތް ލިބިގަންނަ އާންމު ފަރުދުންގެ މަސްލަހަތަށް ބުރޫނާރާނެ ފަދަ ވިސްނުމެއްގައި،" މިނިސްޓްރީގެ އިއުލާންގައި ބުނެފައިވެ އެވެ.
އެނގުން މުހިއްމު - ހަ ސީޓަށް ވުރެ މަދު ސީޓު ހުންނަ ކާރުތަކުގެ ދަތުރުތައް އަދިވެސް ކުރެވޭނީ މިދިޔަ އަހަރުގެ ޖުލައި މަހު ކަނޑައެޅި އަގުތަކުގަ އެވެ.
ކޮމެންޓް (5)
ނޫނުބާ
ސަކީނާ
އަލިބެ.
ޢަލިމަނިކު.
ސޭކުސްތާން