އިބްރާހިމް ނޫރައްދީން: އޭނާ ވަނީ އެމްއޭސީއެލްގެ ބޯޑުން ވަކިކޮށްފައި
އެމްއޭސީއެލްގެ ބޯޑުން އިބްރާހިމް ނޫރައްދީން ވަކިކޮށްފި
ވެލާނާ އިންޓަނޭޝަނަލް އެއާޕޯޓް (ވީއައިއޭ) ހިންގާ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ ބޯޑުން އިބްރާހިމް ނޫރައްދީން ވަކިކޮށްފި އެވެ.
ވީ ކިހިނެއް؟ - އެ ކުންފުނީގެ ބޯޑު މެންބަރުންކަމުން އިބްރާހިމް ނޫރައްދީން ވަކިކުރީ މިދިޔަ ބުރާސްފަތި ދުވަހު އެވެ.
ތަފްސީލް - އެމްއޭސީއެލްގެ ޑިރެކްޓަރުންގެ ބޯޑަށް ބަދަލު އައިސްފައި ވާތީ އެ ކުންފުނިން މިއަދު މުވައްޒަފުންނަށް ފޮނުވި ސާކިއުލާއެއްގައި ބުނެފައި ވަނީ، ކުންފުނީގެ ބޯޑަށް ބަަދަލު އައިކަން މިދިޔަ ބުރާސްފަތި ދުވަހު އަންގާފައިވާ ކަމަށެވެ. އެގޮތުން، އެ ސާކިއުލާގައި ބުނެފައި ވަނީ، ޑިރެކްޓަރުންގެ ގޮތުގައި އެމްއޭސީއެލްގެ ބޯޑުގައި މިހާރު ތިއްބެވީ ފަސް މެންބަރުން ކަމަށެވެ. އެއީ:
-
1-
އިބްރާހިމް ޝަރީފް - މެނޭޖިން ޑައިރެކްޓަރު
-
2-
އިބްރާހިމް ސިޔާދު ގާސިމް
-
3-
އިބްރާހިމް މަހުދީ
-
4-
ސަހަރު ވަހީދު
-
5-
މުހައްމަދު ރިޔާޒު
އެމްއޭސީއެލްގެ ބޯޑުން އިބްރާހިމް ނޫރައްދީން ވަކިކުރީ ކީއްވެ ކަމެއް ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ)އަކުން ނުބުނެ އެވެ.
އެމްއޭސީއެލްގެ ބޯޑުގެ ޗެއާމަންގެ ގޮތުގައި ހުންނެވި މުހައްމަދު އުމަރު މަނިކު (އެމްޔޫ) މަނިކު ވެސް މީގެ ކުރިން ވަނީ އިސްތިއުފާ ދެއްވައިފަ އެވެ.
ފާހަގަކޮށްލެވޭ - ޗެއާމަން ހިމެނޭ ގޮތުން އެމްއޭސީއެލްގެ ބޯޑުގައި ނުވަ ބޭފުޅުން ތިއްބަވަން ޖެހެ އެވެ. އެހެންކަމުން، އެމްއޭސީއެލްގެ ޑިރެކްޓަރުންގެ ބޯޑުގެ ހަތަރު މަގާމު އޮތީ ހުސްކޮށެވެ.
ކޮމެންޓް (1)
ހިމާރުލްގައުމު