އެމްޑީޕީން ބޭއްވި ޕްރައިމަރީއެއްގައި މީހާކު ވޯޓުލަނީ: ހުސްވެފައިވާ ކ. ގުރައިދޫ ދާއިރާގެ މެންބަރުކަމަށް އެ ޕާޓީން ކުރިމަތިލާ ކެންޑިޑޭޓަކު ހޮވުން އޮތީ ޕްރައިމަރީއަކުން (ދައުރު ފޮޓޯ/ އަބްދުﷲ އިޔާން)
ގުރައިދޫ ބައި-އިލެކްޝަންގެ އެމްޑީޕީ ޕްރައިމަރީއަށް ކުރިމަތިލީ 4 ބޭފުޅުން
ރައްޔިތުންގެ މަޖިލީހުން ހުސްވެފައިވާ ގުރައިދޫ ދާއިރާގެ މެންބަރު ކަމަށް އެމްޑީޕީގެ ފަރާތުން ކުރިމަތިލައްވާ ބޭފުޅަކު ހޮވުމަށް ބާއްވާ އެ ޕާޓީގެ ޕްރައިމަރީއަށް ހަތަރު ބޭފުޅުން ކުރިމަތިލައްވައިފި އެވެ.
ވީ ކިހިނެއް؟ - ގުރައިދޫ ދާއިރާގެ ގޮނޑި ހުސްވީ، މިިދިޔަ ތިން ދައުރު އެ މަގާމު ފުރުއްވި އިބްރާހިމް ރިޒާ، ކެންސަރު ބައްޔަަށް ފަރުވާ ހޯއްދަވަމުން ގެންދަވަނިކޮށް މިދިޔަ މަހުގެ ފަހުކޮޅު އަވަހާރަވުމާ ގުޅިގެންނެވެެ. އެއާ އެކު، އިލެކްޝަންސް ކޮމިޝަނުން ވަނީ އެ ދާއިރާގެ ބައި-އިލެކްޝަން 15 އޭޕްރީލްގައި ބޭއްވުމަށް ނިންމާފަ އެވެ.
ތަފްސީލު - މި ދާއިރާގެ ޕްރައިމަރީއަށް ކުރިމަތިލުމަށް އެމްޑީޕީން ހުޅުވާލީ މިދިޔަ ހޯމަ ދުވަހު އެވެ. ކުރިމަތިލުމަށް ހުޅުވާލި މުއްދަތު މިއަދު ހަވީރު 4އަށް ވަނީ ހަމަވެފަ އެވެ.
ޕްރައިމަރީއަށް ކުރިމަތިލެއްވި ބޭފުޅުން:
-
1-
މުހައްމަދު މުސްތަފާ. ވިވިޑް/ކ. މާފުށި
-
2-
ސަލްމާން ރަޝީދު، މާފަރިވާގެ/ކ. މާފުށި
-
3-
އިބްރާހިމް ޝާޒް، ހ. ތާޅަފިލިގެ/މާލެ
-
4-
އަބްދުﷲ ސައީދު، ވެލި/ކ. ގުރައިދޫ
ފާހަގަކޮށްލެވޭ ކަމެއް - އިދިކޮޅު ޕީޕީއެމްގެ ސަޕޯޓު ބޮޑު މި ދާއިރާއަށް މިހާތަނަށް ޕްރައިމަރީއަށް އިއުލާން ކުރީ އެމްޑީޕީން އެކަންޏެވެ. މި ދާއިރާއަށް ކުރިމަތިލާން އަދި އެހެން ޕާޓީއަކުން އިއުލާންކޮށްފައެއް ނުވެ އެވެ.
ކޮމެންޓް (1)
އަފީފާ