އިސްލާމް-ދިވެހި ޔޫއޭއީގައި ކިޔައިވައިދިނުމަށް 'ރިވެލި' އިފްތިތާހުކޮށްފި

ޔުނައިޓެޑް އަރަބް އެމިރޭޓްސް (ޔޫއޭއީ)ގައި ދިރިއުޅޭ ދިވެހި ދަރިވަރުންނަށް އިސްލާމް އަދި ދިވެހި މާއްދާ ކިޔަވައިދިނުމަށް ސަރުކާރުގެ 'ރިވެލި' ޕްރޮގްރާމް ރައީސް މުހައްމަދު މުއިއްޒު އިފްތިތާހުކޮށްދެއްވައިފި އެވެ.

ވީ ކިހިނެއް؟ - މި ޕްރޮގްރާމް ރައީސް އިފްތިތާހުކޮށްދެއްވީ، އެ ގައުމުގައި ދިރިއުޅޭ ދިވެހިންނާއެކު މިރޭ ދުބާއީގެ ތާޖް ދުބާއީ ހޮޓެލްގައި އެކަމަށްޓަކައި ބޭއްވި ހާއްސަ ރަސްމިއްޔާތެއްގަ އެވެ.

ތަފްސީލު - 'ރިވެލި' ޕްރޮގްރާމްއަކީ، ބޭރު ގައުމުތަކުގައި ތިބޭ ދިވެހިންނަށް އޮންލައިންކޮށް އިސްމާލް ދިވެހި ކިޔަވައިދިނުމަށް ސަރުކާރުން ފެށި ޕައިލެޓް ޕްރޮޖެކްޓެކެެވެ.

މި ރަސްމިއްޔާތުގައި ވާހަކަ ދެއްކެވި ފޮރިން މިނިސްޓަރު މޫސާ ޒަމީރު ވިދާޅުވީ މި ޕްރޮގްރާމް ފެށުމާއެކު އެހެން ގައުމުތަކުގައި ތިބި ދިވެހިން ވެސް މި ހިދުމަތަށް އެދެމުންދާ ކަމަށެވެ. އެގޮތުން ސަރުކާރުގެ ވިސްނުމަކީ މި ޕްރޮގްރާމް އަދި ވެސް އިތުރަށް ފުޅާކޮށް، އެހެން ގައުމުތަކުގައި ވެސް ފެށުމެވެ. އެގޮތުން މިނިސްޓަރު ވިދާޅުވީ:

މީގެ ކުރިން އޮންލައިންކޮށް އިސްލާމް އަދި ދިވެހި މާއްދާ ބޭރުގައި އޮންލައިންކޮށް ކިޔަވައިދީފައެއް ނުވެ އެވެ. 

ފާހަގަކޮށްލެވޭ ކަމެއް - މި ޕްރޮގްރާމް ޔޫއޭއީގައި ފަށާފައި މި ވަނީ މިދިޔަ އަހަރު ފަހުކޮޅު އެގައުމުގައި ބޭއްވި ކޮޕް ސަމިޓަށް ވަޑައިގެން، ރައީސް ދިވެހިންނާ ބައްދަލުކުރެއްވުމުގެ ތެރެއިން އެބޭފުޅުން ދެއްވި ހިޔާލެއްގެ މައްޗަށެވެ. ޔޫއޭއީގެ ހަތް އެމިރާތުގެ ތެރެއިން ފަސް އެމިރާތުގައި 300އެއްހާ ދިވެހިން ދިރިއުޅެ އެވެ.