ޔުނިވާސަލް ފައުންޑޭޝަންގެ 'ޑިސްކަވާ ހޮސްޕިޓަލިޓީ'ގެ 5 ވަނަ ބުރު ފަށައިފި

ޔުނިވާސަލް ފައުންޑޭޝަނާއި ވިލާ ކޮލެޖް ގުޅިގެން ފަތުރުވެރިކަމަށް ދިވެހިން ތަމްރީނު ކުރުމަށް ހިންގާ 'ޑިސްކަވާ ހޮސްޕިޓަލިޓީ' ޕްރޮގްރާމުގެ 4 ވަނަ ބެޗް ނިންމައި 5 ވަނަ ބެޗް ފަށައިފި އެވެ.

ވީ ކިހިނެއް؟ - ޑިސްކަވާ ހޮސްޕިޓަލިޓީ ޕްރޮގްރާމުން ދަސްވެނިވި ބައިވެރިންނަށް ސެޓްފިކެޓު ދިނުމަށާއި އަލަށް މި ޕްރޮގްރާމު ފަށާ ބައިވެރިންނަށް ސްޕޮންސާޝިޕް ލެޓާ ހަވާލުކުރުމަށް މިއަދު މެންހެޓަން ބިޒްނަސް ހޮޓެލްގައި ބޭއްވި ރަސްމިއްޔާތު ޝަރަފުވެރިކޮށްދެއްވީ ޓޫރިޒަމް މިނިސްޓަރު އަބްދުﷲ މައުސޫމް އެވެ.

އެނގުން މުހިއްމު - ޑިސްކަވާ ހޮސްޕިޓަލިޓީ ޕްރޮގްރާމަކީ2017 ވަނަ އަހަރުން ފެށިގެން ޔުނިވާސަލް ފައުންޑޭޝަނުން ހިންގަމުންދާ ޕްރޮގްރާމެކެވެ. މި ޕްރޮގްރާމުގެދަށުން ފަތުރުވެރިކަމުގެ ދާއިރާއަށް ދިވެހިން ތަމްރީނުކޮށް ވަޒީފާގެ މާހައުލުގެ ތަޖުރިބާ ފޯރުކޮށްދެ އެވެ. އެގޮތުން:

ތަފްސީލް - މިއަދުގެ ރަސްމިއްޔާތުގައި ވާހަކަ ދައްކަވަމުން ޔުނިވާސަލް ފައުންޑޭޝަންގެ ރައީސް އިޔާޒު ވަހީދު ވިދާޅުވީ ހޮސްޕިޓަލިޓީ ދާއިރާ އަށް ދިވެހިިން ބިނާކުރުމަށް މީގެ 6 އަހަރު ކުރިން ފެށި ޕްރޮގްރާމުގެ ބައިވެރިއަކަށް ވިލާ ކޮލެޖު ހިޔާރު ކުރީ، އެ ކޮލެޖަކީ ރާއްޖޭގައި ހިންގާ މަތީ ތައުލީމުދޭ އަމިއްލަ ކޮލެޖުތަކުގެ ތެރެއިން އެންމެ ފެންވަރު ރަނގަޅު ތައުލީމު ދޭ ކޮލެޖަށްވާތީ ކަމަށެވެ.

ޔުނިވާސަލް އަކީ އަބަދު ވެސް ދިވެހިންނަށް ކުރިއަރަން ފުރުސަތުދޭ ކުންފުންޏެއް ކަމަށާއި، މި ޕްރޮގްރާމުގެ ދަށުން ޔުނިވާސަލްގެ ރިސޯޓުތަކުގައި ކުދިންނަށް ތަމްރީނު ލިބޭއިރު އެ ރިސޯޓުތަކަކީ އެންމެ މަތީ ފެންވަރުގެ ތަމްރީނު ލިބޭނެ ތަންތަންކަން އިޔާޒު ފާހަގަ ކުރެއްވި އެވެ.

"ޔުނިވާސަލް ރިސޯޓުތަކުގައި ތިބޭފުޅުން ޓްރެއިނިންވަމުންދާއިރު، ތި ޓްރެއިން ކުރެވެނީ މުޅި މި އިންޑަސްޓްރީގައި ލިބޭނެ އެންމެ ރަނގަޅު ޓްރެއިނިން،" ރިސޯޓުތަކުގެ ކޮންމެ ޑިޕާޓުމެންޓެއްގައިވެސް ސެޓިފައިޑް ޓްރެއިނަރުން ތިބޭނެ ކަމަށް އޭނާ ވިދާޅުވި އެވެ.

މި ޕްރޮގްރާމުގެ ދަށުން ތިއަރީ ބައި ކުދިން ކިޔަވާނީ ވިލާކޮލެޖުގައެވެ. އަމަލީ ތަޖުރިބާގެ ބައި ކުރިއަށްގެންދާނީ ޔުނިވާސަލްގެ ދަށުން ހިންގާ ރިސޯޓުތަކުގަ އެވެ. ޕްރޮގްރާމުގެ މުއްދަތުގައި ބައިވެރިންނަށް3000ރ ގެ ސްޓިޕެންޑެއް ދެ އެވެ.