މާލޭގައި ހަވީރު 6 އިން ރޭގަނޑު 10އަށް ބަސް ދަތުރުތަކެއް ނޯންނާނެ

އެމްޓީސީސީން މާލޭގައި ދެމުން އަންނަ ބަހުގެ ހިދުމަތް، މި ރޯދަމަހު ހަވީރު 6 އިން ރޭގަނޑު 10އާ ދެމެދު މެދުކަނޑާލާ ގޮތަށް ހަމަޖައްސައިފި އެވެ. އެކަމަކު މާލެ/ހުޅުލެ/ހުޅުމާލެ އާއި ހުޅުމާލޭގެ އެތެރޭގެ ދަތުރުތަކަށް މާ ބޮޑު ބަދަލެއް ނާދެ އެވެ.

ވީ ކިހިނެއް؟- މާލެ ސަރަހައްދުގައި ކުރިން ބަހުގެ ޝެޑިއުލް އޮންނަ ގޮތުން، ހެނދުނު 5:45 އިން ފެށިގެން ރޭގަނޑު 12:15 އާ ހަމައަށް ދަތުރުތައް ކުރެ އެވެ. އެކަމަކު މިހާރު ދަތުރުތައް ފަށަނީ ހެނދުނު 6 ޖަހާއިރު އެވެ. 

ރޯދަ މަހު މާލޭގެ އާ ބަސް ޝެޑިއުލަށް ބަލާއިރު:

އާ ޝެޑިއުލާ މެދު ބައެއް މީހުން ފާޑުކިއުން އެބަ ހުއްޓެވެ. އެގޮތުން ގިނަ ވަގުތުތަކަކަށް ބަހުގެ ހިދުމަތް މެދުކަނޑާލުމުން ދަތުރުކުރާ މީހުންނަށް އުނދަގޫވާނެ ކަމަށް އެމީހުން ބުނެ އެވެ.

އެކަމަކު އެއަށް ރައްދު ދެއްވައި، އެމްޓީސީސީގެ ސީއީއޯ އާދަމް އާޒިމް ވިދާޅުވީ ތަރާވީސް ނަމާދު ވަގުުތު މަޖީދީ މަގުން ދަތުރުކުރުން މަނާވާނެ ކަމަށެވެ. އެއީ އެ މަގުގައި ތިން މިސްކިތް ހުންނައިރު، މަގުމައްޗާ އެކު ގިނަ ބަޔަކު ނަމާދަށް ތިބޭ ވަގުތު މަގުތައް ބްލޮކްވާނެތީ ކަމަށް އޭނާ ވިދާޅުވި އެވެ.

ރޯދަ މަހާ އެކު، އެމްޓީސީސީ ބަހުގެ ހިދުމަތް ދޭ ބައެއް ރޫޓުތައް ވެސް ވަނީ ބަދަލުކޮށްފަ އެވެ.