ކޭޕާކު މައްސަލައިގައި އިތުރު ދިވެއްސަކާއި ބިދޭސީއެއްގެ ޕާސްޕޯޓް ހިފަހައްޓައިފި

ހުޅުމާލޭގައި ހަންބޯ ކޮމްޕެނީއިން ހަދަމުން އަންނަ މަތީ ފަންތީގެ ކޭޕާކް ރެސިޑެންސް ފްލެޓްތައް ވިއްކުމުގައި އެ ކުންފުނީގެ މައިނޯރިޓީ ހިއްސާދާރު ހަސަން މަމްދޫހު (މަންޑޭ) މަކަރާއި ހީލަތް ހަދާފައިވާ ކަމަށް ތުހުމަތުކުރެވޭ މައްސަލައިގައި އިތުރު ދެ މީހެއްގެ ޕާސްޕޯޓް ހިފަހައްޓައިފި އެވެ.

މައްސަލައިގެ ފެށުން - މިދިޔަ ހަފްތާ ތެރޭގައި ހަމްބޯ ކުންފުނީގެ މައި ހިއްސާދާރު އަދި މެނޭޖިން ޑިރެކްޓަރު، ޗައިނާގެ ރައްޔިތެއް ކަމަށްވާ ޖިން ޝިހޫ ވަނީ މަމްދޫހުގެ މައްޗަށް ބޮޑެތި ތުހުމަތުތަކެއްކޮށް އޭނާ މަކަރާ ހީލަތް ހަދާފައިވާ ކަމަށް ބުނެ މައްސަލަ ފުލުުހަށް ހުށަހަޅައިފަ އެވެ. އެގޮތުން ޖިން ތުހުމަތުކޮށްފައި ވަނީ: 

އެ ސީރިއަސް ތުހުމަތުތަކާ ގުޅިގެން، މަމްދޫހުގެ މައްޗަށް ތަހުގީގެއް ފަށައި އޭނާއަށް ރާއްޖެއިން ފުރައިގެން ނުދެވޭ ގޮތަށް ޕާސްޕޯޓް ހިފަހައްޓާފައިވާކަން ފުލުހުން ވަނީ މިިދޔަ ހޮނިހިރު ދުވަހު އިއުލާންކޮށްފަ އެވެ.

ވީ ކިހިނެއް؟ - އެ މައްސަލައިގައި އިތުރު ބައެއްގެ ޕާސްޕޯޓް ހިފެހެއްޓިތޯ 'ދައުރު'އިން މިއަދު ފުލުހުންނާ ސުވާލުކުރުން ފުލުހުންގެ ތަރުޖަމާނަކު ވަނީ އިތުރު ދެ މީހެއްގެ ޕާސްޕޯޓް ހިފަހައްޓާފައިވާކަން ޔަގީންކޮށްދީފަ އެވެ. އަދި އޭގެ ތެރެއިން އެކަކީ ބިދޭސީއެއް ކަމަށް ވެސް ތަރުޖަމާނު ވިދާޅުވި އެވެ. 

ނަމަވެސް، އެ މީހުންގެ ވަނަވަރު ފުލުހުން ހާމައެއް ނުކުރެ އެވެ.

ތަފްސީލް - 'ދައުރު'އަށް ކަށަވަރުވެފައިވާ ގޮތުގައި، ފުރުން މަނާކޮށް ހިފަހައްޓާފައި ވަނީ، ވަގަށް ފްލެޓްތައް ވިއްކުމުގައި މަމްދޫހުއާ ބައިވެރިވި ކަމަށް ތުހުމަތުކުރެވޭ އޭނާގެ ވިޔަފާރި ބައިވެރިއެއް ކަމަށްވާ ޖައިޝާން ސައީދުގެ ޕާސްޕޯޓެވެ.

ޖައިޝާން ވަނީ:

ދެން ޕާސްޕޯޓް ހިފަހައްޓާފައި ވަނީ މީގެ ކުރިން ހަންބޯ ކުންފުނީގައި ހިއްސާ އޮތް، ހަންބޯ ޓެކް ކިޔާ ދެކުނު ކޮރެއާގެ ކުންފުންޏެއްގެ ބްރޯކަރެއް ކަމަށް ބުނާ އެ ގައުމުގެ ރައްޔިތެއް ކަމަށްވާ ސޫން ސޫ ކިމް އެވެ. 

އޭނާ އަކީ މަމްދޫހުގެ ގާތް ރަހުމަތްތެރިއެއްކަން އެނގިފައިވެ އެވެ. އަދި ކޭޕާކަށް އިންވެސްޓްކުރަން ޖިންއަށް ދައުވަތު ދީ، މަމްދޫހު އޭނާއަށް ތައާރަފްކޮށްދިނުމުގެ މެދުވެރިއަކަށްވީ ކިމް ކަމަށް ވެސް ވެ އެވެ.