ސިފައިން ގެންދިޔުން އަވަސްކުރަން އިންޑިއާއިން އެއްބަސްވެއްޖެ

ރާއްޖޭގައި ތިބި އިންޑިއާގެ ސިފައިން ގެންދިއުން އަވަސްކުރަން އެ ގައުމުން އެއްބަސްވެއްޖެ ކަމަށް ފޮރިން މިނިސްޓްރީން ބުނެފި އެވެ.

ވީ ކިހިނެއް؟ - ދުބާއީގައި ބޭއްވި ކޮޕް28 ސަމިޓުގެ ހަވާސާގައި ރައީސް މުހައްމަދު މުއިއްޒާއި އިންޑިއާގެ ބޮޑުވަޒީރު ނަރެންދުރަ މޯދީ ބައްދަލުކުރައްވައި އިއުލާނުކުރެއްވި 'ކޯ ގްރޫޕު'ގެ ފުރަތަމަ ބައްދަލުވުން މިއަދު ވަނީ ބާއްވައިފަ އެވެ. ރާއްޖެ އާއި އިންޑިއާގެ އިސް ބޭފުޅުންނާ އެކު ފޮރިން މިނިސްޓްރީގައި އެ ބައްދަލުވުން ފެށީ މިއަދު ހެނދުނު 9:30 ގައެވެ.

އެ މަޝްވަރާގައި ރާއްޖެއިން އެދުނީ 15 މާޗުގެ ކުރިން ރާއްޖޭގައި ތިބި އިންޑިއާ ސިފައިން ގެންދިއުމަށެވެ.

ތަފްސީލު - ފޮރިން މިނިސްޓްރީން ނެރުނު ނޫސްބަޔާނެއްގައި ބުނީ ރާއްޖޭގައި ތިބި އިންޑިއާ ސިފައިން އެ ގައުމަށް އަނބުރާ ގެންދިޔުން ވީހާވެސް އަވަސް ކުރަން ދެ ގައުމުން އެއްބަސްވެފައިވާ ކަމަށެވެ.

ފޮރިން މިނިސްޓްރީން ބުނީ އެ ބައްދަލުވުމުގައި:

މިއަދުގެ ބައްދަލުވުން ނިންމާލީ، ފޮރިން މިނިސްޓްރީން ބުނި ގޮތުގައި ދެ ފަރާތުން ވެސް ފަސޭހަ ތާރީހެއްގައި ކޯ ގްރޫޕުގެ ދެ ވަނަ ބައްދަލުވުން ބާއްވަން އެއްބަސްވުމަށް ފަހު އެވެ.

އެނގުން މުހިންމު - ރާއްޖޭން އެންމެ ފަހުން ބުނެފައި ވަނީ، އިންޑިއާގެ 88 ސިފައިން ރާއްޖޭގައި އެބަތިބި ކަމަށެވެ. ރާއްޖޭން މިހާރު ވަނީ އިންޑިއާގެ ސިފައިން އަނބުރާ ގެންދާނެ ތާރީހެއް އަންނަ މާޗުގެ ކުރިން ދިނުމަށް އިންޑިއާ ސަރުކާރުގެ ކިބައިން އެދިފަ އެވެ.

ފާހަގަކޮށްލެވޭ ކަމެއް - ރާއްޖެ އާއި އިންޑިއާއާ ދެމެދު މި ބައްދަލުވުމުން ބާއްވާފައިވަނީ، ރައީސް މުހައްމަދު މުއިއްޒު އިންޑިއާއަށް ވަރުގަދަ ބަސްތަކެއް ރައްދު ކުރައްވާފައި ވަނިކޮށެވެ. އެގޮތުން، ރައީސް އިއްޔެ ވިދާޅުވެފައިވަނީ:

ރައީސް މުއިއްޒު ވެރިކަމާ ހަވާލުވެވަޑައިގަތުމަށް ފަހު، އެ މަނިކުފާނު ގެންދަވަނީ އިންޑިއާއަށް ބަރޯސާވާ މިންވަރު ކުޑަކުރުމަށް ފިޔަވަޅުތަކެއް އަޅުއްވަމުންނެވެ. ވަކި ގައުމަކަށް ބަރޯސާވުން ނިމުމަކަށް ގެންނެވުމަށްޓަކައި، ރައީސް އިއްޔެ އިއުލާނު ކުރައްވާފައިވަނީ: