ނޫސްވެރިންގެ ކަންބޮޑުވުންތަކަށް ބެއްލެވުމެއް ނެތި ހެއްކާ ބެހޭ ބިލް ރައީސް ތަސްދީގު ކުރައްވައިފި

ނޫސްވެރިކަމުގެ މަސްދަރު ގާނޫނު އަސާސީއިން ހިމާޔަތްކޮށްފައި އޮތްވައި އެ ހައްގު ހަނިކޮށް އަދި ނޫސްވެރިންގެ ކަންބޮޑުވުންތަކަށް ބެއްލެވުމެއް ނެތި ހެއްކާ ބެހޭ ބިލް ރައީސް އިބްރާހީމް މުޙައްމަދު ސޯލިހު މިއަދު ތަސްދީގު ކުރައްވައިފި އެވެ.

ވީ ކިހިނެއް؟- ބައެއް ހާލަތްތަކުގައި ނޫސްވެރިން ލިޔާ ހަބަރުތަކުގެ މަސްދަރު ހާމަ ކުރަން މަޖުބޫރުކުރަން ކޯޓުން ކަނޑައެޅޭނެ ގޮތަށް ރައްޔިތުން މަޖިލީހުން ފާސްކުރި ހެއްކާ ބެހޭ ބިލާ މެދު ނޫސްވެރިންދިއައީ ކަންބޮޑުވުން ފާޅުކުރަމުންނެވެ. އެގޮތުން މަޖިލިސް ކުރިމަތީގައި ބައެއް ނޫސްވެރިން އެކަމާ ދެކޮޅަށް އަޑު އުފުލައި، އަދި އެ ބިލް ތަސްދީގު ނުކުރުމަށް އެދި ގިނަ އަދަދެއްގެ ނޫސްވެރިން ވަނީ ޕެޓިޝަނެއްގައި ސޮއިކޮށް، ރައީސަށް ހުށަހަޅައިފަ އެވެ.

އެކަމަކު އެ ކަންބޮޑުވުންތަކަށް އަޅާނުލައްވައި، ރައީސް މިއަދު ވަނީ އެ ބިލް ތަސްދީގު ކުރައްވައިފަ އެވެ.

މި ބިލްގައިވާ ގޮތުން:

ރައީސް އޮފީހުން މިއަދު ބުނި ގޮތުގައި ހެއްކާ ބެހޭ ގާނޫނަކީ، މަދަނީ މައްސަލަތަކާއި ޖިނާއީ މައްސަލަތަކުގައި ހެކި ބަސް ނެގުމާއި ހެކި ހުށަހެޅުމާއި ހެކި ބަލައިގަތުމާއި ހެކި ވަޒަންކުރުމުގައި ތަބާވާން ޖެހޭ އުސޫލުތަކާއި  ކަމެއް ސާބިތުކުރުމަށް ހެކި ބޭނުންވާ ނިސްބަތާއި އެނޫންވެސް ހެއްކާބެހޭ އާއްމު އުސޫލުތައް ކަނޑައަޅާފައިވާ ގާނޫނެކެވެ.

އަދި ގާނޫނުގެ މަގްސަދުތަކުގެ ތެރޭގައި:

ކޯޓެއްގެ ޝަރީއަތުގެ މަޖިލީހުގެ ހުރުމަތް ކަނޑައިފި ނަމަ ދެވޭ ޖަލު އަދަބު ތިން މަހަށް ބަދަލު ކުރުމަށް ފާސް ކުރި ގާނޫނު ވެސް ރައީސް އިއްޔެ ވަނީ ތަސްދީގު ކުރައްވައިފަ އެވެ.

ގާނޫނުގައި ކުރިން އޮންނަނީ: