ކުރި އަނިޔާއަށް އަދަބު ލިބެން ޖެހޭ ކަމަށް ބުނެ އާއިލާއިން މާފަށް އެދެފި

އއ. ރަސްދޫ މިސްކިތުގެ ފާާހާނާތެރޭގައި ކުޑަކުއްޖަކަށް އަނިޔާކޮށް ބުލީކުރި މައްސަލައިގައި، އެކަމުގައި ޝާމިލްވި އެއް ކުއްޖެއްގެ އާއިލާއިން މާފަށް އެދެފި އެވެ.

ވީ ކިހިނެއް؟- މިދިޔަ ހުކުރު ދުވަހުގެ ރޭ، ރަސްދޫ މިސްކިތުގެ ފާހާނާ ތެރޭގައި 12 އަހަރުގެ ކުއްޖަކަށް އަނިޔާކޮށްފައިވަނީ އުމުރުން 13 އަހަރާއި 14 އަހަރުގެ ދެ ފިރިހެން ކުދިންނެވެ. ސޯޝަލް މީޑިއާގައި އާއްމުވި ވީޑިއޯއަކުން، އެތައް ފަހަރަކު އެ ކުއްޖާގެ ގައިގައި ޖަހާތަން ފެނެ އެވެ. ކަނދުރާމަތީގަ އާއި ބޮލުގައި ގޮށްމުށުންނާއި ކޮޅުފައިން ޖަހަ އެވެ. އަދި އެ ކުއްޖާގެ އަތުގައި އޮތް ފެންފުޅި އަތުލައި ބޮލަށް އަޅާލަ އެވެ.

މި މައްސަލަ ހޫނުވުމާ އެކު މާލެއިން ފުލުހުންގެ ޓީމެއް ރަސްދުއަށް ގޮސް ދަނީ، ސީރިއަސް މައްސަލައެއްގެ ގޮތުގައި މިކަން ބަލަމުންނެވެ.

އެއާ އެކު ރޭ ވަނީ، މި މައްސަލާގައި ހިމެނޭ 14 އަހަރުގެ ފިރިހެން ކުއްޖާގެ އާއިލާއިން މާފަށް އެދި ފޭސްބުކްގައި ޕޯސްޓެއް ކޮށްފަ އެވެ.

އެ ޕޯސްޓުގައި ބުނީ:

ކުޑަކުއްޖާއަށް ކުރާ އަނިޔާތަކާ ދެކޮޅަށް، ފޭސްބުކްގެ ޕޭޖަކުން ކުރި ޕޯސްޓަކަށް، 14 އަހަރުގެ ކުއްޖާގެ އާއިލާގެ އެހެން ކުއްޖަކު ވެސް ވަނީ ރައްދު ދީ، އެކަމަށް ހިތްވަރުދީ ވާހަކަ ދައްކާފަ އެވެ. އުމުރުން 18 އަހަރު ނުފުރޭ އެ އަންހެން ކުއްޖާ، އަނިޔާ ލިބުނު ކުއްޖާއަށް މަރުގެ އިންޒާރު ވެސް ދީފައިވެ އެވެ.

އެކަމަށް ވެސް އެ އާއިލާއިން މާފަށް އެދުނެވެ.

"މުޖުތަމައަށް މި އާއިލާ ސިފަވެފައިވަނީ ހަނގާކުރުމަށް ހިތްވަރުދޭ އާއިލާއެއް ގޮތުގަ އެވެ. އެކަމަކު އޭނާ ބުނެފައިވާ އެ ވާހަކަތަކަކީ މި އާއިލާއިން މި މައްސަލައާ މެދު ދެކޭ ގޮތެއް ނޫނެވެ." 14 އަހަރުގެ ކުއްޖާގެ މަންމަ އާއި ބައްޕަ ޓެގްކޮށް، އާއިލާގެ އެހެން މީހަކު ލިޔުނު ޕޯސްޓެއްގައި ބުނެފައިވެ އެވެ.

އެ ޕޯސްޓުގައި ބުނީ:

އެނގުން މުހިއްމު- ރަސްދޫގެ މި މައްސަލައާ ގުޅިގެން، ކަމާ ގުޅޭ މުއައްސަސާތަކުން ރޭ ވަނީ ނޫސްވެރިންގެ ބައްދަލުވުމެއް ބާއްވައި، ކުޑަކުދިން ކުރާ ކުށްތަކަށް އަދަބު ދިނުމުގައި ހުރި ގޮންޖެހުންތަކާއި އެކަންކަން ހައްލު ކުރެވޭނެ ގޮތްތަކާ ގުޅޭގޮތުން މައުލޫމާތު ދީފަ އެވެ. އެގޮތުން ކުޑަކުދިން ކުރާ ޖިނާއީ ކުށްތަކަށް ޒިންމާވާން ޖެހޭ އުމުރު، 15 އަހަރުން، 12 އަހަރަށް ދަށް ކުރަން ނިންމާފައިވާ ކަމަށް ސަރުކާރުން ބުނެފައިވެ އެވެ.