ރައީސްގެ ދެކަނބަލުން ސިންގަޕޫރު ދަތުރުފުޅަށް ފުރާވަޑައިގެންނެވި ދުވަހުގެ ފޮޓޯއެއް(ފައިލް ފޮޓޯ/ ރައީސް އޮފީސް)
ސިންގަޕޫރު ދަތުރުފުޅަށް ފަހު ރައީސްގެ ދެކަނބަލުން ރާއްޖެ ވަޑައިގެންފި
ސިންގަޕޫރަށް ކުރެއްވި ނުރަސްމީ ދަތުރުފުޅަށް ފަހު ރައީސްގެ ދެކަނބަލުން ރޭ ރާއްޖެ ވަޑައިގެންފި އެވެ.
ވީ ކިހިނެއް؟ - ރައީސް މުހައްމަދު މުއިއްޒު އާްއި އަނބިކަނބަލުން ސާޖިދާ މުހައްމަދު، ނުރަސްމީ ދަތުރުފުޅެއްގައި ސިންގަޕޫރަށް ވަޑައިގަތީ މިދިޔަ ހުކުރު ދުވަހު އެވެ.
ތިން ދުވަހުގެ މި ދަތުރުފުޅަށް ފަހު ރައީސްގެ ދެކަނބަލުން ރޭ ވަޑައިގެންފައިވާ ކަމަށް ރައީސް އޮފީހުން ބުންޏެވެ. މި ދަތުރުފުޅުގެ އިތުރު ތަފްސީލެއް ނުދެ އެވެ.
ފާހަގަކޮށްލެވޭ ކަމެއް - މިއީ، ރައީސް މުއިއްޒު މިދިޔަ ހަތް މަސް ދުވަސް ތެރޭ ސިންގަޕޫރަށް ކުރެއްވި ދެވަނަ ނުރަސްމީ ދަތުރުފުޅެވެ. ފުރަތަމަ ދަތުރުފުޅަކީ، ރިޔާސީ އިންތިހާބު ކާމިޔާބު ކުރެއްވުމަށް ފަހު، އެމަނިކުފާނު އިންތިހާބީ ރައީސްގެ ގޮތުގައި ހުންނަވައި، 30 އޮކްޓޯބަރުގައި ކުރެއްވި ދަތުރުފުޅެވެ. އާއިލާއާ އެކު ކުރެއްވި އެ ނުރަސްމީ ދަތުރުޅުގައި ހޭދަވީ ހަފްތާއެއްހާ ދުވަހެވެ.