އެލްޖީއޭގެ އެންގުމާ ދެކޮޅުކަން ހާމަކުރީ އަނގަމަތީ ޓޭޕް އަޅައިގެން ތިބެ

ރައީސް މުހައްމަދު މުއިއްޒު މިހާރު ރަށްރަށަށް ކުރައްވާ ދަތުރުފުޅުތަކަށް ފާޑުކިޔާ ނ. ކެނދިކުޅުދޫ ކައުންސިލުން ނެރުނު ބަޔާން ބާތިލްކުރަން ލޯކަލް ގަވަމެންޓް އޮތޯރިޓީ (އެލްޖީއޭ) އިން އެންގުމުން، އެ ކައުންސިލަރުން އަނގަމަތީގައި ޓޭޕް އަޅުއްވައިގެން އެކަމާ ދެކޮޅަށް އިހްތިޖާޖް ކުރައްވައިފި އެވެ.

މައްސަލައިގެ ފެށުން:  ކެނދިކުޅުދޫ ކައުންސިލުން ބަޔާން ނެރުނީ ދައުލަތުގެ ވަސީލަތްތަކުގެ ބޭނުން ނަހަމަ ގޮތުގައި ހިފާ، ރަަސްމީ ދަތުރުފުޅުގެ ނަމުގައި ރައީސް މުއިއްޒު ކެމްޕޭނު ހަރަކާތްތައް ހިންގަވާ ކަމަށް ބުނެ އެވެ.

އެ ބަޔާނުގައި ބުނިގޮތުގައި:

އެކަމަކު އެ ބަޔާން ނެރުނުތާ 15 މިނިޓްގެ ތެރޭގައި، އެލްޖީއޭއިން ވަނީ ބަޔާން ބާތިލް ކުރުމަށް އެދިފަ އެވެ.

ވީ ކިހިނެއް؟- ކެނދިކުޅުދޫ ކައުންސިލުން ގަބޫލުކުރާ ގޮތުގައި އެލްޖީއޭގެ އެ އެންގުން ބަލައެއް ނުގަނެވޭނެ އެވެ. އެހެންވެ، ހުރިހާ ކައުންސިލަރުން މިއަދު ވަނީ، އެކަމާ ދެކޮޅު ހެއްދެވުމުގެ ގޮތުން އަނގަމަތީގައި ޓޭޕް އަޅައިގެން އިހްތިޖާޖްކުރައްވައިފަ އެވެ.

"އަޅުގަނޑުމެން އެއްގޮތަކަށް ވެސް ގަބޫލެއް ނުކުރަން އެލްޖީއޭގެ އެ އެންގުމެއް. އެހެންވެ، އެކަމާ ދެކޮޅު ހެދުމަށް އިހްތިޖާޖް ކުރީ،" ކައުންސިލް މެމްބަރު މުހައްމަދު ޝާހިދު ވިދާޅުވި އެވެ.

އެމްޑީޕީ މެޖޯރިޓީ އޮންނަ އެ ކައުންސިލްގެ ހުރިހާ މެމްބަރުން އަނގަމަތީގައި އެޅުއްވި ޓޭޕުގައި 'އެލްޖީއޭ' ލިޔެފައި އޮތެވެ. އަދި މެމްބަރުން ވަނީ އިހްތިޖާޖްގެ ފޮޓޯތައް ސޯޝަލް މީޑިއާގައި އާއްމުކުރައްވާފަ އެވެ.