މާލޭގެ 100 އަށް ވުރެ ގިނަ ގެއަށް ފެނުގެ އަސަރު ކޮށްފި

މިއަދު ހެނދުނުން ފެށިގެން މާލެއަށް ކުރަމުންދާ ވިއްސާރައިގައި މަގުތައް ފެންބޮޑުވުމުގެ ސަބަބުން 100 އަށް ވުރެ ގިނަ ގެއަށް ފެނުގެ އަސަރު ކުރި ކަމަށް ނޭޭޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ)ގެ ތަފާސްހިސާބުތަކުން ދައްކައިފި އެވެ.

އެއާއެކު ފުލުހުން ވަނީ، އާންމު ހާލަތަށް އަންނަންދެން، ޒަރޫރީ ބޭނުމަށް ނޫނީ ހަތަރު ފުރޮޅުލީ އުޅަނދު ނުދުއްވުމަށް އިިލްތިމާސްކޮށްފަ އެވެ.

ވީ ކިހިނެއް؟ - މިއަދު ހެނދުން ފެށިގެން މާލެއަށް މެދުނުކެނޑި ދަނީ ވާރޭ ވެހެމުންނެވެ. ފުލުހުންނާއި ސިފައިން އަދި ގުޅުން ހުރި އިދާރާތަކުން އަންނަނީ އެހީތެރިކަން ފޯރުކޮށްދެމުންނެވެ. 

ތަފްސީލު - އެންޑީއެމްއޭއިން މިރޭ އާންމު ކުރި މައުލޫމާތުން އެނގޭ ގޮތުގައި މާލޭގެ:

މާލޭގެ އިތުރުން ވެސް ހަތަރު ރަށަކަށް ބޯކޮށް ވާރޭވެހި، ގެއްލުންތަކެއް ލިބުނު ކަމަށް އެންޑީއެމްއޭ އިން ބުނެ އެވެ. އޭގެ ތެރޭގައި ހިމެނެނީ:

ނަމަވެސް އެންމެ ބޮޑު ގެއްލުމެއް ލިބިފައިވަނީ މާލޭގެ ގެތަކަށް ކަމަށް އެ އޮތޯރިޓީން ބުންޏެވެ.

މާލޭގެ ފެން ހިންދުމުގެ މަސައްކަތް މިއަދު ހެނދުނުން ފެށިގެން ސިފައިން އަންނަނީ ކުރަމުންނެވެ. ފުލުހުން މިރޭ ބުނިގޮތުގައި:

ފާހަގަކޮށްލެވޭ - މޫސުން ގޯސްވުމުގެ ސަބަބުން، މާލެ ސަރަހައްދު ހިމެނޭ ގޮތަށް، މެޓް އޮފީހުން މިއަދު ޔެލޯ އެލާޓް ވެސް ނެރުނެެވެ. މިހާރު އެ އިދާރާ އިން ވަނީ މާލެ ހިމެނޭ ގޮތަށް ހއ. އަތޮޅުން ފެށިގެން ވ. އަތޮޅަށް ވައިޓް އެލާޓް ވަނީ ނެރަފަ އެވެ.