އާރަށު މައްސަލައިގައި ދައުލަތުން ހުށަހެޅި އާ ހެކިތައް ބަލައިގަންނަން ނިންމައިފި

އެމްއެމްޕީއާރްސީ މެދުވެރިކޮށް ވ. އާރަށް ދޫކުރުމުގައި ރިޝްވަތު ނެންގެވި ކަމަށް ބުނާ މައްސަލައިގައި ކުރީގެ ރައީސް އަބްދުﷲ ޔާމީން އާއި ރައްޔިތުންގެ މަޖިލީހުގެ ފެލިދޫ ދާއިރާގެ ކުރީގެ މެމްބަރު ޔޫސުފް ނައީމްއާ ދެކޮޅަށް ދައުލަތުން ހުށަހެޅި އާ ހެކިތައް ބަލައިގަންނަން ކްރިމިނަލް ކޯޓުން މިއަދު ނިންމައިފި އެވެ. 

ވީ ކިހިނެއް؟ - އާރަށުގެ މައްސަލައިގައި ދައުލަތުން ހުށަހަޅާފައިވާ އާ ހެކިތަކަކީ ޔާމީނާއި ޔޫސުފް ނައީމްގެ ދިފާއުގައި ހެކިބަސް ދިން މީހުން ދޮގު ހެކިބަސް ދީފައި ވާކަން ސާބިތުކުރަން ހުށަހެޅި ހެކިތަކެކެވެ. އާ ހެކިތަކުގެ ތެރޭގައި ހިމެނެނީ:

ތަފްސީލް - ކްރިމިނަލް ކޯޓުގައި މިއަދު ބޭއްވި އަޑުއެހުމުގައި، އެ ހެކިތައް ބަލައިގަންނަން އިސް ގާޒީ އަހުމަދު ޝަކީލް ނިންމެވީ، އެންމެ ފަހުން ބޭއްވި އަޑުއެހުމުގައި މި ހެކިތައް ބަލައިނުގަންނަން ދިފާއި ވަކީލުން އެދިފައި ވަނިކޮށެވެ.

އެ ދުވަހުގެ އަޑުއެހުމުގައި ޕީޖީ އޮފީހުގެ ވަކީލުން ވިދާޅުވި ގޮތުގައި، މި ހެކިތަކަކީ ޔާމީން އާއި ނައީމްގެ ދިފާއުގައި ހެކިބަސް ދިން މީހުންގެ ހެކި ބަހާ ގުޅިގެން "އިތުރަށް ސާފުކުރަން ޖެހޭ ކަންކަން ސާފުކުރުމަށް ފަހު" ހުށަހެޅި ހެކިތަކެކެވެ. އޭރު މައްސަލައިގެ ހެކިބަސް ނެގުމުގެ މަރުހަލާ ނިމިއްޖެ އެވެ.

މި މައްސަލައިގައި ޔާމީންގެ ދިފާއުގައި ހެކިބަސް ދިން މީހުންގެ ތެރޭގައި ހިމެނެނީ:

ޔާމީން އާއި ނައީމްގެ ވަކީލުން ވެސް ހެކިތައް ބަލައިގަންނަން ދެކޮޅު ހެދީ ހެކިބަސް ނަގައި ނިމިފައި ވާތީ އެވެ. އެކަމަށް ރައްދު ދެމުން ޕީޖީ އޮފީހުން ބުނީ، އަލަށް ހުށަހެޅި ހެކިތަކަކީ، މައްސަލަ ހުށަހެޅި އިރު ހޯދަން ވެސް ނޭނގޭ ހެކިތަކެއް ކަމަށެވެ. ސަބަބެއް ކަމަށް ބުނީ ދިފާއި ހެކިންގެ ހެކިބަސް ނެގުމާ ހަމައަށް އެ ހެކިންގެ މައުލޫމާތު ލިބިފައި ނުވުމެވެ.