މަރު ކޮމިޝަނުން ކޮށްފައިވާ މަސައްކަތްތަކާއި ރިޕޯޓުތައް އާންމުކުރަން ގޮވާލައިފި

• މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ)

•  ޓްރާންސްޕެރެންސީ މޯލްޑިވްސް

• އެސޯސިއޭޝަން ފޯ ޑިމޮކްރެސީ އިން ދަ މޯލްޑިވްސް

•  އިންޓަނޭޝަނަލް ފެޑަރޭޝަން އޮފް ޖާނަލިސްޓް (އައިއެފްޖޭ)

• ހިއުމަން ރައިޓްސް ވޮޗް
  

• ރިޕޯޓާސް ވިތައުޓް ބޯޑާސް 
  

• މިދިޔަ ސަރުކާރުން ގޮތް ނޭނގޭ މަރުތައް ތަހުގީގުކުރުމަށް ފުރަތަމަ ދުވަހު އުފެއްދެވި މަރު ކޮމިޝަނަނުން 2018 އިން 2023 އަށް ކޮށްފައިވާ މަސައްކަތްތާއި ހިންގާފައިވާ ތަހުގީގުގެ ފުރިހަމަ މައުލޫމާތާއި ރިޕޯޓުތައް އާއްމުކުރުމަށް

• މަރު ކޮމިޝަނުން ބަލާ މައްސަލަތަކުގައި ތަހުުގީގީ މަރުހަލާ ހަލުވިކަމާއެކު ފުރިހަމަކޮށް ދައުވާކުރަން ޖެހޭ ފަރާތްތަކާ ދެކޮޅަށް ލަސްނުވެ ދައުވާކުރުމަށް
  

• އެ މައްސަލަތަކުގެ އިހުމާލުވެފައިވާ އެންމެހާ ފަރާތްތަކާއި އިދާރާތަކުގެ މައްސަލަ ވަކި މައްސަލަތަކެއްގެ ގޮތުގައި ތަހުގީގުކުރަން ފެށުމަށް
  

• ރިލްވާން އާއި ޔާމީންގެ މަރާ ގުޅިގެން ދައުވާކުރި ތިން މީހުންގެ މައްޗަށް ކުރި ދައުވާތައް ކޯޓުން ބޭރުކޮށްލި ކޮށްލުން އިސްތިއުނާފް ނުކުރުމަށް ޕްރޮސިކިއުޓަ ޖެނަރަލް (ޕީޖީ) އޮފީހުން ނިންމި ސަބަބުތައް ހާމަކުރުމަށް
  

• އެ މައްސަލާގައި ދައުވާ އުފުލާފައިވާ ތިން މީހުންގެ މައްސަލަ ކޯޓުން މިމަހުގެ 22 ވަނަ ދުވަހު ބޭރުކޮށްލުމަކީ ނުހަނު ކަންބޮޑުވާ ކަމެއް ކަމަށް އެ ބަޔާނުގައި ބުނެފައިވޭ 

• އެ މައްސަލަތަކުގައި މީގެ ކުރިން ދައުވާކުރި މައްސަލަތަކުގައި ވެސް ތަހުގީގީ އިދާރާތަކުން އިހުމާލުވެފައިވާކަން އެ މައްސަލަތަކުގައި ކުރެވިފައިވާ ދައުވާތަކުގެ ކޯޓު މަރުހަލާގައި މީގެ ކުރިންވެސް ފާހަގަވެފައިވާ ކަމަށް ބަޔާނުގައި ބުނި

• އެ މީހުންގެ ދައުވާތައް ބޭރުކޮށްލުމުން، މި ފާއިތުވި އަހަރުތަކުގައި މި މައްސަލަތަކުގައި  ތަހުގީގީ މަރުހަލާގައި ކުރި މަސައްކަތްތަކާއި، ތަހުގީގީ އިދާރާތަކުން ނިންމާފައިވާ ނިންމުންތަކާމެދު ސުވާލު އުފެދޭ ކަމަށް ބަޔާނުގައިވޭ

• އަހުމަދު އިސްމާއިލް (އަހަނދު)، މއ. ފާގަފިލާގެ، 39 - ޓެރަރިޒަމްގެ އަމަލެއް ކުރުމަށް އެހީތެރިވުން އަދި ޓެރަރިޒަމްގެ އަމަލެއް ކުރުމަށް ރޭވުން؛ ދައުވާތައް ކުރިއަށް ގެންދެވޭ ވަރަށް ހެކި ނެތިގެން ދައުވާތައް ބާތިލުކޮށް މިިނިވަންކުރީ މިދިޔަ މަހުގެ 12ގައި 

• އިސްމާއިލް އަބްދުއްރަހީމް އާދަމް (އިސޫ)، މ. ލެގޫންވިއު، 30 - ޓެރަރިޒަމްގެ އަމަލެއް ކުރުމަށް އެހީތެރިވުމުގެ ދެ ދައުވާ؛ ދައުވާތައް ކުރިއަށް ގެންދެވޭ ވަރަށް ހެކި ނެތިގެން ދައުވާތައް ބާތިލުކޮށް މިިނިވަންކުރީ މިމަހުގެ މަހުގެ 22ގައި

• އަހްމަދު މުއާޒު (ގަޓު މުއާ)، މާލޭ ދަފްތަރު އާރުއެސް 8499، 40 - ޓެރަރިޒަމްގެ އަމަލެއް ކުރުމަށް ރޭވުން؛ ދައުވާތައް ކުރިއަށް ގެންދެވޭ ވަރަށް ހެކި ނެތިގެން ދައުވާތައް ބާތިލުކޮށް މިނިވަންކުރީ މިމަހުގެ 22 ގައި

• އިތުރަށް ކިޔާލަން - ރިލްވާން، ޔާމީން: ދައުވާ ބޭރުކުރި މައްސަލަ އިސްތިއުނާފް ނުކުރާނެ

ރިލްވާންގެ މަރުގެ މައްސަލަ:

• 10 އޮގަސްޓް 2014ގެ ރޭގަނޑު 10 އިން ފެށިގެން ބަޔަކު ރިލްވާންއަށް ފާރަލަމުންދިޔަ 

• ދެ މީހަކު ވެގެން ގަދަކަމުން ރިލްވާން ކާރަކަށް އެރުވީ އޭނާ ގެއަށް ދިޔަ މަގުމަތީ ހުޅުމާލެއިން؛ އެ ކާރުގައި ތިން މީހުން ތިބިއިރު، ކާރުގެ ފަހަތުން ތިން މީހަކު ސައިކަލުގައި ދިޔަ 

• ކާރުގައި ގަދަކަމުން ގެންގޮސް ދެން ރިލްވާން އަރުވާފައިވަނީ ޑިންގީއަކަށް؛ ޑިންގީގައި ގެންގޮސް ކަންނެލި ދޯންޏަކަށް އަރުވައި ޝަހާދަތުގެ ކަލިމަ އޭނާއަށް ލައިދީ، އޭނާގެ ކަރު ބުރިކޮށް، މަރާލުމަށް ފަހު ކަނޑުފައްތާފައިވޭ 

• ކޮމިޝަނުން ބުނި ގޮތުން، އެކަން ކުރީ ހަ މީހެއް؛ އެ ހަ މީހުން ވެސް ސީރިއާގައި މަރުވެފައިވާ ކަމަށް މައުލޫމާތު ލިބިފައިވޭ 

• ރިލްވާން ގެއްލުވާލުމުގެ ކުރިން އެތައް ބަޔަކަށް އިންޒާރުދީ، ރިލްވާންގެ މައުލޫމާތު ހޯދުމަށް ވެސް އެތައް ދުވަހެއް ވަންދެން އެ މީހުން މަސައްކަތްކޮށްފައިވޭ 

• އެކަން އޭރު ފުލުހުންނަށް ވެސް އެނގޭ ކަމަށާއި ވަކި މަގުސަދެއް އޮވެގެން ބަޔަކު "ސީދާ މަރަން ނުވަތަ ހުއްޓުވަން" ނުކުމެ އުޅޭ ބަޔަކު އުޅޭ ކަމުގެ ސާފު މައުލޫމާތު ފުލުހުންނަށް ލިބެމުންދިޔަ

ޔާމީންގެ މަރުގެ މައްސަލަ:

• 2017 ވަނަ އަހަރު އަނިޔާވެރި ގޮތަކަށް މަރާލި ބްލޮގަރު ޔާމީންގެ މައްސަލައިގައި ހަ މީހެއްގެ މައްޗަށް ކުރިން ދައުވާ އުފުލި

• އެ މީހުންގެ ތެރެއިން ދައުވާ ސާބިތުވީ އެންމެ ދެ މީހުންގެ މައްޗަށް

• އަނެއް ދެ މީހުންގެ މައްޗަށް ކުށް ސާބިތު ނުވާ ކަމަށް މިދިޔަ އަހަރުގެ ޖެނުއަރީ މަހު ކޯޓުން ނިންމުމުން، ޕީޖީން ވަނީ އެ މައްސަލަ އެ އަހަރުގެ އޭޕްރީލްގައި ހައި ކޯޓުގައި އިސްތިއުނާފްކޮށްފައި