ބޯހިމެނުން 2022: 100 މީހުން ހަމަނުވާ އޮތީ އެންމެ ރަށެއް

އާބާދީގައި 100 މީހުން ހަމަނުވާ ހަމައެކަނި ރަށަކީ ވ. ރަކީދޫކަން ބޯހިމެނުމުގެ ތަފާސްހިސާބުތަކުން އެނގިއްޖެ އެވެ.

އެނގުން މުހިއްމު - އަށް އަހަރަށް ފަހު ރާއްޖޭގައި ބޯހިމަނާފައިވަނީ މިދިޔަ އަހަރެވެ. އޭގެ ރަސްމީ މައުލޫމާތު މިއަދު އާއްމުކޮށްފައި ވާއިރު، އާބާދީއަށް ބޮޑު ކުރިއެރުމެއް އައިސްފައިވާ ތަން، ނަތީޖާއިން ފެނެ އެވެ. އެގޮތުން:

ވީ ކިހިނެއް؟ - މިދިޔަ އަށް އަހަރުގެ ތެރޭގައި، ރާއްޖޭގައި މީހުން ދިރިއުޅޭ ރަށްރަށުގެ ތެރެއިން މާލެ ފިޔަވައި އާބާދީއަށް އެންމެ ބޮޑު ބަދަލެއް އައި އެއް ރަށަކީ ވ. ރަކީދު އެވެ. އެގޮތުން، މިހާރު އެ ރަށް ވެފައިވަނީ، ރަށުގައި ދިރިއުޅޭ މީހުންގެ އާބާދީ 100އަށް ވުރެ ތިރިވެފައިވާ ހަމައެކަނި ރަށަށެވެ.

ވޭތުވެދިޔަ އަށް އަހަރުގެ ތެރޭގައި އާބާދީ ދެ ވަނައަށް އެންމެ ބޮޑަށް މަދުވި ރަށަކީ ވެސް ރަކީދު އެވެ. 

ތަފާސްހިސާބުތަކުން ދައްކާ ގޮތުގައި:

ބޯހިމެނުމުގެ ތަފާސްހިސާބުތަކުން ދައްކާ ގޮތުގައި، ދިރިއުޅޭ މީހުންގެ އަދަދު 500އަށް ނާރާ 32 ރަށް އޮވެ އެވެ. އޭގެ ތެރެއިން، ދިރިއުޅޭ އާބާދީ 200 މީހުންނަށް ނާރާ ފަސް ރަށަކީ:

މިއީ އަށް އަހަރު ކުރިން ވެސް ބައިމަދު ރަށްތަކެކެވެ. އެކަމަކު ވޭތުވެ ދިޔަ އަހަރުތަކުގައި އެ ރަށްތަކުގައި ދިރިއުޅޭ މީހުންގެ ނިސްބަތް ވަނީ މަތިވެފަ އެވެ. އެގޮތުން، ފެހެންދޫގެ އާބާދީގައި ކުރިން ކިރިޔާ 100 މީހުން ހަމަވި ނަމަވެސް، މިހާރު އެ ރަށުގައި ދިރިއުޅޭ އާބާދީ 198 މީހުންނަށް ވަނީ އިތުރުވެފަ އެވެ.

އަށް އަހަރުގެ ތެރޭގައި، ދިރިއުޅޭ މީހުންގެ އާބާދީ އެންމެ ބޮޑަށް ދަށްވެފައިވަނީ ގއ. ކޮލަމާފުށީގަ އެވެ. އެގޮތުން، އެ ރަށުގައި ދިރިއުޅޭ މީހުންގެ އާބާދީ، 2014 ވަނަ އަހަރާ ބަލާއިރު މިދިޔަ އަހަރު އެ އަދަދު ވަނީ %5.1 ދަށްވެފަ އެވެ. ކުރިން އެ ރަށުގައި 958 މީހުން އުޅުނު ނަމަވެސް މިހާރު އުޅެނީ 636 މީހުންނެވެ.

ޖުމްލަކޮށް ބަލާއިރު، އެންމެ ބޮޑަށް އާބާދީ ދަށްވެފައިވަނީ ގދ. އަތޮޅުގެ ރަށްތަކުންނެވެ. އެގޮތުން: