މަޝްރޫއުތައް މަޑުޖައްސާލާފައި އޮތަސް ހަރަދުތައްވީ ބޮޑު

މާލީ ތާށިކަމާ ހުރެ މިއަހަރު ހިންގާ ބައެއް އުމްރާނީ ތަރައްގީގެ މަޝްރޫއުތައް ނުވަތަ ޕީއެސްއައިޕީގެ މަޝްރޫއުތައް މަޑުޖައްސާލާފައި އޮތް ނަމަވެސް ނޮވެމްބަރުގެ ނިޔަލަށް ސަރުކާރުން ކުރި ހަރަދުތައް މިދިޔަ އަހަރުގެ އެ މުއްދަތަށް ވުރެ 756 މިލިއަން ރުފިޔާ އިތުރުވެއްޖެ އެވެ.

ވީ ކިހިނެއް؟ - ފިނޭންސް މިނިސްޓްރީން އިއްޔެ އާންމުކުރި މިދިޔަ މަހުގެ 28އާ ހަމައަށް ނެރެފައިވާ ސަރުކާރުގެ ހަރަދާއި އާމްދަނީގެ ހިސާބުތަކުން ދައްކާ ގޮތުގައި: 

ތަފްސީލް - ހިސާބުތަކުން ދައްކާ ގޮތުން މިދިޔަ އަހަރާ އަޅާބަލާއިރު މަޝްރޫއުތަކަށް ހަރަދުކުރި އަދަދުން ވަނީ 1.4 ބިލިއަން ރުފިޔާ ކުޑަވެފަ އެެވެ. ސަރުކާރުން މިއަހަރު ފެށުނުއިރު އިއުލާންކޮށްފައިވާ ގޮތުގައި މާލީ މައްސަލަތަކާ ހުރެ މަޝްރޫއުތައް މަޑުޖައްސާލައި އަދި ބައެއް މަޝްރޫއުތައް ކުރިއަށް ނުގެންދަން ވަނީ ނިންމައިފަ އެވެ. މީގެ އިތުރަށް: 

ފާހަގަކޮށްލެވޭ - މިހާތަނަށް ބަޖެޓުގެ ދަރަނި ނުވަތަ ޑެފިސިޓް ވަނީ 11.7 ބިލިއަން ރުފިޔާއަށް އަރައިފަ އެވެ. އެހެން ނަމަވެސް، ލިބޭ އާމްދަނީއަކުން ރިކަރަންޓް ހަރަދުތައް މިހާތަނަށް ވަނީ ފޫބެއްދިފަ އެވެ. އެގޮތުން: 

ހިސާބުތަކަށް ބަލާއިރު ރިކަރަންޓް ހަރަދު އެންމެ ބޮޑަށް މައްޗަށް ޖެހި ހަރަދު އިތުރުވި ސަބަބަކީ މުސާރަތަކާއި އެލަވަންސަށް ކުރާ ހަރަދުތައް އިތުރުވުމުންނެވެ. އެގޮތުން: 

އެހެންކަމުން މިދިޔަ އަހަރާ އަޅާބަލާއިރު މުސާރަތަކަށް މި ވަނީ 1.4 ބިލިއަން ރުފިޔާ އިތުރުވެފަ އެވެ. 

ފިނޭންސް މިނިސްޓްރީގެ ހިސާބުތަކުން ދައްކާ ގޮތުގައި ނޮވެމްބަރު 28ގެ ނިޔަލަށް ސަރުކާރުގެ އާމްދަނީއަށް ލިބުނީ 31.1 ބިލިއަން ރުފިޔާ އެވެ. އެއީ މިދިޔަ އަހަރުގެ އެ މުއްދަތުގައި ލިބުނު އަދަދަށް ވުރެ 709 ބިލިއަން ރުފިޔާ އިތުރު އަދަދެކެވެ. އެހެން ނަމަވެސް ހަރަދަށް ވަނީ 756 މިލިއަން ރުފިޔާ އިތުރުވެފަ އެވެ. 

އާމްދަނީ އިތުރުވި މައިގަނޑު ސަބަބަކީ ޓެކްސްގެ އާމްދަނީ އިތުރުވުމެވެ. 

މިއަހަރަށް މަޖިލީހުން ފާސްކޮށްދީފައި ވަނީ 49.9 ބިލިއަން ރުފިޔާގެ ބަޖެޓެކެވެ. މިއަހަރު ނިމެން އަދި ދުވަސްކޮޅެއް އޮތް އިރު އެ ބަޖެޓުން 45 ބިލިއަން ރުފިޔާ މިހާރު ވަނީ ހަރަދުވެފަ އެވެ.