ދަރަނި ބަލަހައްޓަން ސަރުކާރުން ގެންގުޅޭ ސިޔާސަތުތައް ހާމަކުރަން ގޮވާލާ ގަރާރެއް

ދައުލަތުގެ ދަރަނި ބެލެހެއްޓުމަށް ސަރުކާރުން ކުރަމުން އަންނަ މަސައްކަތްތައް އިތުރަށް ހަރުދަނާކޮށް، ދަރަނި އަނބުރާ ދެއްކުމަށް ސަރުކާރުން ގެންގުޅޭ ޕްލޭން ހާމަކުރުމަށް އެދި ރައްޔިތުންގެ މަޖިލީހަށް ގަރާރެއް މިއަދު ހުށަހަޅައިފި އެވެ.

ވީ ކިހިނެއް؟ - މަޖިލީހުގެ މިއަދުގެ ޖަލްސާއަށް މި ގަރާރު ހުށަހެޅުއްވީ ގަލޮޅު އުތުރު ދާއިރާގެ މެންބަރު އީވާ އަބްދުﷲ އެވެ.

ތަފްސީލް - ސަރުކާރާ ދެކޮޅު ޑިމޮކްރެޓްސްގެ މެމްބަރު އީވާ ހުށަހެޅުއްވި ގަރާރަކީ ދައުލަތް ދަރަނިވެރިވެފައިވާ މިންވަރު ދެނެގަނެ، ދަރަނި ބެލެހެއްޓިފައިވާ ގޮތާއި ދަރަނި އަނބުރާ ދައްކަން ދައުލަތުގެ އާމްދަނީ ދެނެގަންނަ މިންވަރު ބަލައި ދަރަނި ބެލެހެއްޓުމަށް ސަރުކާރުން ކުރާ މަސައްކަތް ހަރުދަނާ ކުރުމަށް ގޮޮވާލައި ހުށަހެޅުއްވި ގަރާރެކެވެ.

އެ ގަރާރުގައި، އީވާ ވިދާޅުވީ، އެކަމާ ގުޅޭ ގޮތުން މުޅި މަޖިލީހުގެ ކޮމެޓީ އިން 27 އޮކްޓޯބަރު 2020ގައި ފާސްކޮށް ސަރުކާރަށް ލަފާދިން ކަމަށެވެ. އެގޮތުން، އޭނާ ވިދާޅުވީ:

މީގެ އިތުރުން، ދައުލަތުގެ ނަމުގައި ގެރެންޓީ ދޫކުރުމުގެ އުސޫލު ކަނޑައަޅާފައިވާ ގޮތަށް އެކަން ކުރިއަށް ގެންގޮސް، ދައުލަތުގެ މެދު ރާސްތާގެ ދަރަނީގެ ސްޓްރެޓަޖީ މުރާޖައާކޮށް، ދަރަނީގެ ސްޓްރެޓަޖީ ތަންފީޒު ކުރުމުގައި ކުރިމަތިވާ ގޮންޖެހުންތައް ފާހަގަކޮށް، ނަތީޖާ ހާސިލްވެވޭނެ ގޮތުގެ ރިޕޯޓު މަޖިލީހަށް ހިއްސާ ކުރަން އެންގި ނަމަވެސް، އެކަން އެގޮތަށް ކޮށްފައި ނުވާކަން ވެސް އެ ގަރާރުގައި ވަނީ ފާހަގަކޮށްފަ އެވެ.

އީވާގެ ގަރާރުގައި ފާހަގަކޮށްފައިވާ ގޮތުން، ދައުލަތުގެ ހަރަދަށް ޒިންމާވުމުގެ ގާނޫނަށް އިސްލާހު ހުށަހަޅަން މި ސަރުކާރުގެ ލެޖިސްލޭޓިވް އެޖެންޑާގައި ހިމަނާފައި ވާއިރު، ކޮންމެ ސަރުކާރެއް ވެސް ވެރިކަމާ ހަވާލުވާއިރު ދައުލަތް ދަރަނިވެރިވެފައިވާ މިންވަރާއި ދަރަނި ބެލެހެއްޓިފައިވާ ގޮތް އަދި ދަރަނި އަނބުރާ ދައްކަން ގެންގުޅޭ ޕްލޭން އާންމު ކުރަން ޖެހޭ ގޮތަށް ގާނޫނުގައި ހިމެނުމަކީ މުހިއްމު ކަމެކެވެ.

އީވާ ހުށަހެޅުއްވި ގަރާރުގައި ފާހަގަކޮށްފައިވާ ގޮތުން: