ވިލާގެ ބާނީ ގާސިމް އިބްރާހިމް: ވިލާއަށް ދީފައި އޮތް ފަޅަކާ ބެހޭ ގޮތުން މީހަކު ވަނީ އޭސީސީއަށް މައްސަލައެއް ވައްދާފައި އިޔާން)
ވިލާއަށް ދީފައި އޮތް ވާވެއްދި ފަޅު ވިއްކުން އޭސީސީ އިން ހުއްޓުވައިފި
ވިލާ ކުންފުންޏަށް ދީފައި އޮތް ކ. ވާވެއްދި ފަޅާ ގުޅޭ ގޮތުން އެންޓި ކޮރަޕްޝަން ކޮމިޝަނަށް ހުށަހެޅި މައްސަލައަކާ ގުޅިގެން އެ ފަޅު ވިއްކުން އޭސީސީއިން ހުއްޓުވައިފި އެވެ.
ވީ ކިހިނެއް؟ - އޭސީސީން ޔަގީންކޮށްދިން ގޮތުގައި، މާމިގިލި ދާއިރާގެ މެންބަރު އަދި ޖުމްހޫރީ ޕާޓީގެ ރިޔާސީ ކެންޑިޑޭޓް ގާސިމް އިބްރާހިމްގެ، ވިލާ ކުންފުންޏަށް ދީފައިވާ އެ ފަޅާ ގުޅުން ހުރި މައްސަލައެއް އޭސީސީއަށް ހުށަހަޅާފައި ވާތީ އެކަން ބަލަމުން އަންނަނީ ބަލަމުންނެވެ.
ތަފްސީލް - އެ ކޮމިޝަނުގެ ސީނިއާ ކޮމިޔުނިކޭޝަންސް އޮފިސަރު ނިޝާން މުހައްމަދު 'ދައުރު' އަށް ވިދާޅުވީ އެ ފަޅު ވިއްކުން ހުއްޓުވީ އޭސީސީއަށް ހުށަހެޅި މައްސަލައަކާ ގުޅިގެން ކަމަށެވެ.
"އޮން ގޮއިން [ބަލަމުންދާ މައްސަލައެއް] ކޭސްއެއް ވީމާ އިތުރަށް އަދި ހާމަކުރެވޭކަށް ނެތް،" ނިޝާން ވިދާޅުވި އެވެ.
ފާހަގަ ކުރެވޭ ކަމެއް - ޓޫރިޒަމްއާ ގުޅުން ހުރި ވިޔަފާރިތަކަށް ކުރިން ވިލާއަށް ދީފައި ހުރި ބައެއް ރަށްރަށާއި ބިންތަކުގެ ބަދަލުގައި ކުރީގެ ރައީސް އަބްދުﷲ ޔާމީންގެ ވެރިކަމުގައި އެކި ފަޅުތައް ދިނެވެ. ނަމަވެސް އެ ފަޅުތައް 2015ގައި އެ ސަރުކާރުން އަތުލި އެވެ. ފަހުން އެ މައްސަލަ ކޯޓަށް ހުށަހަޅައި ސުޕްރީމު ކޯޓުން ނިންމީ ވިލާއާ އެއްކޮޅަށެވެ.
ކޮމެންޓް (2)
ބުރުގާ
ހާމިދު