ޝީއިން އިން ރާއްޖެއަށް އަނެއްކާވެސް ޝިޕިން ހިލޭކޮށްފި

ދިވެހިންގެ ވެސް ބޮޑު މަގުބޫލުކަމެއް ހޯދާފައިވާ އޮންލައިން ވިޔަފާރި، ޝީއިން އިން ޝިޕިން ޗާޖުގެ ގޮތުގައި ރާއްޖެއަށް ނަގާ ފީ އަނެއްކާވެސް އުނިކޮށްފި ކޮށްފި އެވެ.

މައްސަލައިގެ ފެށުން - އަންނައުނާއި ދަބަހާއި ބޫޓާއި ފައިވާނުގެ އިތުރުން ގޭތެރެ ޒީނަތްތެރި ކުރާ ސާމާނު ގަތުމަށް މަގުބޫލު މި ސައިޓުން، ވަކި މިންވަރަކަށް ވުރެ މުދާ ގިނައިން ގެންނަ ނަމަ ކުރިން ޝިޕިން ފީ އިނީ ހިލެ އެވެ. އެކަމަކު މިދިޔަ އޮގަސްޓު މަހުން ފެށިގެން ވަނީ ޝިޕިން ފީ ވަރަށް ބޮޑުކޮށްފަ އެވެ. އެގޮތުން:

ޝީއިން އިން ރާއްޖޭގެ ގިނަ ބަޔަކު މުދާ ގެންނައިރު، ގިނަ ބަޔަކު ކުދި ވިޔަފާރިތަކުގެ ގޮތުގައި ރަޖިސްޓްރީކޮށް، ޝިއިން އިން މުދާ ގެނެސް ވިއްކި އެވެ. އެކަމަކު ފީ ބޮޑުކުރުމާ އެކު އެ ހުރިހާ ވިޔަފާރިތަކެއް އެއްކޮށްހެން ހުއްޓުނެވެ.

ވީ ކިހިނެއް؟ - ޝީއިންގެ ވެބްސައިޓުގައިވާ ގޮތުން މިހާރު ފީ ނަގާނީ، ހަމަ ކުރިން ވެސް ނެގި މިންވަރަށެވެ. އެގޮތުން:

އެނގުން މުހިންމު - ޗައިނާގެ ކްރިސް ޒޫ 2008 ވަނަ އަހަރު އުފެއްދި ވިޔަފާރިއެއް ކަމަށްވާ ޝީއިންގައި އެ ގައުމުގެ 7،000 މުވައްޒަފުން ގެންގުޅެ އެވެ. ޝީއިންގެ ވިޔަފާރި ފަލްސަފާ އަކީ، އެއް ފަހަރު ލާފައި އެއްލާލަން ވިޔަސް، ވީހާ ވެސް އަގުހެޔޮކޮށް ފަހުގެ ޓްރެންޑްތައް ވިއްކުމެވެ. ޝީއިންގެ ސްޓޮކްގެ %6 ވެސް 90 ދުވަހަށް ވުރެ ގިނަ ދުވަހު ނުބަހައްޓަ އެވެ. ދުނިޔޭގެ 150 ގައުމަށް މި ތަކެތި ޝިޕް ކުރެ އެވެ.