ގާޒީ ސްކޫލުގެ ތެރެއަށް ވެއްޓި އެ ސްކޫލުގެ ދަރިވަރަކަށް އަނިޔާވެފައި

ތައުލީމު

ގާޒީ ސްކޫލު ތެރޭގައި އޮތް ވާގަނޑެއްގައި ދަރިވަރަކު އަޅައިގަނެގެން ވެއްޓި ބޮޑު އަނިޔާއެއް

ކުޑަކުއްޖާ ވެއްޓި އޭނާގެ އަތް ތިން ތަނަކުން ވަނީ ބިނދިފައި
އައިމިނަތު ޝިފްލީން
17 އޮކްޓޯބަރު 2023
35

ގާޒީ ސްކޫލުގެ ތެރޭގައި ކަރަންޓުގެ މަސައްކަތް ކުރުމަށް އަޅާފައި އޮތް ވާގަނޑެއްގައި އަޅައިގަނެގެން ވެއްޓި، 6 އަހަރުގެ ކުއްޖަކަށް ބޮޑެތި އަނިޔާތަކެއް ވެއްޖެ އެވެ.

ވީ ކިހިނެއް؟ - އެނގިފައިވާ ގޮތުގައި، މި މަހުގެ 4 ވަނަ ދުވަހު، ގްރޭޑް 1ގައި ކިޔަވާ އަންހެން ދަރިވަރަށް އަނިޔާވީ، ޓީޗަރުންގެ ދުވަހަށް ސްކޫލުގެ ކޮމްޕައުންޑްގެ ތެރޭގައި މުށި ޖެހުމަށް ކަރަންޓު މަސައްކަތް ކުރުމަށް ދަމާފައި އޮތް ކަރަންޓު ވާގަނޑެއްގައި އަޅައިގަނެގެން ވެއްޓި އެވެ.

އޭރު ސްކޫލުގެ ތެރޭގައި މަސައްކަތް ކުރަމުން ދިޔައިރު، ކުޑަކުއްޖާ ދިޔައީ ބަނޑުގައި ރިއްސާތީ، އެ ކްލާހުގެ އެހެން ދަރިވަރަކާ އެކު ހެލްތު ރޫމަށް ކަމަށް އެނގިފައިވެ އެވެ.

ސްކޫލުގެ ތެރޭގައި އޮތް ވާގަނޑެއްގައި އަޅައިގަނެ ކުޑަކުއްޖާ ވެއްޓުމުން އޮޕަރޭޝަންކޮށް، ދަގަނޑު ހޮޅިލައްވާފައި

ތަފްސީލު - ދަރިވަރުގެ ބައްޕަ، ސައުދުﷲ ދީދީ ބުނި ގޮތުގައި:

  • ކުޑަކުއްޖާ ވެއްޓި އޭނާގެ ކަނާތު ހުޅުވަނީ ނެއްޓިފައި؛ އަތް ތިން ތަނަކުން ބިންދައިގެން ދިޔަ

  • އަތުގެ ކަށިގަނޑުގެ ކޮޅުގައި އިންނަ 'ގްރޯތު' ކަށިކޮޅެއް ވެސް ވަނީ ބިންދައިގެން ގޮސްފައި؛ ހެދިބޮޑުވާ އެ އުމުރުގައި އިންނަ ކަށިކޮޅު ވަކިވުމުން، ކުރިއަށް އޮތް ތަނުގައި ކުޑަކުއްޖާއަށް ނުކުޅެދުމެއް ކުރިމަތިވުން އެކަށީގެންވާ ކަމަށް ޑޮކްޓަރުން ބުނި

  • ފަރުވާ ދިނުމަށް ކުޑަކުއްޖާ ހަތަރު ގަޑިއިރުގެ އޮޕަރޭޝަނެއް ކުރަން ޖެހުނު 

  • ކުއްޖާ ގެއަށް ދޫކޮށްލީ 3 ދަގަނޑުކޮޅު އަތަށް ލެއްވުމަށް ފަހު

މިކަމުގައި ސްކޫލުގެ އިހުމާލު ވަރަށް ބޮޑަށް އޮތް ކަމަށް ސައުދުﷲ ގަބޫލުކުރެ އެވެ. ފުރަތަމަ ކަމެއްގެ ގޮތުގައި އޭނާ ފާހަގަ ކުރީ، ގްރޭޑް 1ގެ ކޮންމެ ކްލާހަކުން، ބެލެނިވެރިންގެ އަތުން 1،800ރ. ނަގައިގެން ގޯތިތެރޭގައި މުށި ޖެހުމުގެ މަސައްކަތް ކުރި އިރު، ކިޔަވާ ދުވަހެއްގައި އެ ފަދަ މަސައްކަތެއް ކުރުމެވެ.

ވެއްޓި، ކުޑަކުއްޖާގެ ކަށިތައް ވަކިވެފައިވާތަން ފެންނަ ފޮޓޯއެއް

އޭނާ ބުނި ގޮތުގައި:

  • ކުޑަކުދިންތަކެއް އުޅޭ ތަނެއްގައި އެ ފަދަ މަސައްކަތެއް ކުރުމުން، އެ ކުދިން ނުރައްކަލެއް ހުށަހެޅޭ

  • އެފަދަ މަސައްކަތެއް ކުރިއަށް ދިޔައިރު ތަން ބެލެހެއްޓުމަށް މީހަކު ނެތް

  • އުމުރުން 6 އަހަރުގެ ކުދިން، އެކަނި ތަންތަނަށް ފޮނުވުމުން ވެސް ކަންބޮޑުވުން ފާޅުކުރި

"އަޅުގަނޑުމެން ލޮލުގެ ކޮއި ފަދަ ދަރިން ސްކޫލަށް މި ފޮނުވަނީ އެ ރައްކާތެރިކަން އެ ތަނުން ލިބޭނެ ކަމަށް އުއްމީދުކޮށްގެން. މި ފަދަ ބޮޑެތި އަނިޔާތައް ދަރިވަރުންނަށް މި ލިބެނީ ސްކޫލުގެ އަޅާލުން ކުޑަވުމުން ނޫންތޯ؟،" ކުޑަކުއްޖާގެ ބައްޕަ ބުންޏެވެ.

އޭނާ ބުނީ ދަރިފުޅަށް ބޮޑު އަނިޔާއެއް ލިބި، ހޮސްޕިޓަލުގައި އެޑްމިޓްކޮށްފައި އޮތް އިރު ވެސް ސްކޫލުގެ އިސްވެރިންގެ ހަބަރެއް ނުވާ ކަމަށެވެ. ދަރިފުޅުގެ ހާލު ބަލާލަން، އިސްވެރިއަކު ގުޅާލީ ވެސް ހަތަރު ދުވަސް ފަހުން ކަމަށް ބެލެނިވެރިޔާ ބުންޏެވެ.

"އަޅުގަނޑުމެން އަދިވެސް އެބަ ދާން ޖެހޭ ހޮސްޕިޓަލަށް. އެކަމަކު މި ވަރުގެ ބޮޑު އަނިޔާއެއް ވީމައި ސްކޫލުގެ ފަރާތުން ދަރިފުޅަށް ވިޒިޓްވެސް ކޮށްނުލާ،" ސައުދުﷲ ބުންޏެވެ.

"ނަފްސާނީ ގޮތުން ވެސް އަޅުގަނޑުމެންނާއި ދަރިފުޅަށް ވަނީ އަސަރުކޮށްފައި. ނުނިދިގެން ކޮންމެ ރެއަކު ރޮއެ ހަދާ. ދަރިފުޅު ކިޔެވުން ފަށައިގެންތަނުން، ޒިންމާ ނަގަން ތިބި ބައެއްގެ އިހުމާލުން މި ވަނީ ވަރަށް ބޮޑު ގެއްލުމެއް ލިބިފައި."

މިކަމާ ގުޅޭ ގޮތުން ސްކޫލުގެ ބަހެއް ހޯދާލުމަށް، ޕްރިންސިޕަލް ބަޝީރާ މުހައްމަދަށް ގުޅި ނަމަވެސް ފޯނު ނުނަންގަވާތީ ސްކޫލުގެ ބަހެއް ލިބޭ ގޮތެއް ނުވި އެވެ.

ހަބަރު ތައުލީމު ދަރިވަރުން ސްކޫލް

ކޮމެންޓް (35)

މޮހޮދެ

20 އޮކްޓޯބަރު 2023
ސްކޫލް ދިފާއު ކޮއްފަ މިވާހަކަ ދައްކަނީ ބައިވަރު ތަކެއް ލިބުނީތަ.
0 0

ރޯސީ

20 އޮކްޓޯބަރު 2023
ތިކަން ވެފައި ތިއޮތީ ވަރަށް ދެރަކޮށް. ކުދިން ސްކޫލް ގައި އުޅޭ ވަގުތުތަކުގައި އެފަދަ މަސަކަތް ނުކޮށް ވާނެގޮތެއް ބަލަން ޖެހޭނެ. ސްކޫލް ގެ ތަރައްްްްްްގީއަށް ކުރާ މަސައްކަތް ތަކުގައި ފައިސާ ދޭން ސްކޫލުން މަޖުބޫރެއް ނުކުރޭ ދުވަހެއްގައިވެސް. ޕޭރެންޓް ދޭން ބޭނުމިއްޔާ ދޭންވީ. ޢެކި ދުވަސްތައް ފާހަގަ ކުރާއިރު ކުދި ކެއުން ތަކަށް ގެންނަން ބުނާ އެއްޗެއްވެސް ނުލިބޭ ނަމަ ނުގެންދިޔަޔަސް ސްކޫލުން އެއްވެސް ސަކުވާއެއް ނުކުރޭ. ޢެއްވެސް ސްކޫލެއް އެއީ ޕާފެކްޓް ސްކޫލެއް ނޫން. ކޮންމެ ސްކޫލެްގައިވެސް ކޮންވެސް ވަރަކަށް މަސަލަ ހުންނާނެ. ތަފާތަކީ އެކި ސްކޫލުގައި މައްސަލަތައް ހުންނަ މިންވަރު. ސްކޫލުތަކުންވެސް އެފަދަ މައްސަލަތައް ހައްލުކޮށް މައްސަލަ މަދުކުރުމަށް އިހުނައްވުރެ ބޮޑަށް މަސައްކަތް ކުރާނެކަމަށް އުއްމީދު ކުރަން.
0 0

ބަލާ

18 އޮކްޓޯބަރު 2023
ތިޔަ ބަޝީރާއަކު ތާޖުއްދީނުގަ ޕުރިމްސިޕަލަށް ހުރިއިރުވެސް ފިސާރިގިނައިން ސްކޫލުގެ އިހުމާލުން ތިޒާތުގެ ކަންކަން ހިނގާފައެބަހުރި. ދެންތިޔަ ގާޒީ ސްކޫލަކީ ކުރިމްހުރި ހުރި ޕްރިންސިޕަލުގެ ޒައާމަތުގަވެސް އެހާކަންކަން ދޯހަޅިކޮށް އޮއްތަނެއް. ޒިންމާދާރު ފްރިންސިޕަލުން މަގާމުން އެއްކައިރި ކުރަންޖެހޭ. ދެން ގެންގޮސް މިނިސްޓްރީރެއަށް ވައްދަފާނެ. އޭރަށް އެތަންވެސް ބޮއްސުންލާނެ.
1 1

ހަމަ ބަލާ

19 އޮކްޓޯބަރު 2023
@ބަލާ ޗަކޮއި މިހާރު ތާޖުއްދީންގަ ހުރީ ހަމަ ބެސްޓުތަ؟ މށަކުވާ ނުފެނޭ ތިތަނެއް. އިހަށް ދުހުވެސް އޮފީހުގެ މުވައްޒަފެއް ހުރި ކުދިންނަށް ކިޔަވާދޭ ގަޑިއެއް ފުރަންޖައްސާފަ. އެޑިއުކޭޝަން މިނިސްޓްރީން ކުދިންނަށް ހަވާލުވާން ޖެހޭ ފަރާތަކަށް ހަމައެކަނި ޓީޗަރުންނާއި ސްކޫލް ގެ މެނޭޖްމަންޓް ހިމަނާފަވާއިރު އަހަރެމެންގެ ދަރިން އިތުރު އެހެންފަރާތަކަށް ސްކޫލް މެދުވެރިކޮށް ހަވާލުކުރެވިގެން ނުވާނެ. ތި ހުރިހާ ސްކޫލެއްގައިވެސް މެނޭޖްމަންޓް ހިތަށްއެރިގޮތަކަށް ކަންކަންކުރަނީ.
0 1

ސުހެއިލް

18 އޮކްޓޯބަރު 2023
އެތާ ޓީޗަރެއް މަގޭ ކާރީ ބުނީ އެ ކުއްޖާ އައްއޮތީ ވަރަށް ވަރު ވެފައޭ
2 0

ޢަލީ

17 އޮކްޓޯބަރު 2023
އަސްލު ހަމަހަޤީޤަތުގައިވެސް ވަރަށް ކަޑަ މެނޭޖްމަންޓެއް. ކުޑަކުދިންގެ ސަލާމަތާއި ރައްކާތެރިކަމަށް ނުބެލެންޏާ އިސްތިއުފާދީފައި ގެޔަށް ދާންވީ.
4 0

އައިޝާ

17 އޮކްޓޯބަރު 2023
މިއީ ވަރަށް ބަލައި ނުގަނެވޭ އަނިޔާވެރި އަމަލެއް. ސްކޫލުގެ އިހްމާލުން ކުދިންނަށް ދިމާވާ މިފަދަ ހާދިސާ ތައް ހުޓުވަން ޖެހޭ. ޓީޗަރުންނާއި ޕްރިބްސިޕަލުން ޒިއްމާ ދާރުކުރުން ވަރަށް މުހުއްމު. އަޅުގަނޑު މެން ތުއްތު ކުދިންނަށް ސްކޫލު މާހައުލުން ލިބޭ މިފަދަ އަނިޔާގެ ސަބަބުން، ސްކޫލަށް ކުދިން ފޮނުވާފަ ތިބެން މިޖެހެނީ ބިރުވެރި ކަމެއްގެ ތެރޭގަ. އަޅުގަނޑު ބެލެނިވެރިއެއްގެ ހައިސިއްޔަތުން ކަމާ ބޭހޭ ފަރާތް ތަކަށް ގޮވާލަން، ސްކޫލަކީ އަޅުގަނޑުމެން ގެ ދަރިންނަށް ރައްކާތެރި ތަނަކަށް ހަދާދެއްވުމަށް. އަދި މިދަރިވަރަށް އިންސާފް ހޯދައި ދެވުމަށް.
19 1

މާހިރު

18 އޮކްޓޯބަރު 2023
@އައިޝާ ވަރަށް ބޮޑު ތެދެއް. އެންމެ ބޭނުން ވަނީ ކިޔަވާ ކުދިންނަށް ރައްކާތެރި ކަމާ ހިމާޔަތް. ސްކޫލު ކަންކަމަށް ލާރި ދީފަ ޓީޗަރުން ނަށް ގިފްޓު ދީފަ އަދި ދަރިންނަށް ސުކޫލުން ލިބޭ އަނިޔާ ވެސް ތަހަމަލު ކުރަން އެބަޖެހޭ. މީނުދެއްކޭ ވާހަކަ ތައް ބެލެނިވެރިން ތިބެނީ ބިރުން އަނގަ ނުހުޅުވިފަ.
6 0

ބެލެނިވެރިއެއް

17 އޮކްޓޯބަރު 2023
އަހަރެންހެ ދަރިވަރު ވެސް އުޅޭ ތި ސުކޫލުގަ. ލާރި ދޭން ޖެހޭ ކަން ވެސް އިންގޭ. އެކަމު ނުދެން. އެހެނެކޭ ކިޔާފަ ފަރަގެއް ނުކުރޭ. ތީކީ ދޭން މަޖުބޫރު އެއްޗެއް ވެސް ނޫން. ސުކޫލްގަ ޓައިލްސް ޖަހަޔޭ ބުނި. ބެލެނިވެރިންނަށް އެހީ އެއް ދެވެން އޮތިއްޔާ ދެވިދާނެޔޭ ބުނީ. ދެން ދެވުނު މީހަކު ދިނީތާ ތި
9 12

ހޫދް

17 އޮކްޓޯބަރު 2023
@ބެލެނިވެރިއެއް ވަޓްސް ޔޯ ޕޮއިންޓް؟
12 1

އަލިބެ

18 އޮކްޓޯބަރު 2023
@ބެލެނިވެރިއެއް ލާރި ބަހައްޓާފަ އަނިޔާގެ ވާހަކަ ދައްކަމާ
7 0

މަންމަ

18 އޮކްޓޯބަރު 2023
@ބެލެނިވެރިއެއް މައުޟޫއަކީ ކޮބައިކަން އެބައެނގޭބާ!
5 0

ކޮންސާންޑް ސިޓިޒަން

18 އޮކްޓޯބަރު 2023
@ބެލެނިވެރިއެއް މި ހަބަރުން ތިޔަ ބޭފުޅާއަށް ފާހަގަވީ ހަމައެކަނި ރުފިޔާގެ ވާހާކާތޯ؟ އަވަދި ވެދާނެ މީހަކު.
8 0

މުނާ

17 އޮކްޓޯބަރު 2023
އަހަރެން ގެ ދަރިއަކަށް ވެސް ޖެހުނު މުށި ޖަހަން ރުފިޔާ ދޭން.. ބޭނުން ތަ ވައިބާ ކޮއްފަ އިން ނަންބަރު ފެންނަ ގޮތަށް ނަގާފަ ސްކްރީން ޝޮޓް ބަލާލަން؟ ރުފިޔާ ނުދެއްކޭ ނިކަމެތި ކުދިންނާ މެދު ތަފާތު ކުރުން ސްކޫލުން ގެންގުޅޭ.. މި ތަފާތު ކުރުން ބޭނުން ނުވާތީ މުނާ ޕޭކުރީ.
8 1

ޔަނާ

20 އޮކްޓޯބަރު 2023
@މުނާ މަގޭ ދަރިއަކަށް ވެސް ޖެހުނު ކްލާހުގަ މުށި ޖަހަން 250 ރުފިޔާ ދޭން. ކޮންމެ ކުއްޖަކު 250 ރުފިޔާ. ބޮޑު ވަރެއްނު! މަށެއް ނުދެން. ކޮންފަދަ ކަމެއް ދޯ ދެން. ވަރަށް ދޯދިޔާ މެނޭޖްމަންޓެއް އޮންނަ ސްކޫލެއް އޭރުވެސް. ޒަޚަމްވި ކުއްޖާއަށް އަވަސް ޝިފާއެއް ދެއްވާށި!
0 0

ގާޒީ ޕޭރެންޓެއް

17 އޮކްޓޯބަރު 2023
Dharivaru vettigen gendhiyaee school ge health teacher aa ekkon. Gendhieessure leading teacher and teacher gulhaa haalu beli. Hospital ga ovva teacher ziyaarai kuri. Is verieh dhaan vegen dhe faharu beleniveriyaa dhevvi gadiah dhiyaeema beleniveriyaa phone nunan gavaa. Beleniveriyaa ge phone ga innaane school ge isveriyeh haalu balan kujjaa kaairi ah dhaan koffa huri msg. Kujjaa ah school ah aadhvendhen geyah teacherun kiyavaadheyn dhaa gothah ves hama jassaafa oi kan ves habaru libey.
5 7

އައިޝާ

18 އޮކްޓޯބަރު 2023
@ގާޒީ ޕޭރެންޓެއް ނިކަމެތި ވާނީ އަޅުގަނޑުމެން ބެލެނިވެރި ހިދުމަތްދޭ ބަޔަކު ކުށް ނުކުރާނެ. ފުތަރަމަ ކަމަކަ 6 އަހަރުގެ ކުއްޖެއް ކަރަންޓު ވާގަނޑެއްގަ އަޅާގަނެގެން ސްކޫލް ތެރެއަށް ވެއްޓުން އެއީ ބަލާ ގަނެވޭ ކަމެއް ނޫން ސިއްރު ބޭޒާރު ވީމަ ސްކޫލް ވ ހާސް ވެއްޖެ
4 0

ގާޒީaNNސaN ސ

18 އޮކްޓޯބަރު 2023
@ގާޒީ ޕޭރެންޓެއް އަހަރުމެން ގަބޫލު ކުރާނީ ޕޭރެންޓް ގެ ބަސް.ސްކޫލް އެންޑް މެނޭޖްމެންޓް އަންކުލޫޑިން ކްލާސް ޓީޗަރ ޝުޑް ބީ ސޫޑް
1 0

ހަކީމީ

18 އޮކްޓޯބަރު 2023
@ގާޒީ ޕޭރެންޓެއް ކުދިން ސްކޫލުގަ އުޅޭވަގުތު ނުޖެހޭނެ ސްކޫލުގެ މުށިޖަހާކަށް. ބަންދުވީމަ މުށިޖަހަން މަޑުނުކުރީ އމ ހަނދާން ކުރަންތަ. ތިޔަ ބަޝީރާ ތާޖުއްދީނުގަ ހުރިއިރު އެތާނގަ ކިތައް ތިކަހަލަ ކަންތައް ހިނގިތޯ ބަލާބަލަ. އެހާ ފަރުވާ ކުޑަ މީހެއްތީ
0 0

އިންސާނާ

18 އޮކްޓޯބަރު 2023
@ގާޒީaNNސaN ސ ކީއްވެބާ ޓީޗަރު ސޫ ކުރަންވީ؟؟؟
1 0

ޕޭރެންޓެއް

17 އޮކްޓޯބަރު 2023
Aslu noosthakun thivaruge habaru Liyan vaanee theege dhogu thedhu balaafa. Komme kujjeh athun nunagaa 1800rf eh school in tiles jahaakah. Tiles jahan thin gradegge beleniverin vegen class thakuga meeting beyvvee. Tiles jehee dharivarunnah outdoor claheh hedhumah. Thin grade ge 17 class ge therein 3 claahah vaa varah laari hamavee. Thithaa Tiles jahan above 30000 dhiya. Thithaa Tiles jahan libunu laari 5000 ah ves naaraa. Dhen baakee laari dhakkan jehunee e grade ge thin leading teacherun athun
1 7

ޝުއާ

17 އޮކްޓޯބަރު 2023
@ޕޭރެންޓެއް ހަބަރުގަ އިނީ ގްރޭޑް އެކެއްގެ ކޮންމެ ކްލާހަކުން 1800 ނެގިއޭ ދޯ. ކޮންމެ ކުއްޖެއްގެ އަތަކުން ނޫން.
5 0

ރަށީދާ

18 އޮކްޓޯބަރު 2023
@ޕޭރެންޓެއް ނުޖެހޭ ޓައިލްސް ޖަހަން ބެލެނިބެރިން ލާރިދޭކަށް. ސްކޫލުހެ ބަޖެޓުންނާއި ފަންޑްރައިޒިންގ އިވެންޓްތަކުން ލިބޭލާރިން ނުވާކަމެއް ނުކޮށްތިބެބަލަ. މައްސަލައަކީ ލާރިއެއްނޫން. މައްސަލައަކީ ސްކޫލުގެ އިހުމާލުން ކުއްޖަކަށް އެވަރުގެ ބޮޑު އަމިޔާއެއްވުން. ކުދިންއުޅޭވަގުތު މަސައްކަތްކުރާ ތަކެތި އެގޮތަށް ބެއްޓިގެން ނުވާނެ
4 0

އަހުމަދު

17 އޮކްޓޯބަރު 2023
މި ލިޔުމުގަ ވަރަށް ގިނަ ކަންކަމަކީ ހަގީގަތާ ހިލާފު ހަބަރު. ލީޑިން ޓީޗަރު އަދި ޕުރިންސިޕަލް ވަރަށް ގުޅާ ހާލުބެލި. ކުއްޖާ ކައިރިއަށް ދިއުމަށް ބެލެނެވެރިޔާ އަށް ގުޅީމަ އަންނާށޭ ކިޔާފަ ފޯނު ނުނަގާ. ހެލްތު މިސް ދިޔަ ކުއްޖާ އާއި އެކު ހޮސްޕިޓަލަށްވެސް.
4 6

ސައި

18 އޮކްޓޯބަރު 2023
@އަހުމަދު ހެލްތު މިސް އެއް ނޫން ދާންވީކީ ހެލްތު މިނިސްޓަރު ވެސް ދާން ޖެހޭ. ކޮމްނެ ގޮތެއް ވިޔަސް މިއީ ބޮޑު އަނިޔާއެއް އެކުއްޖާ އަށް ލިބުނު ގެއްލުމުގެ ބަދަލު ދެވޭނެތަ؟ ތިއޮތީ ރަނގަޅަށް ޓީޗާރ ޑޭ ފާހަނގަ ވެފަ.
2 0

ނަން

18 އޮކްޓޯބަރު 2023
@ސައި ޓީޗާރސްޑޭ ފާހަގަ ކުރަނީ ޓައިލްސް ޖަހައިގެންތޯ؟؟
1 1

ބޮޑުމީހާ

19 އޮކްޓޯބަރު 2023
@އަހުމަދު ހާލު ބަލަން ދިޔައީ، ކުއްޖާ ގޮވައިގެން ހޮސްޕިޓަލަށް ދިޔައީ ކަންވެ ނިމުނީމަ، ފުރަތަމަ ކަމަކަށް މަސައްކަތް ކުރިއަށް ދިޔަ އިރު ކުދިންގެ ރައްކާތެރިކަމަށް ބެލިފައެއް ނެތް ދެވަނަ ކަމަކަށް އެވަރުގެ ކުއްޖަކު ހަމަ އެވރުގެ އެހެން ކުއްޖަކާ އެކު ހެލްތު ރޫމަށް ފޮނުވީ ހަމަ ބޮޑުވެގެންވާ އިހުމާލެއް
1 1

މަމްދޫހާ

17 އޮކްޓޯބަރު 2023
ހަމަ ގައިމުވެސް ސްކޫލް ގޯތި ތެރޭގައި މުށި ޖަހާފައިވާ ތަނެއް ނުފެނޭ.. އެކަމަކު ދަރިވަރުންނަށް ފައިދާވާނޭ ފަދަ ގޮތަކަށް ގޯތި ތެރޭގައި އިންނަ ޓޭންކެއްގައި މުށި ޖަހާފައި އެބަހުރި. އަޅުގަނޑުވެސް މީ އެތާ ބެލެނިވެރިއެއް. އެންމެ ރުފިޔާއެއްވެސް ނުދެން. މަޖުބޫރެއްވެސް ނުކުރޭ.. އާއްމު ގޮތެއްގައި ޢާޒީ ސްކޫލުގެ އިސްވެރިން ވަރަށް ކުދިންގެ ކަންތައްތަކުގައި އަޅާލާ.. އެކަމަކު ދެން ތި ދަރިވަރުގެ ޙާލު ބަލާލަން ނުގުޅީމައި ވަރަށް ދެރަވެސް ވެއްޖެ... އަވަސް ޝިފާއަކަށް އެދެން..
4 0

ނާޒް ހުސޭން

17 އޮކްޓޯބަރު 2023
ސްކޫލްގަ ހުއްޓަ މިވަރު ބޮޑު އަނިޔާއެއް ވެއްޖެ ނަމަ ސްކޫލްއިން ޒިންމާނަގާ އަދި މާފައްވެސް ޢެދެންޖެހޭނެ
7 0

ޣާޒީ ސްކޫލް ބެލެބިވެރިއެއް

17 އޮކްޓޯބަރު 2023
މި އާޓިކަލުގައި ލިޔެފައިވައި މަޢުލޫމާތުގައި ބުނެފއިވައި ގޮތުން 1800 ބެލެނިވެރިން އަތުން ނެގިއޭ ބުނިއިރު އެއީ ކަނޑައެޅިގެން ދޮގު ވާހަކައެއް. އެހީތެރިވެލައްވަން ބޭނުންވެލައްވާ ބެލެނިވެރި އަކު އެހީވާ ގޮތަށް އޮތީ، އެއްވެސް މަޱްބޫރު ކަމެއްނެތި. ރައްކާތެރި ނޫންނަމަ ގްރޭޑްއެކެއްގަ އުޅޭ 200 ހާ ކުދިންނަށްއަނިޔާ ލިބޭނެ ދެއްތޯ. ދަރިވަރަށް ލިބުނު އަނިޔާއާ މެދު ކުރަން. އަޅުގނޑުމެން ގޭގައި ދަރިފުޅު ގޮވައިގެން އުޅެނިކޮށްވެސް މިފަދަ ކަންތައް ދިމާވޭ. އަޅުގަޑުމެން ތާއަބަދު ބަލަބަލަަ ތިއްބާވެސް. އެއީ އަޅުގަނޑުމެން ގަސްދުގައި ދިން އަނިޔާ އެއްތޯ ނުވަތަ އިހްމާލުންތޯ؟؟ އަޅުގނޑު ބެލެނިވެރިއެއްގެ ހައިސިއްޔަތުން ބުނާނީ އެކަނި ތަންތަނަށް ނުގޮސް ކިހިނެއްތޯ ކުދިން ކަންކަން ދަސް ކުރާނީ ..ރަސްމީ ތައުލީމުގެ ތެރެއިން ކަންކަން އަމިއްލަ އަށް ކުރަން ދަސްކުރަން ޖެހޭ. ހިތާމަޔާ އެކު ދަންނަވާނީ ބެލެނި ވެރިންގެ ވިސްނުން މިމޭރުމުން ހުރެ އަދި މިގޮތަށް ދޮގު މަޢުލޫމާތުދީ ހައްދަވާ ބެލެނިވެރިންގެ ދަރިންވާނީ މާދަމާ ކޮންމެ ކަމެއްގާ ދޮގުހަދާ އެހެން މީހުން ކުށްވެރި ކުރާބަޔަކައް ދެއްތޯ🥲
22 11

ޟާމިރު

17 އޮކްޓޯބަރު 2023
@ޣާޒީ ސްކޫލް ބެލެބިވެރިއެއް ރަނގަޅު ވާހަކަތަކެއް
7 5

ޢާޒީ ސްކޫލް ބެލެނި ވެރިއެއް

17 އޮކްޓޯބަރު 2023
@ޣާޒީ ސްކޫލް ބެލެބިވެރިއެއް ސްކޫލް ޕްރިންސިޕަލް ކީއްވެ ދައުރު ގެ ފަރާތުން ނޫސްވެރިން ފޯނު ކުރީމަ ޖަވާބުދޭން ޖެހިލުންވެ ފޯނު ނުނަގާ ހުންނަނީ؟ 🤔
9 1

ހުދާ

17 އޮކްޓޯބަރު 2023
@ޣާޒީ ސްކޫލް ބެލެބިވެރިއެއް ވިކްޓިމް ބްލޭމް މަޗް؟ ގެއަކީވެސް އަދިި ސްކޫލަކީވެސް ރައްކާތެރި ތަނަކަށްވާންޖެހޭ. ހަމަ އިހުމާލުއެެއީ
8 1

މައި

18 އޮކްޓޯބަރު 2023
@ޣާޒީ ސްކޫލް ބެލެބިވެރިއެއް އެއީ އިލުމާލެއް އެއީ އަނިޔާ އެއް އެއީ ސްކޫލެއްގެ ރަސްމީ ގަޑީގަ ވާން ޖެހޭ ވަރު ކަމެއް ނޫން
5 0

ކަމަކު

18 އޮކްޓޯބަރު 2023
@ޣާޒީ ސްކޫލް ބެލެބިވެރިއެއް ނެތް ހަބަރުގެ ކޮންމެ ކުއްޖެއްގެ އަތުނއ 1800 ނެގިއޭ ބުނެފަ. މިއީ ގޭގަވެސް ހިނގައިގެން ވާނެ ވަރު ކަންތަކެއް ނޫން. އަދި ކުޑަ ކަމެއްވެސް ނޫން ހިނގައިގެން މިއުޅެނީ. ހަމަ ސްކޫލުގެ އިހިމާލު އެބައޮތް ތިކަމުގަ.
5 0

އިތުރު އާޓިކަލް

އިތުރު އާޓިކަލް