އެމޭޒަން އަދި އަލިއެކްސްޕްރެސްއަށް ދިވެހިން މިއަހަރު 2 މިލިއަން ޑޮލަރު ހޭދަކޮށްފި

އީ-ކޮމާސް ވެބްސައިޓްތަކުގައި ދިވެހިން ކުރާ މުއާމަލާތްތައް ބޮޑުތަނުން އިތުރުވެފައިވާއިރު، އެމޭޒަން އަދި އަލިއެކްސްޕްރެސްގައި ދިވެހިން މިއަހަރުގެ މިހާތަނަށް 2 މިލިއަން ޑޮލަރުގެ ވިޔަފާރިކޮށްފި އެވެ. 

ވީ ކިހިނެއް؟ - ބީއެމްއެލްއިން ރޭ އާންމުކުރި ތަފާސްހިސާބުތަކުގައިވާ ގޮތުން، މިއަހަރުގެ 1 ޖެނުއަރީން 21 ފެބުރުއަރީގެ ނިޔަލަށް ހަމައެކަނި އެމޭޒަން އަދި އަލިއެކްސްޕްރެސްގައި: 

ތަފްސީލް - ބީއެމްއެލްއިން އާންމުކުރި ތަފާސްހިސާބުތަކަށް ބަލާއިރު ބީއެމްއެލްގެ ކާޑުތަކުން: 

މިއީ އަހަރުން އަހަރަށް ބަލާއިރު %64ގެ އިތުރުވުމެކެވެ. މީގެ އިތުރަށް ވެސް އަހަރުން އަހަރަށް ބަލާއިރު ރާއްޖެއިން ބޭރުގައި ބީއެމްއެލްގެ ކާޑުތަކުންކޮށްފައިވާ މުއާމަލާތްތައް އިތުރުވެފައިވާ ގޮތްތަކަކީ: 

ބީއެމްއެލްއިން ބުނި ގޮތުގައި، ކާޑްތަކުން ރާއްޖެއިން ކުރާ ހޭދައިގެ %66 އަކީ އީކޮމާސް ވެބްސައިޓްތަކަށް ކުރާ ހޭދަ އެވެ. 

ބީއެމްއެލްއިން ބުނީ ކާޑް ލިމިޓްތައް ބޮޑުކުރުމާ ވިދިގެން ވިޔަފާރީގެ ބޭނުމަށް ތަކެތި ގެނައުމަށް އީކޮމާސް ވެބްސައިޓްތަކުގައި ކާޑް ބޭނުން ކުރުން އިތުރުވެފައިވާކަން ފާހަގަވެފައިވާ ކަމަށެވެ. ބޮޑެތި އަދަދުތަކުން ކާޑުން މުއާމަލާތްކުރަން އުޅުމުގެ ސަބަބުން މަހަކަށް ދީފައިވާ ބޭރުގައި މުއާމަލާތްކުރުމުގެ ލިމިޓް ހަމަވެ ކާޑުން ނުކެނޑުމުގެ ޝަކުވާތައް ގިނަވެފައިވާ ކަމަށް ވެސް ބޭންކުން ބުންޏެވެ. ބޭންކުން ފާހަގަކުރި ގޮތުގައި: 

ބީއެމްއެލްއިން އިލްތިމާސްކުރީ ވިޔަފާރީގެ ބޭނުމަށް އަމިއްލަ ފަރުދުންގެ ޑެބިޓް އަދި ކްރިޑިޓް ކާޑު ބޭނުން ނުކުރުމަށެވެ. އޭގެ ބަދަލުގައި ބޭންކުން ވިޔަފާރިތަކަށް ދޭ ހިދުމަތްތައް ބޭނުންކޮށްގެން މުދާ ރާއްޖެ ގެނައުން ފަދަ ވިޔަފާރީގެ މުއާމަލާތްތައް ހިންގުމަށް ބޭންކުން އިލްތިމާސްކުރެ އެވެ. 

"ވިޔަފާރި ބޭނުންތަކަށް، މުދާ ގަތުމަށް ބެންކުން އިލްތިމާސްކުރަނީ ބޭންކުގެ ބިޒްނަސް ބޭންކިން ސޮލިއުޝަންތައް ބޭނުންކުރުމަށް. މި ހިދުމަތްތަކަކީ ބޮޑެތި އަދަދުތަކުގެ މުއާމަލާތްތައް ކުރުމަށާއި ވިޔަފާރި މުދާ އެތެރެކުރުމަށް ބޭނުންވާ ލިޔެކިޔުންތައް ފޯރުކޮށްދިނުމަށް ފަރުމާކުރެވިފައިވާ ހިދުމަތްތަކެއް،" ބީއެމްއެލްއިން ބުންޏެވެ.

ބީއެމްއެލްއިން ވަނީ މި މަހުން ފެށިގެން ކްރެޑިޓް ކާޑުތަކުން ރާއްޖެއިން ބޭރުގެ މުއާމަލާތްކުރުމަށް ދީފައުވާ ލިމިޓްތައް އިތުރުކޮށްފަ އެވެ. މީގެ އިތުރަށް:

ޑެބިޓް ކާޑުން ރާއްޖޭން ބޭރުގައި ކާޑު މެޝިނުން ކުރާ މުއާމަލާތްތަކަށް މަހަކު 1,000 ޑޮލަރުގެ ލިމިޓެއް ވެސް މިފަހުން ބޭންކުން ވަނީ ދީފަ އެވެ.