ރެޑް ކްރެސެންޓުން ފަލަސްތީނަށް އެހީވާން ފަންޑެއް ހުޅުވައިފި

ފަލަސްތީނުގެ ގާޒާގައި ހިނގަމުންދާ ހަނގުރާމައާ ގުޅިގެން އެ ސަރަހައްދުގައި ކުރިމަތިވެފައިވާ އިންސާނީ ކާރިސާގައި ހާލުގައި ޖެހެމުންދާ މީހުންނަށް އެހީތެރިވުމުގައި ހަރަކާތްތެރިވަމުން އަންނަ ފަލަސްތީނުގެ ރެޑް ކްރެސެންޓް ޖަމާއަތަށް އެރީތެރިކަން ފޯރުކޮށްދިނުމަށް ދިވެހި ރެޑް ކްރެސެންޓުގެ ފަރާތުން ރާއްޖޭގައި މިއަދު ފަންޑެއް ހުޅުވައިފި އެވެ.

ވީ ކިހިނެއް؟ - މިދިއަ ހޮނިހިރު ދުވަހު ހަމާސްގެ ހަނގުރާމަވެރިން އިޒްރޭލަށް ދިން ހަމަލާތަކަށް ފަހު، އަނެއްކާވެސް އެ ދެމެދުގައި ހަމަލާ ބަދަލުކުރުންތައް ވަނީ ވަރުގަދަވެފަ އެވެ. އިޒްރޭލުން ގައްޒާއަށް ދެމުންދާ އަސްކަރީ ހަމަލާތަކުގެ ސަބަބުން ދިމާވަމުންދާ އިންސާނީ ކާރިސާއާ ގުޅިގެން ފަލަސްތީނުގެ ރެޑް ކްރެސެންޓުން އިއްޔެ ވަނީ ބައިނަލްއަގުވާމީ ޖަމިއްޔާ ޖަމާއަތްތަކުގެ އެހީތެރިކަމަށް ގޮވާލާފަ އެވެ. 

ތަފްސީލް - އެ ގޮވާލުމަށް އިޖާބަދީ، ދިވެހި ރެޑް ކްރެސެންޓުން މިއަދު ހުޅުވި ފަންޑަށް ފައިސާގެ އެހީތެރިކަން ފޯރުކޮށްދިނުމަށް ހުޅުވާލާފައިވަނީ، މިއަދުން ފެށިގެން މި މަހުގެ 28ގެ ނިޔަލަށެވެ.

އެ ފަންޑަށް ލިބޭ ފައިސާގެ އެހީ ފޯރުކޮށްދޭނީ، އަނިޔާވެ ޒަހަމުވެފައިވާ ފަރާތްތަކަށް ދެމުންދާ ހިދުމަތްތައް މެދުކެނޑުމެއް ނެތި ފޯރުކޮށްދިނުމަށް އެހީވުމަށް ކަމަށް ދިވެހި ރެޑް ކްރެސެންޓުން ބުންޏެވެ.

އެ ފައިސާ ބޭނުންކުރާނީ:

އެނގުން މުހިންމު - އެހީގެ ފައިސާ ޖަމާކުރާނެ އެކައުންޓުތައް:

ގުޅުން ހުރި ކަމެއް - ހާލުގައި ޖެހިފައިވާ ފަލަސްތީނުގެ މީހުންނަށް އެހީވުމަށް، ދިވެހި ޖަމިއްޔާއެއް ކަމަށް އިންޓަނޭޝަނަލް އެއިޑް ކެމްޕޭން (އައިއޭސީ)ން ވެސް ވަަނީ ފަންޑެއް ވެސް ހުޅުވާލާފަ އެވެ.

ފާހަގަކޮށްލެވޭ ކަމެއް - މިދިޔަ އަންގާރަ ދުވަހު ފަލަސްތީނުގެ ރެޑް ކްރެސެންޓުން ނެރެފައިވާ ފްރިލިމެނަރީ އިމަޖެންސީ އިލްތިމާސްގައިވާ ގޮތުން، އެ ދުވަހާ ހަމައަށް ގައްޒާގެ ރައްޔިތުންގެ ތެރެއިން 687 މީހުން ޝަހީދުވެފައިވެ އެވެ. އެ ޖަމާއަތުން އެ ދުވަހު ބުނެފައިވާ ގޮތުން:

ފަސްމަންޒަރު - 2007 އިން ފެށިގެން އިޒްރޭލުގެ ހިސޯރުކުރުމެއްގައި އޮތް، 2.3 މިލިއަން މީހުންގެ އާބާދީއެއް ދިރިއުޅޭ ގާޒާ އަކީ، ބައެއް މީހުން ސިފަކުރާ ގޮތުގައި، ހުޅުވާލާފައި އޮތް ދުނިޔޭގެ އެންމެ ބޮޑު ޖަލެވެ. ގާޒާއަށް އެއްވެސް އެއްޗެއް އެތެރެކޮށް ނުވަތަ ބޭރުކުރެވޭނީ ވެސް އިޒްރޭލްގެ ހުއްދައާ އެކުގަ އެވެ.

މިދިޔަ ހޮނިހިރު ދުވަހުގެ ހަމަލާތަކާ ގުޅިގެން އިޒްރޭލުން ވަނީ ގާޒާ އެއްކޮށް ބަންދުކޮށްފަ އެވެ. އިޒްރޭލުން ދޭ ކަރަންޓާއި ފެނުގެ ހިދުމަތްތައް ވެސް މިހާރު ވަނީ ހުއްޓާލައިފަ އެވެ.