ސަރުކާރަށް ފާޑުކިޔައި ޓުވީޓް ކުރާތީ ކޯޓު އޮފިސަރަކު ވަޒީފާއިން ވަކިކޮށްފި

ސަރުކާރަށް ފާޑުކިޔައި، ޓްވީޓްކޮށް، ހިޔާލުފާޅުކުރި ކަމަށް ބުނެ ކޯޓު އޮފިސަރެއްގެ ވަޒީފާގައި ހުރި ގިނަ ބަޔަކު ދަންނަ ޕީޕީއެމްގެ އެކްޓިވިސްޓު، އަހުމަދު އިބްރާހިމް(ޕޮކްމަން/ޕޮކަންޑިމަން) ވަޒީފާއިން މިއަދު ވަކިކޮށްފި އެވެ.

ވީ ކިހިނެއް؟ - ޝަރީއަތާ ގުޅޭ ކަންކަމުގައި ކޯޓު އޮފިސަރެއްގެ ގޮތުގައި، ހުޅުމާލޭ މެޖިސްޓްރޭޓް ކޯޓުގައި ވޭތުވެ ދިޔަ 10 މަސައްކަތް ކުރަމުން ދިޔަ އަހުމަދު މިއަދު 'ދައުރު' އަށް ބުނިގޮތުގައި އޭނާ ވަޒީފާއިން ވަކި ކުރީ، ސަރުކާރާ ދެކޮޅަށް ހިޔާލުފާޅުނުކުރަން މީގެ ދެތިން މަސް ކުރިން އިންޒާރު ދިނުމަށް ފަހު އެވެ. އަދި ވަޒީފާއިން ވަކިކުރީ އެކަމާ ގުޅޭގޮތުން 'ބޮޑު ތަހުގީގެއް' ހިންގުމަށް ފަހުގައި ކަމަށާއި އެކަމާ ގުޅޭގޮތުން އެކުލަވާލި ރިޕޯޓުގައި، ސަރުކާރާ ދެކޮޅަށް އޭނާ ކުރި ޓުވީޓްތައް ވެސް ހިމަނާފައިވާ ކަމަށް ބުންޏެވެ.

ޑީޖޭއޭގެ ބަސް - މިކަމާ ގުޅޭގޮތުން 'ދައުރު'އިން ސުވާލު ކުރުމުން، ޑިޕާޓްމެންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ) އިން މިރޭ ބުނީ ޝަރުއީ ދާއިރާގެ ކޮންމެ މުވައްޒަފަކީ އެ ދާއިރާގެ މިނިވަންކަމާއި މުސްތަގިއްލުކަމާއި ގަދަރު ހިފެހެއްޓޭ ގޮތަށް، އާންމު ދިރިއުޅުމުގައި ވެސް އަމަލުތައް ބަހައްޓަން ޖެހޭ ބައެއް ކަމަށް ޝަރުއީ ދާއިރާގެ މުވައްޒަފުން އަމަލު ކުރަން ޖެހޭ ގަވައިދުގައި ބުނެފައިވާ ކަމަށެވެ. އެކަމަކު އަހުމަދު ދިޔައީ، ސިޔާސީ ގޮތުން ވަކިކޮޅަކަށް ޖެހި، ވަކި ބަޔަކާ ދެކޮޅުވެރިވެ، ޝަރުއީ ދާއިރާގެ މިނިވަންކަމާމެދު ސުވާލު އުފެދޭ އަދި ދާއިރާގެ އަގު ވެއްޓޭ ގޮތަށް ސިޔާސީ އެކްޓިވިސްޓުންގެ ދަރަޖައިގެ ޓްވީޓްތައް ކުރަމުން ކަމަށް އެތަނުން ބުންޏެވެ. 

ޑީޖޭއޭއިން ބުނިގޮތުގައި އަހުމަދާ ގުޅޭގޮތުން ލިބިފައިވާ މި ފަދަ ޝަކުވާތައް ބަލައި ތަހުގީގު ކުރި އިރު، އެކަމަށް ޖަވާބުދާރީ ވާން އޭނާއަށް ފުރުސަތު ދިނެވެ. އަދި އިސްލާހު ނުކޮށްފިނަމަ، އިތުރު ނޯޓިހަކާ ނުލައި ވަޒީފާއިން ވަގުތުން ވަކި ކުރެވިދާނެ ކަމުގެ އިންޒާރު ދުރާލާ ދީފައިވާނެ ކަމަށް ވެސް ބުންޏެވެ.

ކުރީގެ ރައީސް އަބްދުﷲ ޔާމީންގެ ސިޔާސަތުތަކަށް ތާއީދު ކުރާ އަހުމަދު ބުނިގޮތުގައި އޭނާ ހިޔާލުފާޅުކުރީ ގާނޫނު އަސާސީން ލިބިދޭ މިނިވަންކަމުގެ ތެރެއިންނެވެ. މި ސަރުކާރު ވެރިކަމަށް އައީ، ސިޔާސީ ގޮތުން ހިޔާލުތަފާތުވެގެން ވަޒީފާއިން ވަކިކުރުމުގެ ބިރުވެރިކަން ނޯންނާނެ ކަމަށް ބުނަމުން ކަމަށާއި އޭނާގެ ޝުއޫރު ފާޅުކުރީ، ސަރުކާރުން އެކަމަށް ވައުދުވެފައިވާތީ ކަމަށް ބުންޏެވެ.

"އަޅުގަނޑު ފާޅުކުރީ އަޅުގަނޑުގެ ހިޔާލު. އަޅުގަނޑު ގަބޫލު ނުކުރާ ކަންކަމަށް ފާޑު ކިޔުމުގެ މިނިވަންކަން ގާނޫނު އަސާސީން ލިބިދީފައި އޮވޭ،" ސޯޝަލް މީޑިއާގައި ސަރުކާރާ ދެކޮޅަށް ވަރަށް ގިނައިން ހިޔާލުފާޅުކުރާ އެ ޒުވާނާ ބުންޏެވެ.

"ވަރަށް ދެރަވެއްޖެ މިހާ ދުވަހު ވަޒީފާ އަދާކުރިތަނުން މި ގޮތަށް ވަކި ކުރީމައި."

އަހުމަދާ ދެކޮޅަށް ޑީޖޭއޭ އިން ސީރިއަސް އެހެން ތުހުމަތުތަކެއް ވެސް ކުރެ އެވެ. އޭގެ ތެރެއިން އެންމެ ބޮޑު މައްސަލައެއްގެ ގޮތުގައި ފާހަގަކޮށްފައިވަނީ، މަސްތުވާތަކެތި ޓްރެފިކް ކުރުމުގެ މައްސަލައެއްގެ ދައުވާ ފޯމު، ދައުލަތުން 2017 ވަނަ އަހަރު ހުޅުމާލޭ މެޖިސްޓްރޭޓް ކޯޓަށް ހުށަހެޅުމުން، ކޯޓުން މައްސަލަ ބަލައި ގަނެ އެންޓްރީ ކޮށްފައިވަނިކޮށް އެއަށް ބަދަލު ގެނައުމެވެ. އެތަނުން ތުހުމަތު ކުރާގޮތުގައި: