ޑިމޮކްރެޓްސްގެ އިންޓަރިމް ކައުންސިލްގެ ބައްދަލުވުމެއްގެ ރިޔާސަތުގައި ހަސަން ލަތީފް (ދައުރު ފައިލް ފޮޓޯ/ ހުސައިން ސުނޭން)
ޑިމޮކްރެޓްސްގެ ރައީސްއަކަށް 400 ވޯޓުގެ ތަފާތުން ހަސަން ލަތީފް ހޮވިއްޖެ
އިއްޔެ ބޭއްވި ޑިމޮކްރެޓްސްގެ އެތެރޭގެ އިންތިހާބުގައި އެންމެ ވާދަވެރިކޮށް ދިޔަ، ޕާޓީގެ ރައީސްގެ މަގާމަށް އެ ޕާޓީގެ ވަގުތީ ޗެއާޕާސަން ހަސަން ލަތީފު އިންތިހާބުވެފައިވާކަން ވަގުތީ ނަތީޖާއިން ދައްކައިފި އެވެ.
ފާހަގަކޮށްލެވޭ - ވަގުތީ ނަތީޖާއިން ދައްކާ ގޮތުން ހަސަން އެ މަގާމު ކާމިޔާބުކުރެއްވީ 400އެއްހާ ވޯޓުގެ ތަފާތަކުންނެވެ.
ވީ ކިހިނެއް؟ - ޑިމޮކްރެޓްސްގެ އޮފީސް، ހ. މައިޒާން ދޮށުގައި މިރޭ އިންތިހާބޭ ބެހޭ ކޮމިޓީން ބޭއްވި ނޫސްވެރިންގެ ބައްދަލުވުމުގައި އިއްޔެގެ އިންތިހާބުގެ ވަގުތީ ނަތީޖާ ވަނީ އިއުލާންކޮށްފަ އެވެ.
ތަފްސީލު - އިންތިހާބުގެ ކަންކަން ބެލެހެއްޓި ކޮމިޓީގެ ޗެއާ ހެންވޭރު ދާއިރާގެ މަޖިލިސް މެންބަރު އަލީ އާޒިމް އިއުލާންކުރެއްވި ވަގުތީ ނަތީޖާއިން ދައްކާ ގޮތުން ހަސަން ލަތީފް އިންތިހާބު ކާމިޔާބުކުރެއްވީ 1،704 ވޯޓުންނެވެ.
ހަސަން ލަތީފްއާ ވާދަ ކުރެއްވި އެސްޓީއޯގެ ކުރީގެ މެނޭޖިން ޑިރެކްޓަރު ހުސައިން އަމުރު އަށް ލިބިވަޑައިގެންނެވީ، 1،300 ވޯޓެވެ.
އާޒިމް ވިދާޅުވި ގޮތުގައި އެ ޕާޓީގެ ދަފްތަރުގައި ތިބި 5،834 މެންބަރުންނަށް އިއްޔެގެ އިންތިހާބުގައި ވޯޓު ދިނުމުގެ ހައްގު ލިބުނުއިރު އޭގެ ތެރެއިން ވޯޓުލާފައި ވަނީ %54 މެންބަރުން އެވެ.
ކޮމެންޓް (2)
ފާރަވެރިޔާ
ތެފައާސާ.