ގިނަ ބަޔަކު އިންތިޒާރު ކުރަމުން އައި ފުޖީފިލްމުގެ ވަރުގަދަ ލުއި ކެމެރާ އަންނަ މަހު ނެރެނީ

ފުޖީފިލްމުން އަލަށް ތައާރަފު ކުރާ ފުޖީފިލްމް ޖީއެފްއެކްސް 100 އާރްއެފްއަކީ މީޑިއަމް ފޯމެޓް ފޮޓޯގްރަފީއަށް އިންގިލާބީ ބަދަލެއް ގެންނަ މޮޅު ކެމެރާއެކެވެ. 'އަލްޓްރާ ލައިޓްވެއިޓް' އަދި 'ކޮމްޕެކްޓް ބޮޑީ'އެއްގެ މި ކެމެރާގައި 102 މެގަޕިކްސެލްގެ ބާރުގަދަ ސެންސަރެއް ހިމެނެ އެވެ. ޕްރޮފެޝަނަލް ފޮޓޯގްރަފަރަކަށް ވިޔަސް ނުވަތަ ފޮޓޯގްރަފީއަށް ޝައުގު ހުންނަ މީހެއް ކަމުގައިވިއަސް މި ކެމެރާ ބޭނުންތެރިވާނެ އެވެ.

އާންމުކޮށް ލިބެން ހުންނަ މީޑިއަމް ފޯމެޓް ކެމެރާތަކާ ހިލާފަށް ފުޖީފިލްމް ޖީއެފްއެކްސް 100އާރްއެފް އަކީ އަތަށް ލުއި، ފަސޭހައިން ގެންގުޅެވޭ ޕްރޮފެޝަނަލް ލެވެލް އިމޭޖް ކޮލިޓީ ފޯރުކޮށްދެ ކެމެރާއެކެވެ. 

ފުޖީފިލްމްގެ 'ލެޖެންޑަރީ' ކުލަތައް ކެމެރާއިން ސީދާ ލިބެ އެވެ. ކޮލިޓީކޮށް، ހިތްގައިމު 'ކޮންޓްރާސްޓް' އަދި 'ޑައިނަމިކް ރޭންޖް'އެއް ލިބެ އެވެ. 

މީގެ އިތުރުން މިއީ ޕްރޮފެޝަނަލް ފޮޓޯގްރަފަރުންނަށާއި ފަންނުވެރި މަސައްކަތް ކުރާ މީހުންނަށް ވެސް ވަރަށް އެކަށީގެންވާ ކެމެރާއެކެވެ. ވެޑިން ފޮޓޯގްރާފަރުންނާއި ޑޮކިއުމެންޓްރީ ޝޫޓު ކުރާ މީހުން އަދި މަތީ ފެންވަރުގެ 'އިމޭޖް ކޮލިޓީ' ހޯދަން މަސައްކަތް ކުރާ ފައިން އާޓް ފޮޓޯގްރާފަރުންނަށް މި ކެމެރާ ވަރަށް އެކަށީގެންވެ އެވެ.

ފުޖީފިލްމް ޖީއެފްއެކްސް 100 އާރްއެފް އަކީ 'ސްޓްރީޓް ފޮޓޯގްރަފީ،' 'ޓްރެވަލް' އަދި 'ލޭންޑްސްކޭޕްސް' ފޮޓޯގްރަފީއަށް ވެސް ވަރަށް ފައްކާ ކެމެރާއެކެވެ.

ފުޖީފިލްމްގެ މި ކެމެރާއަކީ ފާއިތުވި އަހަރުތަކުގައި ނެރުނު ބާވަތްތަކާ އަޅާބަލާ އިރު މިހާތަނަށް ނެރޭ އެންމެ ހިތްގައިމު ކެމެރާ އެވެ. ކޮންމެ ވައްތަރެއްގެ ފަންނުވެރި މަސައްކަތެއް ކުރާ މީހަކަށް ވެސް މި ކެމެރާ ވަރަށް އެކަށީގެންވެ އެވެ. 

ފުޖީފިލްމް ޖީއެފްއެކްސް 100 އާރްއެފް އަންނަ މަހު ބައިނަލްއަގްވާމީ ގޮތުން ގަންނަން ލިބެން ހުންނާނެ އެވެ.