ބަޔޮސްފިއާ ރިޒާވުގެ އާމްދަނީ ރަށްރަށަށް ލިބޭ ގޮތް ހަދަނީ

ބ. މާޅޮސް – ބ. އަތޮޅުގައި އޮންނަ ރާއްޖޭގެ ފުރަތަމަ ބަޔޮސްފިއާ ރިޒާވާއި އެ ގޮތަށް ހިމާުޔަތް ކުރާ އެހެނިހެން ތަންތަނުން ލިބޭ އާމްދަނީ އެ ސަރަހައްދެއްގެ ރަށްރަށަށް ލިބޭނެ ގޮތް ހަދަން ނިންމާފައިވާ ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.

ވީ ކިހިނެއް؟ - އަންނަ މަހުގެ 9 ވަނަ ދުވަހު ބާއްވާ ރިޔާސީ އިންތިހާބުގެ ކެމްޕޭނަށް މިހާރު ބ. އަތޮޅަށް ކުރައްވަމުން ގެންދަވާ ދަތުރުފުޅުގެ ތެރެއިން މިއަދު މާޅޮހަށް ވަޑައިގެން، މި ރަށުގައި ތިބި ސަޕޯޓަރުންނާ ބައްދަލުކުރައްވައި ވާހަކަފުޅު ދައްކަވަމުން ރައީސް ވިދާޅުވީ، ބަޔޮސްފިއާ ރިޒާވްގެ ތެރޭގައި ކައުންސިލްގެ އިހުތިސޯސްގައި ހިމެނޭ ސަރަހައްދުތައް ބެލެހެއްޓުން ކައުންސިލްތަކާ ހަވާލުކޮށް އެއިން ލިބޭ އާމްދަނީ ކައުންސިލުތަކަށް ލިބޭނެ ގޮތަށް ހަދަން ނިންމާފައިވާ ކަމަށެވެ.

ތަފްސީލް - މި ސަރުކާރުން މިހާތަނަށް ރާއްޖޭގެ 33 ސަރަހައްދެއް ހިމާޔަތްކޮށްފައިވާކަން ފާހަގަކުރައްވައި ރައީސް ވިދާޅުވީ އަމާޒަކީ މި ސަރަހައްދުތަކުން ލިބޭ އާމްދަނީ ރަށު ކައުންސިލުތަކަށާއި ރަށްރަށަށް ލިބޭނެ ގޮތް ހެދުން ކަމަށެވެ.

"އަޅުގަނޑުމެންގެ ތަރައްގީގެ މަޝްރޫއުތައް ކުރިއަށް މި ގެންދަނީ މި ރާއްޖެ ހިމާޔަތްކޮށް، އަންނަން އޮތް ޖީލުތަކަށް ވެސް މި ރާއްޖޭގެ ރީތިކަން، މުއްސަނދިކަން ވާރުތަ ކުރެވޭނެ ގޮތަކަށް،" އެ މަނިކުފާނު ވިދާޅުވި އެވެ.

"ކުރިއަށް އޮތް ދައުރުގެ ތެރޭގައި މި ހިމާޔަތްކުރެވޭ ތަންނުން ފައިދާ ލިބޭ ނިޒާމަކަށް ބަދަލުކޮށް، މި ފައިދާ އެ އަތޮޅަކަށާއި މުޅި ރާއްޖެއަށް އެންމެ ރަނގަޅު ފައިދާ ލިބޭނެހެން މެނޭޖުމެންޓެއްގެ ދަށަށް ބަދަލުކޮށް އޭގެ ފައިދާ މުޅި ރާއްޖެއަށް ލިބޭ ގޮތަށް ހަދާނަން."

މާޅޮހަކީ ބަނދަރުގެ ދަތިކަމާއި ލަފާފުރުމުގެ ދަތިކަން އޮތް ރަށެއްކަން ފާހަގަކުރައްވައި ރައީސް ވިދާޅުވީ އެއީ ރަށުގެ ރައްޔިތުންގެ އެންމެ ބޮޑު އެއް ކަންބޮޑުވުން ކަމަށެވެ. ބަނދަރުގެ މަސައްކަތް ކުރުމަށް ބޭނުންވާ އީއައިއޭ ހަދައި ނިމުމާ އެކު، އަމަލީ މަސައްކަތް ފަށާނެ ކަމަށް ވެސް އެ މަނިކުފާނު ވިދާޅުވި އެވެ.

މާޅޮހަށް ހާއްސަކޮށް ރައީސް މިއަދު ވެވަޑައިގެންނެވި ވައުދުތަކުގެ ތެރޭގައި ހިމެނެނީ: