ހެކި ހޯދި ގޮތް ގޯސްވެގެން ކުޑަކުއްޖަކަށް ކުރި ޑްރަގް ޓްރެފިކިން ހުކުމެއް ބާތިލުކޮށްފި

އަތުން މަސްތުވާތަކެތި ނުފެންނަނީސް ކުޑަކުއްޖަކު ހައްޔަރުކޮށް، ހެކި ހޯދި ގޮތް ގޯސްވެގެން، ޑައިމޯފިން ޓްރެފިކް ކުރި މައްސަލައެއްގައި މެޖިސްޓްރޭޓް ކޯޓަކުން ކުރި ހުކުމެއް ބާތިލުކުރަން ހައި ކޯޓުން އިއްޔެ ހުކުމްކޮށްފި އެވެ.

ވީ ކިހިނެއް؟ - މި މައްސަލައިގައި:

ތަފްސީލް -  ވެލިދޫ ކޯޓަށް ހުށަހެޅި މައްސަލައިގައިވާ ގޮތުގައި، މަސްތުވާތަކެތީގެ ވިޔަފާރިކުރާ ކަމުގެ ތުހުމަތުގައި އެ ކުޑަކުއްޖާ ހައްޔަރުކުރި އެވެ. ފުލުހުންގެ ބެލުމުގެ ދަށަށް ގެންގޮސް، ބަލައި ފާސްކުރި އިރު، އެއްވެސް އެއްޗެއް ނުފެނުނު ނަމަވެސް ފުލުހުން ވަނީ އޭނާ ހައްޔަރުކޮށްފަ އެވެ. 

ހައްޔަރުކޮށްގެން ގެންދިޔުމަށް ފަހު ފުލުހުންގެ ތަހުގީގުގައި އެ ކުއްޖާ ވަނީ މަސްތުވާތަކެތި ފޮރުވާފައި ހުރި ކަމަށް ބުނާ ތަންތަން ދައްކާފަ އެވެ. ކުއްޖާ ދެއްކި ތަންތަނުން ފެނުނީ:

މި މައްސަލަ އެ ކުއްޖާގެ މައްސަލަތައް ސާބިތުވި މައިގަނޑު ސަބަބެއްގެ ގޮތުގައި ވެލިދޫ ކޯޓުން ފާހަގަކުރީ، މަސްތުވާތަކެތި ފެނުނީ އެ ކުއްޖާ ހައްޔަރުކުރި ފަހުން ކަމުގައި ވީއިރު، އެ ތަންތަނުގައި އެ އެއްޗެހި ހުރިކަން އެ ކުއްޖާއަށް އެނގުނު ގޮތެއް ޝަރީއަތުގެ އެއްވެސް މަރުހަލާއެއްގައި ސާފުކޮށްދެވިފައި ނުވުމެވެ. އެހެންވެ، އަތުން ނުފެނުނަސް އެ މަސްތުވާތަކެއްޗަށް އެ ކުއްޖާ ޒިންމާވާން ޖެހޭ ކަމަށް ހުކުމުގައި ލިޔެފައިވެ އެވެ.

ކުއްޖާގެ ފަރާތުން މި މައްސަލަ ހައި ކޯޓުގައި އިސްތިއުނާފުކުރަމުން ވަނީ، މިއީ ގާނޫނާ ހިލާފަށް ހަައްޔަރުކުރުމަށް ފަހު، ބަންދުގައި ބަހައްޓައިގެން ހެކި ހޯދާފައިވާ މައްސަލައަކަށް ވާތީ، ދަށު ކޯޓުގެ ހުކުމް ބާތިލުކޮށްދޭން އެދިފަ އެވެ. ފުލުހުން ހެދި ގޯސްތައް ގަބޫލުކޮށް ޕީޖީ އޮފީހުން ވެސް ކޯޓުގައި އެދުނީ ހުކުމް ބާތިލުކޮށްދޭށެވެ.

ފަނޑިޔާރުގެ ބަސް - ހައި ކޯޓުގައި މި މައްސަލަ ބެއްލެވި ބެންޗުގެ ރިޔާސަތުގައި އިންނެވި ފަނޑިޔާރު ހުސެއިން މަޒީދުގެ ރައުޔުގައި ލިޔުއްވި ގޮތުގައި:

ބެންޗުގައި ދެން ތިއްބެވި ދެ ފަނޑިޔާރުން ކަމުގައިވާ ހުސެއިން ޝަހީދު އާއި މުހައްމަދު ސަލީމް ވަނީ މަޒީދުގެ ރައުޔަށް ތާއީދުކުރައްވާފަ އެވެ.