އެމްއޭސީއެލްއަށް 1 ބިލިއަން ރުފިޔާގެ ފައިދާ؛ ސަރުކާރަށް 1 ބިލިއަން ރުފިޔާގެ ލޯން

ރާއްޖޭގެ މައި އެއާޕޯޓް، ވެލާނާ އިންޓަނޭޝަނަލް އެއާޕޯޓް(ވީއައިއޭ) ހިންގާ އެއާޕޯޓްސް ކޮމްޕެނީ (އެމްއޭސީއެލް)އަށް މިދިޔަ އަހަރު އެއް ބިލިއަން ރުފިޔާގެ ސާފު ފައިދާއެއް ލިބުނު އިރު ސަރުކާރު ހިންގަން އެ ކުންފުނި މެދުވެރިކޮށް 80 މިލިއަން ޑޮލަރު (1.2 ބިލިއަން ރުފިޔާ)ގެ ލޯން ނަގާފައިވާކަން ހާމަވެއްޖެ އެވެ. 

ވީ ކިހިނެއް؟ - އޮޑިޓް އޮފީހުން އާންމުކޮށްފައިވާ މިދިޔަ އަހަރުގެ އެ ކުންފުނީގެ އޮޑިޓް ރިޕޯޓުން ދައްކާ ގޮތުން މިދިޔަ އަހަރު: 

އިދާރީ ހަރަދުތަކާއި ޓެކްސްއަށް ކެނޑުމަށް ފަހު، ސާފު ފައިދާއަށް 1.1 ބިލިއަން ރުފިޔާ ލިބިފައިވާ ކަމަށް އޮޑިޓުން ދައްކަ އެވެ. 

ތަފްސީލް - އެމްއޭސީއެލްއަށް މިދިޔަ އަހަރު ލިބުނު 1.1 ބިލިއަން ރުފިޔާގެ ފައިދާއަކީ 2023 ވަނަ އަހަރާ އަޅާބަލާއިރު 192.4 މިލިއަން ރުފިޔާ އިތުރު އަދަދެކެވެ. އެގޮތުން: 

ފައިދާގެ ތެރެއިން ޑިވިޑެންޑުގެ ގޮތުގައި މިދިޔަ އަހަރު ސަރުކާރަށް އެމްއޭސީއެލްއިން ވަނީ 150 މިލިއަން ރުފިޔާ ދައްކާފަ އެވެ. 

އޮޑިޓުން ދައްކާ ގޮތުގައި އެއާޕޯޓްގެ ތަރައްގީގެ މަޝްރޫއުތަކަށް ރައީސް އަބްދުﷲ ޔާމީންގެ ސަރުކާރުން ނަގާފައިވާ ލޯނުތަކާ އެކު އެމްއޭސީއެލްގެ ދަރަނި 13.4 ބިލިއަން ރުފިޔާއަށް އަރަ އެވެ.

އޮޑިޓުން ފާހަގަވި އަނެއް ކަމަކީ މި ސަރުކާރު ހަވާލުވި ފަހުން، އެމްއޭސީއެލްއިން ވަނީ ޖުމްލަ 80 މިލިއަން ޑޮލަރު ދެ ލޯނަކަށް ބަހާލައިގެން ކޯޕަރޭޓް ބޭނުމަށް ކަމަށް ބުނެ ނަގައިފަ އެވެ. އެއީ ޖުމްލަ ދަރަނީގެ %8.96 އެވެ. އެ ލޯންތަކުގެ ތަފްސީލަކީ: 

މިއީ ވަކި ހާއްސަ މަޝްރޫއެއް ނެތި ކޯޕަރޭޓް ބޭނުމަށް ކަމަށް ބުނެ އެމްއޭސީއެލްއިން ބޭންކް އޮފް މޯލްޑިވްސް (ބީއެމްއެލް)އިން ނަގާފައިވާ ލޯނެއް ކަމަށް އޮޑިޓްގައި ފާހަގަކުރި އެވެ. އެ ލޯނަކީ އަހަރަކަށް %8.5ގެ އިންޓްރެސްޓުގައި ފަސް އަހަރުން ދައްކާ ގޮތަށް ނަގާފައިވާ ލޯނެކެވެ. 

އެ ލޯނަށް ނުދައްކާ 40 މިލިއަން ޑޮލަރު އަދިވެސް އެބައޮތެވެ. 

މިއީ ވަކި ބޭނުމެއް ފާހަގަނުކޮށް ކޯޕަރޭޓް ބޭނުމަށް ކަމަށް ބުނެ އެމްއޭސީއެލްއިން ބީއެމްއެލްއިން ނަގާފައިވާ ލޯނެކެވެ. އެ ލޯނަކީ %8.5ގެ އިންޓަރެސްޓެއްގައި ފަސް އަހަރުން ދައްކާ ގޮތަށް ނަގާފައިވާ ލޯނެކެވެ. 

މި ލޯނަށް 26.5 މިލިއަން ޑޮލަރު ނުދައްކާ ބާކީ އެބަހުއްޓެވެ. 

ފާހަގަކޮށްލެވޭ - ކޯޕަރޭޓް ބޭނުމަށް ކަމަށް ބުނެ ނަގާފައިވާ މި ލޯންތަކަކީ ސަަރުކާރުގެ ހަރަދުތައް ހަމަޖައްސަން ވިއްކާ ޓީބިލާއި ބޮންޑް ގަންނަން ނަގާފައިވާ ލޯނުތަކެއް ކަމަށް ބެލެވެ އެވެ. އެެހެން ކަމުން އެމްއޭސީއެލްގެ ޖުމްލަ ދަރަނީގެ %9 ވަރު މި ވަނީ ސަރުކާރުގެ ރިކަރަންޓް ހަރަދުތައް ހަމަޖައްސަން އެމްއޭސީއެލް މެދުވެރިކޮށް ލޯނުގެ ގޮތުގައި ނަގައިފަ އެވެ. 

އޮޑިޓުން ހާމަވާ ގޮތުގައި މިދިޔަ އަހަރުގެ ފައިދާއިން ޑިވިޑެންޑުގެ ގޮތުގައި އެމްއޭސީއެލްއިން ސަރުކާރަށް ދޭން ކަނޑައަޅާފައި އޮތީ 75 މިލިއަން ރުފިޔާ އެވެ. އަދި ކުރީ އަހަރުތަކުގައި ނުދައްކާހުރި ފައިސާއާ އެކު ޑިވިޑެންޑަށް ސަރުކާރަށް ނުދެއްކި މިދިޔަ އަހަރު ނިމުނުއިރު އެމްއޭސީއެލްގައި އޮތީ 268.2 މިލިއަން ރުފިޔާ އެވެ. 

އެމްއޭސީއެލްގެ އޮޑިޓުން ދެން ފާހަގަވި ކަމަކީ މިދިޔަ އަހަރުން ފެށިގެން ސަރުކާރުގެ ޓީބިލަށް އެމްއޭސީއެލްއިން އިންވެސްޓްކޮށްފައިވާ އަދަދު އިތުރުވެފައިވުމެވެ. އެގޮތުން:

ބެލެވޭ ގޮތުގައި ކޯޕަރޭޓް ލޯނުތައް ނަގައިގެން އިންވެސްޓްކޮށްފައިވަނީ ސަރުކާރުގެ ޓީބިލާއި ބޮންޑަށެވެ. 

ހިސާބުތަކުން ދައްކާ ގޮތުން އެމްއޭސީއެލްގައި ނަގުދު ފައިސާ އާއި ބޭންކުގައި ހުރި އަދަދާ އެކު މިދިޔަ އަހަރު ނިމުނު އިރު ކުންފުނީގައި ޖުމްލަ ފައިސާގެ ގޮތުގައި 936 މިލިއަން ރުފިޔާ ހުއްޓެވެ.