ޕޯސްޓްމޯޓަމް އިން އެނގުނީ އަބްދުﷲ ރަޝީދުގެ މަރުގައި ފުލުހުންގެ އިހުމާލެއް ނެތްކަން: އިމްރާން

ފުލުހުންގެ ބެލުމުގެ ދަށުގައި ހުއްޓައި މިދިޔަ އޮކްޓޯބަރު މަހު މަރުވި އަބްދުﷲ ރަޝީދުގެ މަރުގައި ފުލުހުންގެ އިހުމާލެއް ނެތް ކަމަށް ޕޯސްޓްމޯޓަމް އިން އެނގިފައިވާ ކަމަށް ހޯމް މިނިސްޓަރު އިމްރާން އަބްދުﷲ ވިދާޅުވެއްޖެ އެވެ.

ވީ ކިހިނެއް؟ - ރައްޔިތުންގެ މަޖިލީހުގެ މިއަދުގެެ ޖަލްސާގައި މަޑަވެލީ ދާއިރާގެ މެންބަރު ހުސައިން ފިރުޝާން، މިނިސްޓަރު އިމްރާން އާ ސުވާލު ކުރެއްވީ އަބްދުﷲ ރަޝީދުގެ މަރާ ގުޅިގެން އާއިލާ އަށް އެއްވެސް މައުލޫމާތެއް ނުލިބޭތީ އެކަމާ އެވެ.

ތަފްސީލް - މެންބަރުގެ ސުވާލަށް ޖަވާބު ދެއްވަމުން އިމްރާން ވިދާޅުވީ އަބްދުﷲ ރަޝީދުގެ މަރުގެ މައްސަލާގައި މެންބަރު ފިރުޝާން ވެސް ގިނަ މަސައްކަތްތަކެއް ކުރެއްވި ކަމަށެވެ. އަދި އެކަމުގެ ތަފްސީލުތައް  ފިރުޝާނާ ހިއްސާ ކުރެއްވި ކަމަށް ވެސް އިމްރާން ވިދާޅުވި އެވެ. ނަމަވެސް ފިރުޝާން އެކަން ދޮގު ކުރެެއްވި އެވެ. އަދި ވިދާޅުވީ އެފަދަ މައުލޫމާތެއް އޭނާއާ ހިއްސާ ކުރައްވާފައި ނުވާ ކަމަށެވެ.

އެ މަރުގައި ފުލުހުންގެ އިހުމާލު އޮތްތޯ ބެލުމަށް ޕޯސްޓްމޯޓަމް ހެދިކަން ފާހަގަކުރައްވައި މިނިސްޓަރު އިމްރާން ވިދާޅުވީ ޕޯސްޓްމޯޓަމްގައި ޔަގީން ކުރަން ބޭނުންވީ، އަބްދުﷲ ރަޝީދު މަރުވީ ފުލުހުންގެ ސީދާ އަމަލެއް އޮވެގެންތޯ ނޫނީ އިހުމާލެއް އޮވެގެންތޯ ކަމަށެވެ.

"އެކަމާ މެދުގައި އަޅުގަނޑުމެންނަށް ފުލުހުންގެ ސީދާ އަނިޔާއެއް އޮވެގެން ނުވަތަ ގަސްތުގައި އިހުމާލެއް އޮވެގެން އެކަން ހިނގައިދިޔަ، އޭނަ މަރުވި ކަމަށް ސާބިތުވާނެ އެއްވެސް ހެއްކެއް އަޅުގަނޑުމެންނަށް ލިބޭކަށް ނެތް،" އިމްރާން ވިދާޅުވި އެވެ.

ފަސްމަންޒަރު - ފުލުހުންގެ ޑްރަގު އެންފޯސްމަންޓް ޑިޕާޓްމަންޓް (ޑީއީޑީ)ން މިދޔަ އަހަރުގެ އޮކްޓޯބަރު 25ގައި ގދ. އަތޮޅުގައި ހިންގި ޑްރަގުގެ ބޮޑު އޮޕަރޭޝަނެއްގައި އަބްދުﷲ ރަޝީދު ހިމެނޭ ގޮތަށް ތިން މީހަކު  ގދ. ހޯނޑެއްދޫން ހައްޔަރުކުރި އެވެ. އެ މީހުން ގޮވައިގެން އެ ރަށުން ފުރައިގެން އެހެން ތަނަކަށް ގެންދަން އުޅެނިކޮށް، އަބްދުﷲ މަރުވީ އެ ރަށު ބަނދަރުގައި ލޯންޗު އޮއްވައި ލޯންޗުމަތީގައި ކަމަށްވެ އެވެ. އެގޮތުން: