ހައްޔަރު ކުރިތާ އެއް ދުވަސް ވެސް ނުވެ އަރުޝަދު ދޫކޮށްލައިފި

މަސްތުވާތަކެތީގެ ވިޔަފާރީގެ ބޮޑެއް ކަމަށް ފުލުހުން ތުހުމަތު ކުރާ އަރުޝަދު ހާލިދު ހައްޔަރުކުރިތާ 24 ގަޑިއިރު ނުވަނީސް، އަނެއްކާ ވެސް އޭނާ ދޫކޮށްލައިފި އެވެ.

ވީ ކިހިނެއް؟- މަސްތުވާތަކެތީގެ ވިޔަފާރީގެ ބޮޑެތި ތުހުމަތުތައް ކުރެވޭ އަރުޝަދު، ދުބާއީގައި ފިލައިގެން އުޅުމަށް ފަހު މި މަހުގެ 10 ވަނަ ދުވަހުގެ ރޭ ރާއްޖެ އައުމުން ވެސް ހައްޔަރު ކުރި އެވެ. އެކަމަކު، ބަންދާ މެދު ގޮތެއް ނިންމުމަށް ކޯޓަށް ނުގެން ގޮސް ފުލުހުން އޭނާ ދޫކޮށްލީ އެވެ.

ބަލަމުންދާ މައްސަލައަކާ ގުޅިގެން ކޯޓު އަމުރެއްގެ ދަށުން ފުލުހުން އިއްޔެ އޭނާ ހައްޔަރު ކުރި ނަމަވެސް، މިއަދު އަނެއްކާ ވެސް ވަނީ ދޫކޮށްލާފަ އެވެ. ފުލުހުން ބުނިގޮތުގައި ކޯޓު އަމުރެއްގެ ދަށުން އަރުޝަދު ހައްޔަރު ކުރި ނަމަވެސް، އޭނާ ދޫކޮށްލީ، ބަންދު ދެމެހެއްޓޭ ވަރަށް ހެއްކާއި ގަރީނާ ލިބިފައި ނުވާތީ އެވެ.

ފުލުހުން 2020 ވަނަ އަހަރު މާލޭގައި ހިންގި އޮޕަރޭޝަނެއްގައި ހައްޔަރުކުރި ޑްރަގް ނެޓްވޯކެއްގެ އެންމެ އިސްވެރިޔާ އަކީ އަރުޝަދު، ގދ. ހޯނޑެއްދޫ/އަލޯރާ ކަމަށް ފުލުހުން ބުނެ އެވެ. އަދި:

ފިލައިގެން އުޅުމަށް ފަހު އޭނާ ރާއްޖެ އައުމުން، ކޯޓަށް ގެން ދިޔުމުން ހައި ކޯޓުން ނިންމީ ބަންދާ މެދު ގޮތެއް ނުނިންމޭނެ ކަމަށެވެ. ނަމަވެސް ނުވަ ކިލޯގެ ޑްރަގު މައްސަލައިގައި އޭނާގެ ޕާސްޕޯޓު ހިފަހައްޓަން ނިންމި އެވެ. ދައުލަތުން އެ އަމުރު އިސްތިއުނާފަށް ހުށަހެޅުމުން ސުޕްރީމް ކޯޓުން ވަނީ އެ މައްސަލަ ބަލައިގެންފަ އެވެ.