ޕީއެންއެފް ސެނެޓުގެ ފުރަތަމަ ބައްދަލުވުން. (ޓުވިޓާ ފޮޓޯ/މުހައްމަދު މަލީހު ޖަމާލް)
ޔާމީންގެ ރިޔާސަތުގައި ޕީއެންއެފްގެ ފުރަތަމަ ސެނެޓް ބައްދަލުވުން ބާއްވައިފި
ކުރީގެ ރައީސް އަބްދުﷲ ޔާމީންގެ އިސްވެ، އުފެއްދެވި ޕީޕަލްސް ނޭޝޭނަލް ފްރޮންޓް (ޕީއެންްއެފް)ގެ ފުރަތަމަަ ސެނެޓް ބައްދަލުވުމުން، އެމަނިކުފާނުގެ ރިޔާސަތުގައި އިއްޔެ ބާއްވައިފި އެވެ.
ވީ ކިހިނެއް؟ - އެ ބައްދަލުވުން އިއްޔެ ވަގުތެއްގައި ބޭއްވިކަން އެ ޕާޓީގެ ސެކެޓްރީ ޖެނެރަލް މަލީހް ޖަމާލު ރޭ ކުރެއްވި އެކްސްގައި ކުރެއްވި ޕޯސްޓެއްގައި ވަނީ ހާމަކުރައްވައިފަ އެވެ.
ބުނީ ކީކޭ؟ - "ޕީއެންއެފްގެ ތާރީހީ ފުރަތަމަ ސެނޭޓް ބައްދަލުންވަނީ މިއަދު ބޭއްވިފައި. އަސާސީ ގަވާއިދުގައިވާ ހަތަރު ކޮމިޓީއަކަށް ބޭފުޅުން އިންތިހާބުކުރެވުނު. މީގެ ތެރޭ ސުލޫކީ، އިސްތިއުނާފު، އީސީ އަދި މެމްބަރު އެފްއާޒް ކޮމިޓީ ހިމެނޭ،" މަލީހް ވިދާޅުވި އެވެ.
ޔާމީން އެ ބައްދަލުވުމުގެ ރިޔާަސަތު ބެލެހެއްޓެވީ، "ސެނެޓްގެ ރުހުމާ އެކު" ކަމަށް މަލީހު ވިދާޅުވި އެވެ.
ފާހަގަކޮށްލެވޭ ކަމެއް - ޔާމީީންއަކީ އެ ޕާޓީގެ ސެނެޓް މެންބަރެކެވެ. މަލީހް ހާމަކުރެއްވި ފޮޓޯތަކުން ފެންނަ ގޮތުގައި ޔާމީންގެ އަރިހުގައި ރިޔާސަތު މޭޒުގައި އެ ޕާޓީގެ ރައީސް އަދި އެމަނިކުފާނުގެ ދަރިކަލުން ޒޭން އަބްދުﷲ ޔާމީން ވެސް އިންނެވި އެވެ.
އިލެކްޝަންސް ކޮމިޝަނުން ޕީއެންއެފް ރަޖިސްޓްރީކޮށްދީފައި ވަނީ މިދިޔަ ބުރާސްފަތި ދުވަހު އެވެ.
ކޮމެންޓް (3)
މީހުން
ސިކުނޑި
ހުވަފެން