ފުލުހުންގެ ބެލުމުގެ ދަށުގައި ހުރި މަސްތުވާތަކެތި ނައްތާލުމުގެ މަސައްކަތް، 28 ޑިސެމްބަރު 2021 ވަނަ ދުވަހުގެ ހެނދުނު ކ. ދޫނިދޫގައި ކުރިއަށް ގެންދަނީ. (ފޮޓޯ/ޕޮލިސް)
ކުއްޖަކު ސްކޫލަށް މަސްތުވާތަކެތި ގެންދިޔަ މައްސަލައެއް ބަލަނީ
ކ. އަތޮޅު ރަށެއްގައި ދަރިވަރަކު ސްކޫލަށް މަސްތުވާތަކެތި ގެންދިޔަ މައްސަލައެއް ފެންމަތިވެއްޖެ އެވެ.
ވީ ކިހިނެއް؟ - ފުލުހުންގެ ތަރުޖަމާނަކު ވިދާޅުވީ ސްކޫލް ކުއްޖަކު ސްކޫލަށް މަސްތުވާތަކެތި ގެންގޮސްފައިވާ ކަމުގެ މައުލޫމާތު ފުލުހުންނަށް ލިބުނީ މިއަދު 11:34 ހާއިރު ކަމަށެވެ.
އެކަމާ ގުޅިގެން ބަލަންޖެހޭ ކަންކަން ފުލުހުން ބަލަމުން އަންނަ ކަމަށް ވެސް ތަރުޖަމާނު ވިދާޅުވި އެވެ.
ސްކޫލަށް މަސްތުވާތަކެތި ގެންދިޔައީ ކޮން އުމުރެއްގެ ކުއްޖެއް ކަމެއް އަދި ސާފެއް ނުވެ އެވެ.
އެނގުން މުހިންމު - ރާއްޖޭގައި މަސްތުވާތަކެތީގެ މައްސަލަ ބޮޑުވެފައި ވާއިރު، އެ ވަބާގައި 15 އަހަރުން ދަށުގެ ކުޑަކުދިން ވެސް ޖެހެމުން އަންނަ ކަމަށް ހެލްތް މިނިސްޓްރީން ހެދި ދިރާސާއަކުން ވަނީ ހާމަވެފަ އެވެ.