ވިލިމާލޭގައި 10 ބުރިއަށް އިމާރާތްކުރަން ގަވައިދު ބަދަލުކުރަން ފޮނުވައިފި

ވިލިމާލޭގައި 10 ބުރިއަށް އިމާރާތް ކުރުމަށް ގަވައިދަށް ގެންނަން ޖެހޭ ބަދަލު ގެނެސް، ގާނޫނު އިސްލާހު ކުރުމަށް ރައްޔިތުންގެ މަޖިލީހަށް ފޮނުވާފައިވާ ކަމަށް ރައީސް މުހައްމަދު މުއިއްޒު މިއަދު ވިދާޅުވެއްޖެ އެވެ.

ވީ ކިހިނެއް؟ - ވެރިކަން ކުރާ ކޯލިޝަނުގެ ފަރާތުން މާލޭ މޭޔަރު އިންތިހާބުގައި ވާދަކުރައްވާ އާޒިމާ ޝަކޫރުގެ ކެމްޕޭނަށް މިއަދު ވިލިމާލެ އަށް ވަޑައިގެން ރައްޔިތުންނާ ބައްދަލު ކުރައްވައި ވާހަކަ ދައްކަވަމުން ރައީސް މުއިއްޒު ވިދާޅުވީ އިމާރާތް ކުރުމުގެ ގަވައިދަށް ބަދަލު ގެނައުމަކީ ސަރުކާރާއި ރައްޔިތުންގެ މަޖިލިސް ގުޅިގެން ކުރެވެން އޮތް ކަމެއް ކަމަށެވެ.

ތަފްސީލް - ރައީސް ވިދާޅުވީ އެމަނިކުފާނު މޭޔަކަށް ހުންނެވި އިރު ރައްޔިތުންނަށް ކޮށްދެއްވަން ނިންމެވި ކަންތައްތަކުގެ ތެރެއިން ނުވެހުރީ އޭރުގެ ސަރުކާރާ ގުޅިގެން ކުރަން ޖެހޭ ކަންތައްތައް ކަމަށެވެ. ގަވައިދަށް ބަދަލު ގެނެސް ވިލިމާލޭގައި އެންމެ އުސްކޮށް 10 ބުރިއަށް އިމާރާތް ކުރެވޭ ގޮތަށް ހެދުމަކީ އޭގެ ތެރެއިން އެއް ކަންތައް ކަމަށް ރައީސް ވިދާޅުވި އެވެ.

"މި އަވަށުގައި 10 ބުރިއަށް އިމާރާތް ކުރެވޭގޮތަށް ޕްލޭނިން ގަވައިދު ބަދަލު ކުރުން. އެކަން ކުރެވެން އަންނަނީ ޕްލޭނިން މިނިސްޓްރީ އިން ގަވައިދު ބަދަލުކޮށްފައި މަޖިލީހުގެ ގަވައިދު ކޮމެޓީ އަށް ފޮނުވާއިގެން އެކަމާ ބެހޭ ގާނޫނަކަށް ގެންނަ ބަދަލެއްގެ ތެރެއިން ކަމަށް މިވަނީ،" ރައީސް ވިދާޅުވި އެވެ.

"މިދިޔަ ފަސް އަހަރު ދިޔައީ، އަޅުގަނޑު މޭޔަރަކަށް ހޮވިގެން ދެ އަހަރާއި ބައި އަޅުގަނޑުމެން ތަކުރާރުކޮށް މަސައްކަތް ކުރިން އެކަން ވޭތޯ. މިހާރު އަޅުގަނޑުމެން ވާނީ އެކަން އިސްލާހު ކުރުމަށް، މީގެ ކުރިން ޕްލޭނިން މިނިސްޓްރީއާ ހިސާބުން ހިފެހެއްޓުނު ހިފެހެއްޓުން ދެން ނުހިފެހެއްޓޭނެ. ދެން މަޖިލީހުން އިސްލާހުކޮށްދޭން އެދިފައިވާނީ."

ވިލިމާލޭގައި އެންމެ އުސްކޮށް 10 ބުރިއަށް އިމާރާތް ކުރެވޭނެ ގޮތް ހައްދަވައިދެއްވާނެ ކަމަށާއި އެކަމަށް އެޅިފައިވާ ހުރަސް ނައްތަވާލައްވާނެ ކަމަށް ރައީސް ވިދާޅުވި އެވެ.

"އެކަމަށްޓަކައި އިރާދަކުރެއްވިއްޔާ ސަރުކާރުން ދޭންޖެހޭ ފުރިހަމަ އެއްބާރުލުން ދޭނަން. މަޖިލީހުން ކޮށްދޭނެ ކަމަށް ބަލަނީ،" ރައީސް ވިދާޅުވި އެވެ.

މީގެ އިތުރުން ވިލިމާލޭން ގޯތި ދޫކުރުމަށް ކައުންސިލުން ކުރިން ކުރި މަސައްކަތަށް ސަރުކާރުގެ އެއްބާރުލުން ނުލިބި އޮވެގެން އެކަން ނުކުރެވިވާ ކަމަށާއި ގޯތި ދޫކުރުމުގެ މަސައްކަތަށް މިހާރު ސަރުކާރުގެ އެއްބާރުލުން ދޭނެ ކަމަށެވެ.

"މިކަހަލަ ހުރިހާ ކަމެއް ގުޅިފައި މިއޮތީ ކައުންސިލް އާ. އަޅުގަނޑު ބޭނުންވަނީ ލާމަރުކަޒީ ނިޒާމުގެ ތެރެއިން މިކަންތައް ކުރަން." ރައީސް ވިދާޅުވި އެވެ.

ރައީސް މިއަދު އިތުރު ވިދާޅުވީ؛