ކަރަންޓު ބިލު ބޮޑުވާ އަސްލު ސަބަބަކީ މިއީ

ކޮންމެ އަހަރެއްގެ ވެސް މި ދުވަސްވަރު އެންމެ ގަދައަށް އިވޭ އެއް ވާހަކަ އަކީ ކަރަންޓު ބިލު ބޮޑުވާ ވާހަކަ އެވެ. އާއްމުން ރަތަށް އަރާ، ކަރަންޓު ހިދުމަތް ފޯރުކޮށްދޭ ކުންފުނިތަކަށް ނުގޮވާ އެއްޗެއް ނޯވެ އެވެ. އެންމެ ގިނަ ބަޔަކު ދިރިއުޅޭ މާލެ ސަރަހައްދުގައި މި އަޑުތައް މާ ގަދަ އެވެ. ސްޓެލްކޯ އިން މަކަރު ހަދަނިއްޔޭ، ބިލު ބޮޑުކުރާނެ ކަމަށް މާ ކުރިން ބުނެ އެކަން އެގޮތަށް ކުރަނީ އޮޅުވާލައިގެންނޭ ވެސް ބުނެ އެވެ.

ކޮންމެ އަހަރެއްގެ ވެސް ހޫނުގަދަ މޫސުމާ ދިމާކޮށް (ފެބްރުއަރީ - އޭޕްރީލް) ކަރަންޓު އިގްތިސޯދު ކުރުމަށް އާންމުން ހޭލުންތެރި ކުރުމަށް ސްޓެލްކޯ އިން މަސައްކަތް ކުރެ އެވެ. މީޑިއާ އާއި ސޯޝަލް މީޑިއާ މެދުވެރިކޮށް މެސެޖުތައް ދެ އެވެ. ކޮންމެ އަހަރަކު ވެސް ސްޓެލްކޯ އިން ދޭ ޔަގީންކަމަކީ، ބޭނުން ނުކުރާ ކަރަންޓަކަށް ބިލު ނުކުރާނެ ކަމެވެ.

ފާއިތުވި ދެ މަހެއްހާ ދުވަހު ރާއްޖެ އަށް އާދަޔާހިލާފަށް ހޫނު ގަދަ އެވެ. އިހުސާސް ކުރެވޭ ހޫނުމިން 40 ޑިގްރީ އިން މައްޗަށް އަރައިގެން ދިޔަ އެވެ. ހޫނުން ސަލާމަތް ވުމަށް ގިނަ ފަހަރަށް ކުރެވޭ ކަމަކީ ގެޔަށް ވަދެ، އެއާ ކޮންޑިޝަނާގެ ފިނި އެންމެ ގަދަކޮށްލާ އަވަހަށް މީހާގެ ހައްޓަށް ފިނިކަމެއް ހޯދުމެވެ.

އެކަމަކު، ހަނދާން ނެތޭ ކަމަކީ އޭސީ އެންމެ ދަށްކޮށް 16 ޑިގްރީގައި ފިނިކުރުމަކީ ވަރަށް ގިނަ ކަރަންޓު ނަގާނެ ކަމެއް ކަމެވެ. އަނެއްކޮޅުން ގޭތެރޭގައި ހޫނު، ނޫނީ އާވިކަން ހުރި ނަމަ އެ ހޫނުކަން ނައްތާލަން އޭސީ އިން ނަގާ ކަރަންޓު މާ ގިނަ ވާނެ އެވެ.

އޭސީ ބަހައްޓަން އެންމެ އެކަށޭނަ ފިނިހޫނުމިނަކީ 25 ޑިގްރީ ސެލްސިއަސް އެވެ. ފިނި ލީކު ނުވާ ނަމަ ކޮޓަރި ތެރެ އެއްވަރެއްގައި ފިނިކޮށް ބަހައްޓައިދޭނެ އެވެ.

އެންމެ ހޫނު ގަދަވި ދުވަސްތައް ރޯދަ މަހާ ދިމާވުމަކީ ވެސް ކަރަންޓު ބިލު ބޮޑުވާނެ ކަމެކެވެ. ރޯދަމަހު ބަދިގޭގައި ކަރަންޓު ބޭނުންކުރާ މިންވަރު ވަރަށް ބޮޑަށް އިތުރުވެ އެވެ.

ހުސްވި މަހުގެ 24 ވަނަ ދުވަހު ރެކޯޑު މިންވަރަކަށް މާލެ ސަރަހައްދުގައި ކަރަންޓު ބޭނުން ކުރި އެވެ. ސްޓެލްކޯގެ ކަރަންޓު އުފެއްދުމުގެ ކެޕޭސިޓީ އަކީ 120 މެގަވޮޓެވެ. އެ ދުވަހުގެ ޕީކް ގަޑީގައި 117 މެގަވޮޓް އާ ހަމައަށް ކަރަންޓު ބޭނުން ކުރި ކަމަށް އެ ކުންފުނިން ވަނީ ބުނެފަ އެވެ. މިދިޔަ އަހަރު އެންމެ ގިނައިން ކަރަންޓު ބޭނުން ކުރި ދުވަހު މާލޭގެ ބައެއް ސަރަހައްދުތަކުން ކަރަންޓު ކަނޑާލަން ވެސް ޖެހުނެވެ. ނަމަވެސް މި އަހަރު ކަރަންޓު ނުކަނޑާ ހިފަހައްޓާލެވުނެވެ.

ސްޓެލްކޯ އިން ބުނިގޮތުގައި:

ކަރަންޓު ބޭނުންކުރާ މިންވަރަށް ބަލައި، އަގު ކުރާގޮތް ސްޓެލްކޯގެ ބިލުގައި ވެސް ހިމަނާފައި ހުރެ އެވެ. އެއީ:

ކަރަންޓު އިގުތިސޯދު ކުރުމަށް ކުރެވިދާނެ ބައެއް ކަންކަން