ރާއްޖޭގައި ޕެނަޑޯލް ބޭނުންކުރުމުގެ ހުއްދަ އަލުން ދީފި

ރާއްޖޭގައި ބޭނުންކުރަމުން އަންނަ ޕެނަޑޯލްގައި މައްސަލައެއް ނެތްކަން ތަހުލީލުތަކުން ދައްކާފައިވާތީ، އެ ބޭސް ބޭނުންކުރުމުގެ ހުއްދަ މޯލްޑިވްސް ފުޑް އެންޑް ޑްރަގް އޮތޯރަޓީ (އެމްއެފްޑީއޭ) އަލުން މިއަދު ދީފި އެވެ.

ވީ ކިހިނެއް؟ - ދަތުތަކަށް އެންމެ އާންމުކޮށް ބޭނުންކުރާ ބޭހެއް ކަމަށްވާ ޕެނަޑޯލް އެތެރެކުރުމާއި ވިއްކުމާއި ބޭނުންކުރުން ވަގުތީ ގޮތުން މަނާކުރީ މިދިޔަ މަހުގެ 30ގަ އެވެ. އޭރު އެ ބޭސް ބޭނުންކުރުން މަނާކުރީ، އެ ބޭހުގެ ޓެސްޓުތަކެއް ކުރި އިރު، ބޭހުގެ ރައްކާތެރިކަމާ މެދު ޝައްކުކުރެވޭ ފަދަ ކަންތައްތަކެއް ފެނުމާ ގުޅިގެންނެވެ. އެގޮތުން، ބޭހުުގެ ބައެއް ގުޅަތައް ފުނޑުވެ، ބޭސް ގުޅައިގެ ވަށައިގެން ތަންތަންކޮޅުން ނެއްޓިފައިވާކަން ފާހަގަކުރެވިފައިވާ ކަމަށް އޭރު އެމްއެފްޑީއޭއިން ބުންޏެވެ.

މިއަދު އެމްއެފްޑީއޭއިން ނެރުނު އެލާޓުގައި ބުނީ، އެ ބޭހާ ގުޅިގެން ކުރި ލެބޯޓްރީ ތަހުލީލުތަކުގެ ނަތީޖާ ލިބިފައިވާ ކަމަށެވެ.

ތަފްސީލް - ތަހުލީލު ރިޕޯޓުތަކުން ދައްކާގޮތުގައި:

"ވީމާ މިއަދުން ފެށިގެން މިބޭސް ވިއްކުމާއި ބޭނުންކުރުމުގެ ހުއްދަ ކުރިއެކޭ އެއްގޮތަށް ދީފައިވާކަން އާއްމުކޮށް އެންގުމަށްޓަކައި އިއުލާން ކުރަމެވެ،" އެމްއެފްޑީއޭގެ އެލާޓުގައިވެ އެވެ.

އެ އެލާޓުގައި އިތުރަށް ބުނީ، މިފަދަ މައްސަލަަތައް އިތުރަށް ތަކުރާރު ނުވެ، ބޭހުގެ ރައްކާތެރިކަން ކަށަވަރުކުރުމަށްޓަކައި، ބޭސް އެއްތަނުން އަނެއް ތަނަށް އުފުލުމާއި ގުދަންކުރުމުގައި ބަހައްޓަންޖެހޭ މިންގަނޑުތައް އެ އޮތޯރަޓީގެ ފަރާތުން ޕަބްލިޝްކޮށް ބޭސް އިމްޕޯޓުކޮށް، ވިއްކާ ފަރާތްތަކަށް އަންގާފައިވާ ކަމަށެވެ.