އައްޑޫގެ ކަރަންޓު ނެޓްވޯކު އަޕްގްރޭޑު ކުރުމަށް ޗައިނާގެ ކުންފުންޏަކާ ހަވާކު ކުރުން (ފޮޓޯ/ފެނަކަ)
އައްޑޫ ކަރަންޓް ނެޓްވޯކް އަޕްގްރޭޑު ކުރަން ޗައިނާ ކުންފުންޏަކަށް
އައްޑޫގެ ގުޅިފައިވާ ރަށްތަކުގެ ކަރަންޓް ނެޓްވޯކު އަޕްގްރޭޑު ކުރަން ޗައިނާގެ ޑޮންގްފަންގް އިލެކްޓްރިކް އިންޓަނޭޝަނަލް ކޯޕަރޭޝަންއާ އެކު އެއްބަސްވުމެއްގައި ސޮއިކޮށްފި އެވެ.
ވީ ކިހިނެއް؟ - މިއަދު ފެނަކަ ކޯޕަރޭޝަންގައި ބޭއްވި ރަސްމިއްޔާތެއްގައި މި މަސައްކަތުގެ އެއްބަސްވުމުގައި ވަނީ ސޮއިކޮށްފަ އެވެ.
-
ފެނަކަގެ ފަރާތުން އެއްބަސްވުމުގައިި ސޮއިކުރެއްވީ މެނޭޖިން ޑިރެކްޓަރު މުއާޒު މުހައްމަދު ރަޝީދު
-
ޑޮންގްފަންގް އިލެކްޓްރިކް އިންޓަނޭޝަނަލްގެ ފަރާތުން ސޮއިކުރެއްވީ އެ ކުންފުނީގެ ނައިބު ރައީސް ސަން ޒެންޕިންގް
ތަފްސީލް- ފެނަކަ އިން ބުނީ އެ މަސައްކަތާ އެކު އައްޑޫގެ ގުޅިފައިވާ ރަށްތަކަށް ކަރަންޓުގެ ދެމެހެއްޓެނިވި ހައްލެއް ހޯދޭނެ ކަމަށެވެ.
އެ މަސައްކަތުގެ ދަށުން
-
ހިތަދޫގައި އަލަށް ގާއިމުކުރާ 32 މެގަވޯޓުގެ އިންޖީނުގެ ގާއިމުކުރާނެ
-
ޑިސްޓްރިބިއުޝަން ސިސްޓަމް އަޕްގްރޭޑް ކުރާނެ
-
މި މަޝްރޫއު ނިމޭއިރު ކުރިއަށް އޮތް 20 އަހަރަށް އެކަށީގެންވާ ވަރަށް ބޭނުންވާ ޖެނެރޭޝަން ކެޕޭސިޓީ އިތުރުކުރެވޭނެ
-
މި މަޝްރޫއުގެ އަގަކީ 59 މިލިއަން ޑޮލަރު؛ ފެނަކަ އިން ފައިސާ ދައްކަން 12 އަހަރު ލިބޭނެ
ފެނަކަ އިން ބުނީ އެ މަޝްރޫއު ދޮޅު އަހަރުގެ ތެރޭގައި ނިންމާ ހިދުމަތް ދޭން ފެށޭނެ ކަމަށެވެ.
ކޮމެންޓް