6% ރޭޓްގައި ހައުސިން ލޯނު ދޫކުރަން ބޭންކެއް ހެދުން. އިކުއިޓީ %10 ވުރެ މަތި ނުވާ ގޮތަށް

ސަރަހައްދީ ފެންވަރުގައި ލިބެން ހުންނަ ހިދުމަތްތައް ރަށު ފެންވަރުގައި ލިބޭނެ ގޮތަށް (ކެއަރ ކޯޑިނޭޝަން) ނިޒާމު ގާއިމުކުރާނެ.

އާންމު ސިއްހަތު ކުރިއެރުވުމަށް ސިއްހަތަށް ފައިދާހުރި ކާނާ ހެއްދުމަށް އިންސެންޓިވައިޒްކުރާނެ.

އިންފަރޓިލިޓީ ފަރުވާއަށް ބޭނުންވާ ސްޕެޝަލިސްޓް ހިދުމަތްތައް ގާއިމުކޮށް، އިންފަރޓިލިޓީ ޓްރީޓްމަންޓްގެ ކަވަރޭޖްބޮޑުކުރާނެ.

އާބާދީގެ ކޮންމެ 1000 މީހަކަށް ތަމްރީނު ލިބިފައިވާ އިޖްތިމާއީ އެހީތެރިއެއް ހުންނާނެ. މި އިޖްތިމާއީ އެހީތެރިޔާ މެދުވެރިކޮށް ނަފްސާނީ ދުޅަހެޔޮކަމަށް ބޭނުންވާ އެހީތެރިކަންފޯރުކޮށްދޭނެ.

ކެޓް ޝެލްޓަރެއް ކްލިނިކަލް ހިދުމަތްތަކާއެކު ގާއިމުކުރާނެ.

ގެދޮރުވެރިޔާ ލޯނުގެ އުސޫލު މުރާޖައާކޮށް ލޯނު ދޫކުރެވޭ އަދަދު 1 މިލިއަން ރުފިޔާއަށް އިތުރުކޮށް، ލުއިފަސޭހަ ނިޒާމަކުން ލޯނު ލިބޭނެމަގު ތަނަވަސްކުރާނެ.

ފުދުންތެރިކަން ކުޑަ ފަރާތްތަކަށް އިސްކަންދީގެން ކައުންސިލް ހައުސިންގް ތައާރަފްކުރާނެ.

މިނިސްޓްރީ މެދުވެރިކޮށް ފައިސާދެއްކޭ ގޮތް ހަދާނެ

ދިވެހިރާއްޖޭގެ މުއްސަނދި ތަރިކައާއި ސަގާފަތް ދައްކުވައިދޭ އައު ފަތުރުވެރިކަމުގެ ޕްރޮޑަކްޓްސް ތައާރަފްކުރާނެ.

ދިވެހި އުފެއްދުންތައް އުފެއްދުމަށް މަގުފަހިކޮށްދީ، އެ އުފެއްދުންތައް ރާއްޖެއާއި ރާއްޖެއިން ބޭރުގައި ވިއްކޭނެ މަގު ފުޅާކުރާނެ.

އަމިއްލަ ބައިވެރިވުން އޮންނަ (ކޮންޓްރިބިއުޓަރީ) އިޖްތިމާއީ ރައްކާތެރިކަމުގެ ނިޒާމެއްގެ ތެރެއިން އިތުރު އިންޝުއަރަންސްތައް ތައާރަފްކުރެވި އާއްމު ރައްޔިތުންނަކީ ދިރިއުޅުމުގައި ދިމާވެދާނެ އެކި ހާލަތްތަކަށް ތައްޔާރުވެތިބޭ ފަރާތްތަކަށްވާނެ.

ދައުލަތުގެ ބަޖެޓުން ބްލޭންކެޓްކޮށް ދެމުން އަންނަ ސަބްސިޑީތައް ހައްގުވެރި ފަރާތަށް ސީދާ ލިބޭނެގޮތަށް ޑައިރެކްޓް ސަބްސިޑީއަށް ބަދަލުކުރާނެ.

މަދަނީ ޖަމިއްޔާތައް ބާރުވެރިކުރުވާ މުޖުތަމައުގެ އެކި ކަންކަމުގައި އެ ފަރާތްތަކުގެ ބައިވެރިވުން އިތުރުކުރުމަށްޓަކައި، މަދަނީ ޖަމިއްޔާތަކަށް މާލީ އެހީ ދޭނެ.

ރާއްޖޭގެ ކޮންމެ ރަށަކާއި ކައިރިން ދެވޭނެ ޕިކްނިކް އައިލެންޑެއް ހަމަޖައްސާނެ.