މޯލްޑީވް ގޭސްގެ ޑިސްޓްރިބިއުޝަން ސެންޓަރެއް (ދައުރު ފޮޓޯ/ އަބްދުﷲ އަނޫފް ޖުނައިދު)
ވިޔަފާރިތަކަށް ގޭސް ވިއްކާ އަގު މޯލްޑިވް ގޭހުން ބޮޑުކޮށްފި
މޯލްޑިވް ގޭހުން ވިޔަފާރިތަކަށާއި ރިސޯޓުތަކަށް ގޭސް ވިއްކާ އަގު ބޮޑުކޮށްފި އެވެ.
ވީ ކިހިނެއް؟ - އެސްޓީއޯގެ ސަބްސިޑަރީ ކުންފުނިން ވަނީ 45 ކިލޯ އަދި 22 ކިލޯގެ ގޭސް ފުޅިއަށް ގޭސް ރިފިލްކޮށްދޭ އަގުތައް ބޮޑުކޮށްފަ އެވެ.
ތަފްސީލް - މި ބަދަލު ގެނެސްފައިވަނީ މެދުއިރުމަތީގެ ހަނގުރާމައިގެ ސަބަބުން ތެލާއި ގޭސް ގަތުމަށް ކުރަންޖެހޭ ހަރަދު ބޮޑުވެފައިވަނިކޮށެވެ.
މިއާއެކު މިހާރު 45 ކިލޯގެ ގޭސްފުޅި ރިފިލްކޮށްދެނީ:
-
ރިސޯޓު ކަސްޓަމަރުންނަށް ކުރީގެ އަގަށް ވުރެ %25 ބޮޑުކޮށް
-
އެނޫން ކަސްޓަމަރުންނަށް ކުރީގެ އަގަށްވުރެ %15 ބޮޑުކޮށް
މީގެ އިތުރުން 22 ކިލޯގެ ފުޅިއަށް ގޭސް އަޅައިދޭ އަގު ވެސް ވަނީ %14 ބޮޑުކޮށްފަ އެވެ.
މޯލްޑިވް ގޭހުގެ ބެލެނިވެރި ކުންފުނި އެސްޓީއޯ އިން ބުނީ ރިސޯޓު، ކެފޭ، ހޮޓަލް އަދި ކޮމާޝަލް ކަސްޓަމަރުންނަށް ގޭސް ފުޅި ރިފިލްކޮށްދޭ އަގު ބޮޑުކުރި ނަމަވެސް އާންމު ގޭބީސީތަކުގައި ބޭނުންކުރާ ގޭސްފުޅީގެ އަގަށް ބަދަލު ނުގެންނަ ކަމަށެވެ.
ކޮމެންޓް