އަނިޔާ ލިބޭ އަންހެނުންނަށް ހިލޭ އެހީތެރިކަން ފޯރުކޮށްދޭން ދެ އަހަރު ދުވަހުގެ ކެމްޕޭނެއް ފަށައިފި

އަންހެނުންނަށް ހަމަހަމަކަމާއި ރައްކާތެރިކަން ފޯރުކޮށްދިނުމަށް، އަމިއްލަ ޖަމިއްޔާއަކުން 'އަޅާލުން'ގެ ނަމުގައި ދެ އަހަރު ދުވަހުގެ ކެމްޕޭނެއް ފަށައިފި އެވެ.

ތަފްސީލް - ބްރިޖިން ދަ ކޮމިޔުނިޓީސް މޯލްޑިވްސް އިން މިއަދުން ފެށިގެން 7 މާޗު 2026އާ ހަމައަށް ކުރިއަށް ގެންދާ މި ކެމްޕެއިންގައި، އެ ޖަމިއްޔާއަށް ހުށަހަޅާ މައްސަލަތަކުގެ ތެރެއިން، އަނިޔާ ލިބެމުންދާ އަދި ރައްކާތެރިކަން ބޭނުންވާ އަންހެނުންނަށް ހިލޭ އެހީތެރިކަން ފޯރުކޮށްދޭނެ ކަމަށް އެ ޖަމިއްޔާ އިން ބުންޏެވެ.

ވީ ކިހިނެއް؟ - މިއަދު ފާހަގަކުރާ އަންހެނުންގެ ދުވަހާ ގުޅުވައިގެން މި ކެމްޕޭނު އިފްތިތާހުކޮށްދެއްވީ، އިއްޔެ ދަ ސަމާސެޓް ހޮޓެލްގައި ބޭއްވި ރަސްމިއްޔާތެއްގައި، އިންޑިއާ އިން ރާއްޖެއަށް ކަނޑައަޅާފައި ހުންނަވާ ސަފީރު މުނޫ މަހާވަރު އެވެ.

ބްރިޖިން ދަ ކޮމިއުނިޓީސް މޯލްޑިވްސް އިން ބުނިގޮތުގައި މި ކެމްޕެއިންގައި:

ފާހަގަކޮށްލެވޭ - 'އަޅާލުން' ކެމްޕޭންގެ ލޯގޯގައި ހިމެނެނީ ކާލިގަނޑު މިޔަރެކެވެ. ރާއްޖޭގެ ކަނޑުގެ އެކި ސަރަހައްދުތަކުން ފެންނަ މި މިޔަރަކީ ހާއްސަ ސިފަތަކެއް ލިބިގެންވާ މަހެކެވެ. އޭގެ ތެރޭގައި މިޔަރުގެ އެހެން ގިނަ ބާވަތްތަކަށް ވުރެ ލޯ އަލިވުމާއި ފެނުމުގެ ބާރު ގަދަވުމާއި ފޮރުވިފައިވާ ތަކެތި ދެނެގަތުމުގެ ސެންސަރީ ބާރު ލިބިފައިވުން ހިމެނެ އެވެ.

ބްރިޖިން ދަ ކޮމިޔުނިޓީސް މޯލްޑިވްސް އިން ބުނިގޮތުގައި 'އަޅާލުން' ކެމްޕޭންގެ މަގުސަދަކީ ވަކި ޖިންސެއްގެ މީހަކަށް ވީތީ ލިބޭ އަނިޔާ އާއި އަންހެނުންނަށް ކުރާ އަނިޔާގެ މައްސަލަތަކުގެ އެންމެ ފުނަށް ފީނައި، މައްސަލަތައް ނުކުތުމަށް މެދުވެރިވާ ސަބަބުތައް ދެނެގަނެ، ކޮންމެ މައްސަލައަކަށް ވެސް އެންމެ ފުރިހަމަ ހައްލު ހޯދުމަށް މަސައްކަތްކުރުމެވެ.