ފިޗުން ރާއްޖޭގެ ރޭޓިން 'ސީސީ'އަށް ދަށްކޮށްފި

ރާއްޖޭން ބޭރުގެ އެކި ފަރާތްތަކަށް ދައްކަން ޖެހޭ ދަރަނި ނުދެއްކުމުގެ ފުރުސަތު ވަރަށް ބޮޑު ކަމަށް ބުނެ ދުނިޔޭގެ ކްރެޑިޓް ރޭޓިން އެޖެންސީ، ފިޗުން ރާއްޖޭގެ ރޭޓިން 'ސީސީސީ ޕްލަސް' އިން 'ސީސީ'އަށް މިއަދު ދަށްކޮށްފި އެވެ.

ވީ ކިހިނެއް - ފިޗުުން އެންމެ ފަހުން ރާއްޖޭގެ ރޭޓިން ދަށްކުރީ މިދިޔަ ޖޫން މަހު އެވެ. އެފަހަރު ރޭޓިން ދަށްކުރީ 'ބީ މައިނަސް' އިން 'ސީސީސީ ޕްލަސް' އަށެވެ. އެއަށް ފަހު، މިއަދު ވަނީ 'ސީސީ'އަށް ބަދަލުކޮށްފަ އެވެ.

ތަފްސީލް - ފިޗުން މިއަދު ނެރުނު ބަޔާނުގައި ބުނީ ރޭޓިން ދަށްކުރީ ދަރަނީގެ ހަލަތު ގޯސްވެ، ދަރަނި ނުދެއްކިދާނެ ފަދަ ހާލަތަކަށް ދިއުމުގެ ފުރުސަތު ބޮޑުކަމުން ކަމަށެވެ.

ރާއްޖޭގެ ބޭރު ފައިސާގެ ރިޒާވު ދަށްވެ، ދަރަނި ދެއްކުން ދަތިވެފައިވާކަން ފާހަގަކޮށް ފިޗުން ބުނީ:

ފިޗުން ބުނީ މި އަހަރުގެ ފަހު ކުއާޓަރުގައި އަދާކުރަން ޖެހޭ 50 މިލިއަން ޑޮލަރުގެ ދަރަންޏެއް އެބައޮތް ކަމަށާއި 64 މިލިއަން ޑޮލަރުގެ ޕަބްލިކް ގެރެންޓީ އެއްވެސް އެބައޮތް ކަމަށެވެ. އެގޮތުން:

ކުރު މުއްދަތާއި މެދު ރާސްތާއާ ދެމެދު ރާއްޖޭގެ ކަރަންޓު އެކައުންޓް ޑެފިސިޓު ވަރަށް ބޮޑުވާނެ ކަމަށް ފިޗުން ބުންޏެވެ. ހާއްސަކޮށް ރާއްޖެ އަކީ އިމްޕޯޓަށް ބަރޯސާވާ ގައުމަކަށް ވެފައި ބޭރު ފައިސާ ލިބުމުގައި އޮތް ދަތިކަން އިތުރުވުމަކީ ވެސް ގޮންޖެހުމެއް ކަމަށް އެ ތަނުން ބުނެފައިވެ އެވެ.

ފިޗުން ވަނީ ރާއްޖޭގެ ބޭރުގެ ދަރަނި އަންނަ އަހަރު ނިމޭއިރު 557 މިލިއަން ޑޮލަރަށް އަރާނެ ކަމަށް ލަފާކޮށްފަ އެވެ. އަދި 2026 ވަނަ އަހަރު އެ އަދަދު 1 ބިލިއަން ޑޮލަރަށް އަރާނެ ކަމަށާއި އޭގެ ތެރޭގައި 500 މިލިއަން ޑޮލަރުގެ ސުކޫކު ވެސް ހިމެނޭ ކަމަށް ވެސް އެ ތަނުން ފާހަގަކުރި އެވެ.

ޓޫރިޒަމާ ގުޅުން ހުރި ދާއިރާތަކުން ބޭރު ފައިސާ ހޯދުމަށް ސަރުކާރުން ރާވާފައިވާ ކަންތައްތަކާ އެކު ވެސް، 2026 ނިމޭއިރު ދައްކަން ޖެހޭ 200 މިލިއަން ޑޮލަރު ހޯދަން ވެސް އުނދަގޫވާނެކަން ފިޗުން ފާހަގަކޮށްފައިވެ އެވެ.