ކ. ކާށިދޫގައި ހުންނަ އަތޮޅު މަދަރުސާ އެއް ދަންފަޅިއަށް ބަދަލުކޮށް އާ އިމާރާތުގައި ކިޔަވައިދޭން ފެށުން، 28 އޮގަސްޓް 2022 (ފޮޓޯ/އެޑިއުކޭޝަން)
އާ އިމާރާތާއެކު ކ. އަތޮޅު މަދަރުސާ އެއް ދަންފަޅިއަށް ބަދަލުކޮށްފި
ކ. ކާށިދޫގައި ހުންނަ އެ އަތޮޅު މަދަރުސާގެ އާ އިމާރާތް ބޭނުންކުރަން ފަށައި، އެ ސްކޫލުގައި މިއަދު އެއް ދަންފަޅިއަށް ކިޔަވައިދޭން ފަށައިފި އެވެ.
ވީ ކިހިނެއް؟ - އެ ސްކޫލުގައި 16 ކްލާސްރޫމްގެ ހަތަރު ބުރީގެ އިމާރާތަކާއި މަލްޓިޕާޕަސް ހޯލް އެއް އަޅަން ހަވާލުކުރީ ޖުލައި 2019 ގަ އެވެ. އެއީ އެ އަހަރު ޕީއެސްއައިޕީގެ ދަށުން ހަވާލުކުރި ފުރަތަމަ މަޝްރޫއު އެވެ.
ތަފްސީލް - އަހަރެއްގެ ތެރޭގައި އެ އިމާރާތުގެ މަސައްކަތް ނިންމަން، 35 މިލިއަން ރުފިޔާއަށް ހަވާލުކުރީ ޑަބްލިއު އެންޑް އޭ އޯވާސީސް ޕީޓީއީ ލިމިޓެޑް އާ އެވެ.
ސްކޫލުގެ އާ އިމާރާތުގައި ގާއިމުކުރި ވަސީލަތްތައް:
-
16 ކްލާސްރޫމް
-
މަލްޓިޕާޕަސް ހޯލެއް
-
އިލެކްޓްރިކަލް ރޫމެއް
-
ދެ ޗޭންޖިން ރޫމް
-
25 ދަރިވަރުންގެ ފާހާނާ
-
ނުކުޅެދުންތެރިކަން ހުންނަ ކުދިންނަށް ހާއްސަ ދެ ފާހާނާ
-
ސްޓޯ ރޫމް އަދި އެހެނިހެން: 10
-
ތިން ރޭމްޕް
ބުނީ ކީކޭ؟ - އެޑިއުކޭޝަން މިނިސްޓްރީން ބުނީ، އެ ސްކޫލުގެ އާ އިމާރާތް މިއަދު ބޭނުންކުރަން ފަށާފައިވާ ކަމަށެވެ. އަދި އާ އިމާރާތް ބޭނުންކުރަން ފެށުމާއެކު، ކުރިން ދެ ދަންފަޅިއަށް ކިޔަވައިދެމުން އައި ސްކޫލު މިހާރު އެއް ދަންފަޅިއަށް ބަދަލުކޮށްފައިވާ ކަމަށެވެ.