ޔާމީންގެ ޖޫރިމަނާ ފައިސާ ދެއްކުން ފަސްކުރުމުގެ އަމުރެއް ސުޕްރީމް ކޯޓުން ނެރެފި

ސުޕްރީމް ކޯޓުގައި ހިނގަމުން އަންނަ ކުރީގެ ރައީސް އަބްދުﷲ ޔާމީންގެ އިސްތިއުނާފު މައްސަލަ ނިމެންދެން، އެމަނިކުފާނު ފަސް މިލިއަން ޑޮލަރުން ޖޫރިމަނާކޮށް ކްރިމިނަލް ކޯޓުން ކުރި ހުކުމް ތަންފީޒުކުރުން ފަސް ކުރުމުގެ އަމުރެއް ސުޕްރީމް ކޯޓުން މިއަދު ނެރެދީފި އެވެ.

ވީ ކިހިނެއް؟ - ޔާމީނަށް ޖަލު ހުކުމެއް އިއްވައި 5 މިލިއަން ޑޮލަރުން ޖޫރިމަނާކުރަން ކްރިމިނަލް ކޯޓުން ހުކުމް ކުރީ 28 ނޮވެމްބަރު 2019ގަ އެވެ. އެ ފައިސާ ހަ މަސްދުވަހުގެ ތެރޭގައި މީރާއަށް ދައްކައި ހަލާސްކުރަން އެންގި ނަމަވެސް މިއަދާ ހަމައަށް ވެސް އެ ފައިސާ ދައްކަވާފައެއް ނުވެ އެވެ.

ތަފްސީލް - ހުކުމުގެ ޖޫރިމަނާ ބައި ފަސްކުރުމުގެ އަމުރަކަށް ޔާމީންގެ ފަރާތުން ސުޕްރީމް ކޯޓުގައި އެދުނެވެ. އެ މައްސަލައިގައި މިއަދު ސުޕްރީމް ކޯޓުން ނިންމީ، ޔާމީން އެދިވަޑައިގެން ގޮތަށް ސުޕްރީމް ކޯޓުގައި ކުރިއަށްދާ އިސްތިއުނާފު މައްސަލައިގައި ގޮތެއް ކަނޑައަޅަންދެން އެ ފައިސާ ދެއްކުން ފަސްކުރުމުގެ އަމުރެއް ނެރެދިނުމަށެވެ.

ތިން ފަނޑިޔާރުންގެ އިއްތިފާގުން، ސުޕްރީމް ކޯޓުން މިއަދު ނެރުނު އަމުރުގައި ބުނީ:

އެނގުން މުހިންމު - ސުޕްރީމް ކޯޓުން މި އަމުރު ނެރުނު އިރު، އެ ފައިސާ ހޯދަން އެޓާނީ ޖެނެރަލްގެ އޮފީހުން ވަނީ ސިވިލް ކޯޓަށް މައްސަލައެއް ވައްދައިފަ އެވެ. އަދި އެ މައްސަލައިގެ އަޑުއެހުންތައް މާދަމާ ފަށަން އޮތީ ތާވަލުކޮށްފަ އެވެ.

އިތުރަށް ކިޔާލަން -