ނިރުފެހިގެ އަލިފާން: ގެއްލުންވި އާއިލާތަކަށް 300،000ރ. ދެނީ

މ. ނިރުފެހިގޭގައި ހިނގި އަލިފާނުގެ ހާދިސާގައި މަރުވި މީހުންނާއި ހާލުގައި ޖެހުނު ބިދޭސީންނަށް އެހީގެ ގޮތުގައި 300،000 ރުފިޔާ، މިޝަން ފޯ މައިގްރެންޓް ވޯކާސް މޯލްޑިވްސް (އެމްއެމްޑަބްލިއުއެމް) އިން ދޭން ނިންމައިފި އެވެ.

ވީ ކިހިނެއް؟ - ގްރައުންޑް ފްލޯ ހިމެނޭ ގޮތުން ޑެކް އަޅައިގެން ތިން ބުރިއަށް ހަދާފައިވާ ރޭ ނިރުފެހި ގޭގައި އަލިފާން ރޯވީ މި މަހުގެ 9 ވަނަ ދުވަހުގެ ރޭ ދަންވަރުގެ ވަގުތެއްގަ އެވެ. ގިނަ އަދަދަކަށް ބިދޭސީން ދިރިއުޅެމުން އައި އެ ގޭގައި ރޯވި އަލިފާނުގައި 10 ބިދޭސީން ވަނީ މަރުވެފަ އެވެ. މަރުވި މީހުންގެ އިތުރުން، އިތުރު 13 ބިދޭސީ އަކު ވެސް އެ ހާދިސާގައި ހާލުގައި ޖެހުނެވެ.

ތަފްސީލް - ރާއްޖޭގައި މަސައްކަތް ކުރާ ބިދޭސީންގެ ހައްގުތަކަށް މަސައްކަތް ކުރާ ޖަމިއްޔާއިން އެހީގެ ފައިސާ އެއްކުރީ، އެ ޖަމިއްޔާއިން ހިންގި ފަންޑް ރައިޒިން ކެމްޕޭނަކުންނެވެ. އެމްއެމްޑަބްލިއުއެމް އިން ބުނިގޮތުގައި:

ބުނީ ކީކޭ؟ - އެމްއެމްޑަބްލިއުއެމް އިން ބުނިގޮތުގައި ފައިސާ އެއްކުރުމުގެ ހަރަކާތަށް ގިނަ ފަރާތްތަކެއްގެ އެހީތެރިކަމެއް ލިބުނެވެ. އޭގެ ތެރެއިން ބޭންކް އޮފް މޯލްޑިވްސް އިން ދިން ބޮޑު އެހީއަށް އެ ޖަމިއްޔާއިން ޝުކުރު އަދާކުރި އެވެ. އޭގެ އިތުރުން، ފޮރިން މިނިސްޓްރީ އާއި އިންޑިއާ އާއި ބަންގްލަދޭޝް ހައިކޮމިޝަން އަދި ނެޝަނަލް ޑިޒަސްޓާ މެނޭޖްމެންޓުން ދިން އެހީތެރިކަން ވެސް އެ ޖަމްއިއްޔާއިން ފާހަގަ ކުރި އެވެ.

އެނގުން މުހިންމު - މި ހާދިސާގައި މަރުވި އެންމެންގެ ހަށިގަނޑު  ވަނީ އެ މީހުންގެ ގައުމަށް ފަޮނުވާލާފަ އެވެ. މަރުވެފައި ވަނީ އިންޑިއާގެ އަށް މީހަކާއި ބަންގްލަދޭޝްގެ ދެ މީހެކެވެ. އެއީ: