އީސީގެ މެންބަރުކަމަށް ހަބީބުގެ ބަދަލުގައި އެސްޖީ ޒަކަރިއްޔާގެ ނަން ރައީސް ފޮނުއްވައިފި

އިލެކްޝަންސް ކޮމިޝަން (އީސީ)ގެ ނައިބު ރައީސް އިސްމާއިލް ހަބީބުގެ ދައުރު ހަމަވާތީ މެންބަރުކަމަށް އެ ކޮމިޝަންގެ ސެކްރެޓަރީ ޖެނެރަލް ހަސަން ޒަކަރިއްޔާ ހަމަޖައްސަން ރައީސް މުހައްމަދު މުއިއްޒު ރައްޔިތުން މަޖިލީހަށް މިއަދު ފޮނުއްވައިފި އެވެ.

އެނގުން މުހިންމު - އީސީގެ މެންބަރުކަން ދެވަނަ ދައުރަކަށް ފުރުއްވަމުން އަންނަ ހަބީބުގެ ދައުރު ހަމަވަނީ އަންނަ މާޗަށެވެ. 

ވީ ކިހިނެއް؟ - މަޖިލީހުގެ މިއަދުގެ ޖަލްސާގައި ހަބީބުގެ ބަދަލުގައި މެންބަރުކަމަށް އައްޔަން ކުރަން ރައީސް މުއިއްޒު ފޮނުއްވި ނަންތައް ވަނީ މަޖިލީހުގެ ތަޅުމުގައި އިއްވައިފަ އެވެ. އެގޮތުން:

އެ މައްސަލަ ދިރާސާ ކުރަން ރިޔާސަތުން މިއަދު ވަނީ މިނިވަން މުއައްސަސާތަކުގެ ކޮމިޓީއަށް ފޮނުވާފަ އެވެ. 

ފާހަގަކޮށްލެވޭ - އީސީގެ އެސްޖީގެ މަގާމަށް ޒަކަރިއްޔާ ހަމަޖެއްސީ 18 ޖޫން 2021ގަ އެވެ. 

އީސީގެ މެންބަރެއްގެ ދައުރަކީ 5 އަހަރެވެ.