ކޮންމެ ވަޒީރަކަށް ވަކިވަކިން ތަޅުމުގައި ވޯޓަށް އަހަން ކޮމިޓީން ފާސްކޮށްފި

ރައީސް މުހައްމަދު މުއިއްޒުގެ ކެބިނެޓަށް އައްޔަންކުރައްވާފައިވާ ހުރިހާ ވަޒީރުން ވެސް މަގާމަށް ޝަރުތު ހަމަވި ނަމަވެސް، ރުހުން ދިނުމަށް ކޮންމެ ވަޒީރަކަށް ވަކިވަކިން ތަޅުމުގައި ވޯޓަށް އަހަން މަޖިލީހުގެ ކޮމިޓީން ދެންމެއަކު ފާސްކޮށްފި އެވެ.

ވީ ކިހިނެއް؟ - މިއަދު ބޭއްވި ސަރުކާރުގެ މަސްއޫލިއްޔަތު އަދާ ކުރާ މިންވަރު ބަލާ މަޖިލީހުގެ ކޮމިޓީގެ ބައްދަލުވުމުގައި އެ ގޮތަށް ފާސްކޮށްފައި ވަނީ ކޮމިޓީއަށް ހާޒިރުވެވަޑައިގެންނެވި ތިއްބެވި 12 މެންބަރުންގެ އިއްތިފާގުންނެވެ.

ތަފްސީލު - ކޮމިޓީގެ ބައްދަލުވުން ފައްޓަވަމުން، ސަރުކާރަށް ނިސްބަތްވެވަޑައިގަންނަވާ މެންބަރުންނާއި އިދިކޮޅު އެމްޑީޕީގެ މެންބަރުން ދެއްކެވި ވާހަކަތަކުން އެނގޭ ގޮތުގައި، އެ ކޮމިޓީއަށް ލިބިފައިވާ ލިޔުންތަކުން، މިދިޔަ މަހުގެ 17 ވަނަ ދުވަހު ރައީސް އައްޔަން ކުރެއްވި 22 ވަޒީރުން ވެސް ވަޒީރު ކަމުގެ ޝަރުތު ފުރިހަަވެ އެވެ.

އެއާ އެކު، މަހިބަދޫ ދާއިރާގެ ޕީޕީއެމް މެންބަރު އަހްމަދު ތޯރިގް ފުރަތަމަ ހުށަހެޅުއްވީ، "22 ވަޒީރުންނަށް އެއްފަހަރާ ރުހުން ދިނުމަށް" ކޮމިޓީން ފާސް ކުރުމަށެވެ.

ނަމަވެސް، އިދިކޮޅު އެމްޑީޕީއަށް ނިސްބަތްވެވަޑައިގަންނަވާ އިހަވަންދޫ ދާއިރާގެ މެންބަރު މުހައްމަދު ޝިފާއު ހުށަހެޅުއްވީ ހުރިހާ ވަޒީރުންނަށް ވަކިވަކިން ކޮންމެ ވަޒީރަކަށް ރުހުން ދިނުމަށް ވޯޓަށް އެހުމަށް ތަޅުމަށް ފޮނުވުމަށެވެ. އެއާ އެކު، ތޯރިގް ވަނީ އޭނާގެ ހުށަހެޅުން އަނބުރާ ގެނެސް، ޝިފާއުގެ ހުށަހެޅުއްވުމަށް ތާއީދު ކުރައްވާފަ އެވެ.

ޝިފާއުގެ ހުށަހެޅުއްވުމަށް، ސަރުކާރު ތަމްސީލުކުރައްވާ ތުލުސްދޫ ދާއިރާގެ މެންބަރު އިބްރާހިމް ނަސީމް ވެސް ތާއީދު ކުރެއްވި އެވެ.

ފާހަގަކޮަށްލެވޭ ކަމެއް - ކޮމިޓީން ބެލި ކަންކަމުގެ ތެރޭގައި ހިމެނެނީ:

އެއިން އެއްވެސް ކަމެއްގައި މައްސަލައެއް ނެތް ކަމަށް މެންބަރުން ވިދާޅުވި އެެވެ.

އެންމެ ފުރަތަމަ ވަޒީރުންގެ މައްސަލަ ދިރާސާ ކުރިއިރު، އެހެން ގައުމެއްގެ ރަށްވެހިކަން އޮތް ކަމަށް ބުނެ މައްސަލަ ޖެހުނީ، ހައުސިން މިނިސްޓަރު ޑރ. އަލީ ހައިދަރާއި ހަޔާ އެޑިއުކޭޝަން މިނިސްޓަރު ޑރ. މަރްޔަމް މާރިޔާ އެވެ.

އެ ދެ ބޭފުޅުން ވެސް މަގާމުގެ ހުވާ ކުރެއްވުމުގެ ކުރިން އެހެން ގައުމެއްގެ ރަށްވެހިކަން ދޫކޮށްލައްވާފައި ވާކަން، ކޮމިޓީއަށް ލިބުނު ލިޔުންތަކުން އެނގޭ ކަމަށް މުގައްރިރު، މާފަންނު ހުޅަނގު ދާއިރާގެ އެމްޑީޕީގެ މެމްބަރު މުހައްމަދު ފަލާހު ވިދާޅުވި އެވެ. އެގޮތުން:

އެނގުން މުހިންމު - ރައްޔިތުންގެ މަޖިލީހުގެ މި އަހަރުގެ މި ހިނގާ ތިން ވަނަ ދައުރުގެ ޖަލްސާތައް ބޭއްވުން މި މަހު18ގެ ނިޔަލަށް ވަނީ ދިގުދަންމާލާފަ އެވެ. ބެލެވޭ ގޮތުގައި، މި ހަފްތާގެ މަޖިލިސް ޖަލްސާއަކަށް ވަޒީރުންނަށް ރުހުން ދިނުމަށް ތާވަލް ކުރާނެ އެވެ.

މަޖިލީހުގައި 55 މެންބަރުންނާ އެކު ސާފު އަގުލަބިއްޔަތެއް އޮތް އެމްޑީޕީގެ ޕާލިމަންޓްރީ ގްރޫޕުން ވަޒީރުންނަށް ރުހުން ދިނުމާ ގުޅޭ ގޮތުން އަދި ގޮތެއް ނުނިންމަ އެވެ.