ބަންކަރިން ހިދުމަތުން ރަނގަޅު އާމްދަނީއެއް ލިބޭ: ސައީދު

މިދިޔަ ސެޕްޓެމްބަރު މަހު ފެށި ބަންކަރިން ހިދުމަތުން ރަނގަޅު އާމްދަނީއެއް ލިބެމުން އަންނަ ކަމަށާއި އެ ހިދުމަތް ހުއްޓާލާފައިނުވާ ކަމަށް އިކޮނޮމިކް މިނިސްޓަރު މުހައްމަދު ސައީދު މިއަދު ވިދާޅުވެއްޖެ އެވެ.

ވީ ކިހިނެއް؟ - އެ މިނިސްޓްރީގެ މަސައްކަތްތަކާ ގުޅޭ ގޮތުން މައުލޫމާތު ދިނުމަށް މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ސައީދު ވިދާޅުވީ އެ ހިދުމަތް އެސްޓީއޯއިން ދެމުން އަންނަ ކަމަށެވެ.

އެނގުން މުހިއްމު - ބަންކަރިން ހިދުމަތް ދޭން ފެށީ މިދިޔަ 10 ސެޕްޓެމްބަރުގަ އެވެ.

އެ ހިދުމަތުގެ ދަށުން: 

ތަފްސީލް - މިއަދުގެ ނޫސްވެރިންގެ ބައްދަލުވުމުގައި ސައީދު ވިދާޅުވީ ބަންކަރިން ހިދުމަތް ހުއްޓާލި ކަމަށް ސަރުކާރުގެ އެއްވެސް އޮފިޝަލަކު ވިދާޅުވެފައި ނުވާނެ ކަމަށެވެ.

"އެސްޓީއޯގެ ބުކްސްއަށް އަންނާނެ [އޭގެ އާމްދަނީ]. އެސްޓީއޯ އަކީ އާންމުން ހިއްސާވާ ކުންފުންޏެއް. އެ ބޭފުޅުންގެ ބުކްސްގައި ހުންނާނެ ބަންކަރިން އިން ކިހާ އާމްދަނީއެއްތޯ ލިބުނީ،" އޭނާ ވިދާޅުވި އެވެ.

އުތުރުގައި އޮފްޝޯ ބަންކަރިންގެ ހިދުމަތް ފެށި ނަމަވެސް، އެ ސަރަހައްދުގައި ބަނދަރު ތަރައްގީ ކުރުމުގެ މަސައްކަތް ވެސް ކުރަމުން އަންނަކަން ސައީދު ފާހަގަކުރެއްވި އެވެ.

"އެ ކަމަށް ޝައުގުވެރިކަން ފާޅުކުރި ކުންފުންޏާ އެކު، އެ މަޝްރޫއު ފިޒިކަލީ ފެށުމަށްޓަކާ ކުރަންޖެހޭ ހުރިހާ ކަމެއް ކުރަމުން [އަންނަނީ]،" ސައީދު ވިދާޅުވި އެވެ.

"އިކޮނޮމިކް މިނިސްޓްރީ ތެރޭ އެ މަސައްކަތް ކުރަމުން އަންނަނީ."

މިނިސްޓަރު ވިދާޅުވީ އިންޓަނޭޝަނަލް ބަންކަރިން އަކީ އެތައް ބިލިއަން ޑޮލަރުގެ ވިޔަފާރިއެއް ކަމަށާއި ރާއްޖޭގެ އުތުރާއި ދެކުނުގެ ކަނޑުއޮޅިން ދަތުރުކުރާ %1 ބޯޓުތަކަށް އެ ހިދުމަތް ދެވުނަސް އެއީ 400 މިލިއަނެއްހާ ޑޮލަރު ކަމަށެވެ.

ސައީދު އިތުރަށް ވިދާޅުވީ:

ފާހަގަ ކުރެވޭ - އުތުރުގެ އިހަވަންދިއްޕޮޅުގައި ބައިނަލްއަގްވާމީ ބަންކަރިން މަޝްރޫއެއް ހިންގަން އެސްޓީއޯއިން ހަކަތައިގެ ވިޔަފާރިކުރާ ދުނިޔޭގެ އެންމެ ބޮޑު އަމިއްލަ ކުންފުނި، ވިޓޯލްއާ އެކު އެމްއޯޔޫއެއްގައި ސޮއިކުރީ 13 މާޗު 2024ގަ އެވެ.

އެސްޓީއޯއިން ބަންކަރިންގެ ހިދުމަތް ދޭ ޗެނަލުން މަހަކު 300 އުޅަނދު ރާއްޖެ ހުރަސްކޮށް ދުނިޔޭގެ އެކި ކަންކޮޅުތަކަށް ދަތުރުކުރެ އެވެ.