ކޮޅުފުށީ މަގުހެދުމުގެ މަސައްކަތް އާރުޑީސީ އާ ހަވާލު ކުރުން (ފޮޓޯ/ޕްލޭނިން މިނިސްޓްރީ)
ކޮޅުފުށީ މަގު ހަދަން 93 މިލިއަނަށް އާރުޑީސީއާ ހަވާލުކޮށްފި
މ. ކޮޅުފުށީ މަގުތަކުގައި ތާރު އަޅައި ތަރައްގީ ކުރަން ރޯޑް ޑިވެލޮޕްމެންޓް ކޯޕަރޭޝަން (އާރުޑީސީ)އާ މިއަދު ހަވާލުކޮށްފި އެވެ.
ވީ ކިހިނެއް؟ - މިއަދު ޕްލޭނިން މިނިސްޓްރީގައި ބޭއްވި ރަސްމިއްޔާތެއްގައި މި މަޝްރޫއުގެ އެއްބަސްވުމުގައި ވަނީ ސޮއިކޮށްފަ އެވެ. އެގޮތުން:
-
ޕްލޭނިން މިނިސްޓްރީގެ ފަރާތުން ސޮއިކުރެއްވީ ޑިރެކްޓަރު ޖެނެރަލް ޝަނާ ފާރޫގު
-
އާރުޑިސީގެ ފަރާތުން ސޮއިކުރެއްވީ ޖެނެރަލް މެނޭޖަރު ހަސަން ސައީދު
ތަފްސީލް - 730 ދުވަސް ނުވަތަ ދެ އަހަރުން ނިންމާ ގޮތަށް މި މަސައްކަތް އާރުޑީސީއާ ހަވާލުކުރީ 93.7 މިލިއަން ރުފިޔާ އަށެވެ.
-
މި މަޝްރޫއުގެ ދަށުން ކޮޅުފުށީގެ ބޮޑެތި މަގުތައް ހިމެނޭހެން 2.8 ކިލޯމީޓަރުގެ މަގުގައި ތާރުއަޅާނެ
-
މަގުތައް ހަދާނީ ފެން ހިންދާ ނިޒާމާ އެކު
-
މަގުބައްތި ވެސް ޖަހާނެ