ފަސްޓް ލޭޑީ ފަޒްނާއަށް ފުރައްސާރަކުރުން އެޗްއާރްސީއެމްއިން ކުށްވެރިކޮށްފި

ރައީސް އިބްރާހިމް މުހަައްމަދު ސޯލިހުގެ ކެމްޕޭނަށް އެ މަނިކުފާނުގެ އަނބިކަނބަލުން ފަޒްނާ އަހްމަދު އިއްޔެ ހިޔާ ފްލެޓް ސަރަހައްދަށް ވަޑައިގަތުމުން އިދިކޮޅު ފަރާތްތަކުން އޭނާއަށް ފުރައްސާރަކުރުން، ހިއުމަން ރައިޓްސް ކޮމިޝަން (އެޗްއާރްސީއެމް) އިން މިއަދު ކުށްވެރިކޮށްފި އެވެ.

ވީ ކިހިނެއް؟ - އެމްޑީޕީގެ ކެންޑިޑޭޓް، ރައީސް ސޯލިހުގެ ކެމްޕޭނަށް ފަސްޓް ލޭޑީ ފަޒްނާ ވަނީ އިއްޔެ ހަވީރު ހިޔާ ފްލެޓް ސަރަހައްދަށް ދޮރުން ދޮރަށް ހިންގެވުމަށް ވަޑައިގެންފަ އެވެ. އެ ވަގުތު އިދިކޮޅު ސަޕޯޓަރުންް ނުކުމެ ވަނީ އޭނާއަށް ފުރައްސާރަކޮށް، ކެމްޕޭނަށް ހުރަސްއަޅާފަ އެވެ.

ބުނީ ކީކޭ؟ - "އާންމު ފަރާތްތަކުން ކެމްޕެއިނަށް ހުރަސްއެޅި އެޅުން މި ކޮމިޝަނުގެ ފަރާތުން ހަރުކަށި އިބާރާތުން ކުށްވެރިކުރަން،" އެ ކޮމިޝަނުން އެކްސްގައި ނެރުނު ބަޔާނެއްގައިވެ އެވެ.

އެޗްއާރްސީއެމްގެ ބަޔާނުގައި ބުނީ:

އެޗްއާރުސީއެމް އިން ވަނީ، އިންތިހާބުގެ ކެމްޕޭނުގައި އެއް ކެންޑިޑޭޓަކު އަނެއް ކެންޑިޑޭޓަކަށް އިހްތިރާމްކޮށް، ގާނޫނާ ގަވާއިދުގެ ތެރެއިން މަސައްކަތް ކުރުމަށް ގޮވާލާފަ އެވެ.

ކެންޑިޑޭޓުންނާ ބައްދަލުކޮށް، ސިޔާސީ ހަރަކާތްތަކުގައި ބައިވެރިިވުމަކީ ކޮންމެ މީހެއްގެ ވެސް ހައްގެއްކަން ފާހަގަކުރަމުން ކޮމިޝަނުން އެދިފައި ވަނީ:

އެނގުން މުހިންމު - އެކަމާ ގުޅިގެން ރޭ ފަޒްނާ ފޭސްބުކްގައި ކުރެއްވި ޕޯސްޓުގައި ކަން ހިނގައި ދިޔަ ގޮތާ ގުޅޭ ކުޑަ ތަފުސީލެއް ދެއްވި އެވެ. އޭނާ ސިފަކުރެއްވި ގޮތުގައި، އެ އަމަލުން އޭނާއަށް ލިބިވަޑައިގެންނެވި ގެއްލުމަށް ވުރެ ބޮޑުވީ ފައިދާ އެވެ.

އެ ތަނުން ފުލުހުންގެ ބެލުމުގެ ދަށަށް މީހަކު ގެންދިޔަ އެވެ. ނަމަވެސް، އޭނާ ވަނީ ރޭ ދޫކޮށްލާފަ އެވެ.